¹ Eli alabile kulibo, "Mucine ndukweba, palimwebo abenine pano epali abatakafwepo ilitabanga bona ubufumu bwaba Lesa." ² Ili papitile inshuku mutanda, Ba Yesu balipintile Petelo na yakobo na Yoani nekuya nabo kuli pili, nekulyendela abene benka. Alyalwike pa menso yabo. ³ Nefyakufwala fyakwe fyalibengeshime, nekutubisha, kafituba ukwakuti tapali neli umo pacalo uwingafitufya. ⁴ Eli Eliya na Mose babwenekele kuli bo, nabo balikulabila na Yesu. ⁵ Petilo alyasukile nekubeba ba Yesa, " Mweba labbi, ciliweme kulifwebo ukuba kuno, ngatupenge imitanda itatu, umo wenu, umo wakwa Mose, umo wakwa Eliya." ⁶ (Neli taishibile fyakulabila, pakuti balibele ne mwenso.) ⁷ Ikumbi lyalishile ne ku bafimba. Eli kwamfwikile ishiwi ukufuma mwikumbi, " Uyu emwana wanji uuntemenwe. mumumfwe. ⁸ "Mukupumikisha, ili balicebuka, balisangene tabalipo ne muntu neli umo uulinabo, sombi ba Yesu benka. ⁹ Ulubalukubwela kulu pili, alibakonkomeshe ukutalabilapwefyo ifi babwene mpaka umwana wa muntu tangabushiwa kumfwa. ¹⁰ Nabo bali sungile ishiwi pakati kabo, sombi bali kulanshanya pakati palibo, "Ukabuka kubafwile." ¹¹ Balimwipwishe, "Nindo abalembeshi balabilile kweba ati, "Eliya akatatikilapo ukwisa?" ¹² Alilabile kulibo, " Eliya akatatikilapo kwisa mukubweseshamo ifintu fyonse. Nindo cilembelwe ati, umwana wamuntu akakalipwa kufingi nekupufya? ¹³ Sombi na labila kuli mwebo ati Eliya aliishile, balimucitile fyonsefye ifyo ba fwaile kuli ye, kwati fintu cilembelwe pali ye." ¹⁴ Ulu baishile ku basambile, balibwene ibumba ilikulu lillu kabashinguluka, ne balembeshi ba lukopikishanya nabo. ¹⁵ Ili bamumwene Yesu, icibumba conse calipapile eli babutukile kuli ye nekumuposha. ¹⁶ Alibepwishe abasambile bakwe, " Findo mulikupikishanyapo?" ¹⁷ Umo mucibumba alimwankwile at, "Mwebasambishi, ndiletele umwana wanji umwanalume kuli mwebo. Ali ne mupashi uwakutalabilapo. ¹⁸ Ulamufuntausha neku muwisha panshi, nekufuma amapofu kukanwa, nekusumanya ameno, nekulukonda. Nayebele abasambile uukufumyamo muli ye, pano tabaufumishe." ¹⁹ Alibasukile, " mwabankulo iyakubula kucetekela, nimpindi yashani mdukwikala namwebo? Nimpindi yashani nkalukulinamwe? Muleteni kuli nebo." ²⁰ Bali mulete umulumbwana kuli ye. Ulu umupashi wamwene Yesu, walimuposele mukusalakata. Umulumbwana aliwilile panshi ne pofu kukanwa. ²¹ Yesu alipwishe ba wishi, " Ni mpindi yashani iyapitapo abelelefi?" Ba wishi ba labile ati, "Ukutula ku bwanike. ²² Cilamuposa mumulilo neli mumenda nekufwaya uku monaula. Kani mungacita akantu, mutucitile inkumbu neku twafwako." ²³ Yesu alilabile kuli ye, " Kani uli ipekenye?" Fyonse fintu finakile kuli uyo onse uucetekele." ²⁴ Penkapo ba wishi ba mwana ne kupunda ati, " Ndi cetekele! Njafweni uku tacetekela kwanji!" ²⁵ Ulu Yesu abwene ibumba lilu kubutukila kuli bo, alikalipile umupashi ubipile ne kulabila ati, " We mupashi uwakukoma amatwi ne kutalabila, nakweba, fumamo muli ye nakambi wikabwekelamo libili." ²⁶ Walipundile ne kumufuntausha umulumbwana neku fumamo. Umulumbwana aalibonekele koti afwa, eli nebenji balilabile ati, " Alifwile." ²⁷ Sombi Yesu alimwikete pakuboko neku mwimya, ne mulumbwana alimakene. ²⁸ Ulu Yesu aingile mu nanda, abasambile bakwe bali mwipwishe kumbali, " Nindo tatulukushitamfyamo?" ²⁹ Alilabile kuli bo, " umukoka uyu tekutamfiwapo kuli fimbi kano kwitembelo." ³⁰ Balifuminekoko ne kupita mu Galili. taalukufwaya umuntu neli umo ukwishiba, ³¹ pakuti ali ku bashabilisha abasambile bakwe. Nekulabila kulibo ati, "Umwana wamuntu akapelwa muminwe yabantu, nabo bakamwipaya. ulu bamwipaya, panuma inshiku shitatu akashukuka." ³² Sombi tabaishibilepo bwino uyu mulandu, nekuti nokumwipusha. ³³ Eli bafikile ku kapaanama. Panuma aingila mu nanda alibepwishe ati, " Findo mwalukulanshanya munshila?" ³⁴ Sombi baalicelele. pakweba ati baalukutalikinshanya umo no munakwe pakweba ati ninani umukulu. ³⁵ Aikala panshi, alibetile abo ikumi na babili neku beba ati, "Kani umuntu afwaya kuba wakutanga, ali nekuba wakupelako kuli bonse ne mupyungishi wabonse." ³⁷ Alibulile ne mwanike ne ku muleta palibo. Alimwikete mukuboko ne kulabila kulibo ati, ³⁶ " uyo uwapokelela umwanike mwishina lyanji, apokelela nebo, uyo uwampokelela tampokelepo sombi yo uwantumine." ³⁸ Yoane alilabile kuli ye, " Mwebasambishi, twalibwene umbi akontamfya ingulu mwishina lyenu pano twalimukenya, pakuti tendapo nafwe." ³⁹ Sombi Yesu alilabile ati, " Aikona ukumukanya, pakuti tapapo umuntu uungabomba umulimo uukulu mwishina lyanji penkapa ne kutati ukulabila ifibipile pali nebo. ⁴⁰ Uyo uulecita ifitule cita tuli ppamo naye. ⁴¹ Uyo uwakupela inkomeki ya menshi ati unwe mwishina lyandi pakuti muli baba Christu, mucine na labila kuli mwebo, takalufyepo icilambu cakwe. ⁴² Uyo ulengesha ababanini uucetekele mulinebo mukutuntwisha, camuwamina ye ukukakila icebwe mumukoshi ne kumuposha mucishiba. ⁴³ Kani ukuboko kobe kwakulengesha ukulitutula, kuputule. Ciliweme kuli webo ukwingila mu mweo umulema ukucila uku kwata maboko abili neku poswa mu Geena, kumilo utashimapo. ⁴⁴ Uko amatila tafwapo, neli mulilo taushima. ⁴⁵ Kani ulukasa lobe lwakulengesha ukulitutula, luputule. Ca kulinga webo ukwingila mu mwebo umulema ukucila ukuba nemolu abili nekuposwa ku Geena. ⁴⁶ Uko amatilatafwapo, ne mulilo taushima. ⁴⁷ Kani ishiso lyobe lyakutututwisha, lilobole. Cakuwamina webo ukwingila mubufumu bakwe lesa neshiso limo ukucila ukukwata amenso abili ne kuposwa mu Geena. ⁴⁸ Uko amatila tafwapo, ne emililo. Pakuti onse akalungwa ne mulilo taushima. ⁴⁹ Pakuti onse akalungwa ne mulilo. ⁵⁰ Sauti muweme, sombi kani sauti yalofya uku kuma kwa sauti, ungaulenga shani ukuba ni sauti nakabili? Beni na sauti pakati kenu, kabili mube abamutende kuli umo ne mu byakwe."