¹ لو كان جيت نهدر بجميع لغات الناس و الملايكات و انا ما عنديش محبة, نولي كي النحاس يقربع وكي الصنج يرن. ² و لو كان جات عندي النبوة. و نعرف جميع لسرار و العلم بكلو, و لو كان جا عندي ليمان حتى نزعزع لجبال, بالصح ما عنديش محبة, ما نسوى والو. ³ و لو كان صدقت مالي كامل, ورميت روحي في النار, و انا ما عنديش محبة, ما راح نربح والو. ⁴ لمحبة تصبر و تشفق. لمحبة لا تحسد. لمحبة لا تفخر لا تتكبر, ⁵ لا تتقبح و لا تطلب مصلحتها. و لا تتعصب, ولا تقرى لحيلة, ⁶ و للشر ما تفرح بالصح للحق تفرح, ⁷ و تستحمل كلشيء, و تصدق كلشيء, و تتوقع كلشيء. و تصبر على كلشيء. ⁸ لمحبة عمرها ما تطيح. بالصح النبوات يجي نهار وتحبس, واللغات راح تزول, والعلم راح يفض. ⁹ على خاطر رانا نعرفوا من العلم غيرالقليل و نتنبؤوا غير على القليل, ¹⁰ بالصح كي يجي الكامل يبطل لقليل. ¹¹ كي كنت طفل صغير كنت نتكلم و نعمل ونفكر كيما طفل صغير. بالصح نهار اللي وليت راجل حبست لحوايج تاع طفل صغير, ¹² و ضرك رانا نشوفوا لحوايج كي اللي في مراية, ماهيش مفهومة, بالصح يجي نهار نشوفوها قدامنا. ضرك نعرف معرفة قليلة, بالصح في هاذاك الوقت نولي نعرف كيما لازم. ¹³ و بالصح ضرك هاذم في ثلاثة يدوموا: ليمان و الرجاء ولمحبة, بالصح لمحبة هي الاعظم فيهم.