¹ و انا يا خاوتي ما قدرتش نكلمكم كيما ناس روحيين, بالصح نهدر معاكم كيما ناس جسديين كي اللي راكم اولاد صغار في المسيح, ² شربتكم لحليب مش الماكلة, على خاطر مازلتوا ما تقدروش, و مازالكم حتى لضرك ما تقدروش, ³ و مازال راكم جسديين.على خاطر فيكم الحسد و العراك و التحزب, و الا ماراكمش جسديين وتمشيو حساب الناس؟ ⁴ على خاطروقت اللي واحد يقول : "انا مع بولس" و واحد اخر يقول : "انا مع ابولوس" ماتكونوش جسديين هكذا؟ ⁵ شكون هو بولس؟ و شكون هو ابولوس؟ هما برك خدام امنتوا على يديهم, و كيما مد ربي لكل واحد فيهم: ⁶ انا غرست و ابولوس سقى, بالصح الله هو اللي ينبت, ⁷ لا اللي يغرس راه حاجة ولا اللي يسقي, بالصح الله اللي ينبت. ⁸ كي الغارس كي الساقي, بالصح كل واحد يدي اجرو على حساب التعب تاعو. ⁹ احنا رانا خدامين مع الله وانتم راكم الفلاحة تاع الله, البنية تاع الله. ¹⁰ حساب النعمة تاع الله اللي مد هالي كيما بناي عندو لفهامة انا حطيت الساس, و واحد اخر يبني عليه. بالصح يتوله كل واحد كيفاه يبني عليه. ¹¹ ما يقدرش واحد يحط ساس اخر غير هاذاك اللي تحط, يسوع المسيح. ¹² بالصح اذا كان واحد يبني على هذا الساس: ذهب, فضة, جوهر, لوح, حشيش, قش, ¹³ كل واحد الخدمة تاعو راح تبان في يوم الحق. على خاطر بالنار راح يظهر, و النار هي اللي تخبرنا واش هي الخدمة تاع كل واحد. ¹⁴ و اذا واحد بقات الخدمة تاعو اللي بناها راح يدي عليها الاجر. ¹⁵ و اذا تحرقت الخدمة تاع كاش واحد راح يخسر اما هو يمنع, بالصح كي اللي بالنار. ¹⁶ ما علابالكمش بلي انتوما الهيكل تاع الله, و باللي الله يسكن فيكم؟ ¹⁷ و الا كان واحد يفسد الهيكل تاع الله الله يفسدو, على خاطر الهيكل تاع الله مقدس اللي هو انتوما. ¹⁸ واحد ما يخدع روحو. اذا كان واحد بيناتكم حاسب روحو فاهم في هذا الزمان, خير يكون جاهل باه يولي فاهم! ¹⁹ على خاطر الحكمة تاع هذا الدنيا راهي جهل عند الله, على خاطر مكتوب:" اللي يدي الفاهمين بحيلتهم". ²⁰ و ثاني:" ربي عارف تخمام الحكماء بلي راه باطل". ²¹ مالا حتى واحد من الناس ما يفخر! الحوايج الكل راهي ليكم: ²² بولس, و الا ابولوس, و الا صفا, و الا الدنيا, و الا الحياة, و الاالموت, و الا الحاجات الحاضرة, و الا الجاية. كل شيء راهو ليكم. ²³ و اما انتوما راكم للمسيح, و المسيح لله.