¹ Aba faliseyo nebalembeshi bambi abafumine ku Yelusalemu, balibungene neku mushinguluka. ² Balibwene abasambile bakwe ba lukulya shinkwa kumaboko aakowelele, emukweba ati, aya kubula ukusamba. ³ (Pakuti neba Yuda bonse tabalu kulya ukwabula ukusamba ku maboko, pakuti bali katilwe ku ntambi sha fikolwe fyabo. ⁴ Ili aba faliseyo baisa ukufuma ku chisankano takuli ukulyapo ili tabangasamba, epapo balikatililwe kuti ifingi ifibapokele, koti ku samfya amakapu, ba pooto, ne fipe fya mukuba, ne fipe fimbi ifi balo kulilamo.) ⁵ Aba faliseyo ne balembeshi ka mwipusha Yesu, "Nindo abasambile bobe tabendelapo mufibelesho fyabakulu, sombi balalya shinkwa shinkwa yabo ukwa kubula ukusamba ku maboko!" ⁶ Sombi ka balabila kuli bo, "Esaya ali seseme ifiweme ifya pali mwebo mwe finangwa. Koti fintu Cilembelwe, "aba bantu balandemaya ne milomo yabo, sombi imitima yabo ili apatali na nebo. ⁷ Ukutembela kwalukoso eko bampeesla nebo, ukusambilisha ifpope ifya bantu.' Koti nge intambi shabo.' ⁸ Mulilekeleko kwifunde lya ba Lesa ne kwikalila mu busambishi bwa bantu." Kabili kalabila kuli bo, ⁹ " Kabili kalabila ifi efyo mukana bwino ifunde lya ba Lesa ukweba ati mu lame ifi belesho fyenu! ¹⁰ Pakuti Mose alilabile ati, 'Cindika ba wiso na banoko, 'Sombi ; Uyo oonse uukalabila ama shiwi aabipile aka fwa.' ¹¹ Mulalabila ati, 'Kani umuntu alabila kuli ba wishi na ba nyina ici conse icimwapoka kuli nebo nikobani." (ici ekwaba ati, 'cilipelwe kuli Lesa'), ¹² Kabili tamuka musuminishapo ukucita iciweme conse kuli ba wishi na banyina. ¹³ Kabili mulecita icebo caaba Lesa ica lukoso kufibelesho fyenu ifi mwabapele. Na fimbi ifintu ifingi efi mucita." ¹⁴ Ba Yesu baitile ici bumba eli ne kulabila kuli boo, "Nkutikeni, mwe bonse, eli mulukumfwisha. ¹⁵ Sombi takuli neli cimo icakufuma kuunse ya muntu, cingamoneke kuku monaola ico cingengila mu kati. Conse icali kufuma mu kanwa ecili kumu kowesha." ¹⁶ Kuba kukale kwali ifintu ifyalukulembwa sombi nolikukwata ifikomo. Kani kuliko uumuntu uuli ne kutwi kwa kuumfwa, lekeni omfwe. ¹⁷ Lwenka luno ba Yesu balukushile ici bumba eli ne kwingila mu nanda, abasambile bali kumulabisha palwa mulumbe. ¹⁸ Eli ba Yesu balabile ati, "Mucili aba kubula ukumfwa/ Bushe tamwishipo ati, icifuma kuns ne kwingiila mu muntu tekuti cimukoweshe, ¹⁹ ecalenga at mweba takuli cingengila mu mutima, slmbi cingengila mukinsa kabili neku poswa mu cimbusu?" ²⁰ Ba yesu balibiile, "Nico conse cili kufuma mu kanwa ka muntu ico cikowesha umuntu. ²¹ Pakuti mukati kamitima ya bantu, mulu kufuma, ukulanguluka, ukubipile nebu menso menso. ²² Nefya miponto, nefya kwipaya abantu, nefya bucilende, nefya lunkumbwa, nefya kutumpaika, bukaitemwe, ne menso, ubu kali ne fyabusenshi, ne fyakutumpa fyonse. ²³ Fyonse ifyo ifibipile fila fuma mukati ne kulu kubifyo muntu." ²⁴ Apopene ba limine ne kulukuya kumitala iyaku Tulo naku Sidoni. Nabo ili ba ingile mu nanda, kabili balifwaile ati bonse tekufiishiwa neli umo, sombi tabaiswilepo ukufisama. ²⁵ Pakuti umbi umwanakashi, uwali ne mwana umwaice umwanakashi uwaiketwe ne mipashi iibipile ili aumfwile ifyalo, alipilile ne kuwila panshi mu ceni cakwe. ²⁶ Uyo umwanakashi ali mu Ela, ali mushobo wakwi Shilya-Poineke. Nao ali waku Betelemu ati wacita fya imipashi iya kowela mu mwana wandi. ²⁷ Nao kababila kuli wene ati, " Sombi uli kutekanya abana bekute. Pakuti tekwelelwa ukubuula ifyakulya fyabana, ne kuposa kumbwa." ²⁸ Sombi nao ne kwisa asuka ati, "Cacine shikulu ne tubwa utwikala mwifungu lye tebulu, tulalya ulusekentwa lwa twana. ²⁹ Nao kalabila kuli wene ati, "Pakuti pa mashiwi ayo, ulikakwilwe ukuya. Ne mupashi wa kowela uliile ukufuma mu mwana obe. ³⁰ Nao akumbulukile ukulukuya ku nanda yakwe, ne kusanga ne mwana alilele pa bulo, ne mupashi uwa kowela iliile. ³¹ Nao Yesu alifineko ku fyalo fya kutali ku Tulo naku Sidoni, ne kuya ku cishiba ca Galileya, ili pitile pakati ka fifulo fya kutali ifyaku Kapole. ³² Pambi waliletele kuli bo, umbi uwashinkile amatwi, kabili ali ni ulya uushishipo ukulabila, nao ne kuya kumbalila ati watntilepo iminwe yakwe pali wene. ³³ Eli wa mufumishe mwi bumba neku mutwala kumpelo, neku mubika ne minwe yakwe mu matwi, ne kushipa, ne kumutintila pa lulimi. ³⁴ Eli ainwine amenso ne ku lolesha mwiulu, mukubona eli kalabila kuli ye, "Ebabata," uko ekulabila ati, "Isula!" ³⁵ Penka apo na matwi yakwe kayesuka, no lulimi lwakwe kalukakululwa, kabili katatika ne kulabila pa lwalala. ³⁶ Ba Yesu bali konkomenshe bonse ukweba ati tekwesha ukweba umuntu, ulo abebekeshe nbo bacilileko ukutwalilila. ³⁷ Kabili nao ali kankamene ukwakuti lukoso ne kulabila at, "Fyonse ifintu alukuficita bwino. Balabashinkula ne bashinkile amatwi ati walukumfwa; neba shaishibe kulabila.