¹ بالصح عزمت ما نزيدش نجيكم باه ما تحزنوش مرة اخرى. ² على خاطر كان سببت لكم الحزن, شكون راح يفرحني انا غير اللي سببت لهم الحزن؟ ³ و كتبت لكم هاذا الشيء بالذات باه كي نجي ما نحزنش على الناس اللي كان لازم نفرح بيهم, متيقن فيكم الكل باللي الفرحة تاعي هي الفرحة تاعكم الكل. ⁴ على خاطر كتبت لكم و قلبي مليان بالحزن و عينيا بالدموع, باه ما تحزنوش, بالصح باه تعرفوا لمحبة اللي عندي بالخصوص من جيهتكم. المذنب سامحوه ⁵ و اللي كان سبب في الحزن, ما سببش الحزن غير ليا انا وحدي, بالصح سبب الحزن ليكم الكل حتى و لو قليل. ⁶ واحد كيما هاذا يكفيه العقاب اللي نالوا من عند الاغلبية, ⁷ و من الافضل ضرك تسامحوه و تشجعوه, باه ما تقضيش عليه كثرة الحزن. ⁸ نوصيكم تزيدوا تحبوه. ⁹ كتبت لكم هاذا الشيء باه نشوف تطيعوني في كل شيء و الا لا؟ ¹⁰ اللي تسامحوه انتم انا ثاني نسامحو, على خاطر كان غفرت في حاجة تستاهل يكون على جالكم في حضرة المسيح, ¹¹ باه واحد ما يطمع فيه الشيطان, على خاطر ما تخفاش علينا مقاصدو. الفوز في المسيح ¹² بالصح كي جيت لترواس, على جال التبشير بالمسيح, و كي فتح لي ربي الباب لثم, ¹³ ما كنتش مرتاح, على خاطر ما لقيتش خويا تيطس. و ليت بقيتهم على خير و خرجت رحت لمكدونية. ¹⁴ بالصح نشكر الله اللي دايما يقودنا في المحفل تاع الانتصار في المسيح يسوع, و ينشر بينا ريحة المعرفة تاعو في كل مكان. ¹⁵ على خاطر احنا الريحة الطيبة تاع المسيح لله, في الناس اللي يمنعوا و في الناس اللي يهلكوا. ¹⁶ لهاذوك ريحة موت توصل للموت, لهاذوك ريحة حياة توصل للحياة. شكون قادر يدير هاذي الامور؟ ¹⁷ احنا ما نتاجروش بكلام الله كيما ناس ياسر, بالصح نتكلم كلام ناس صادقين, كلام الرسل تاع الله قدام الله.