¹ Bona akakalata Yoane, Yesu kaya kulupili lwamaolife. ² Lomba ulukelo kaisa kwi tempuli nakabili, nebantu bonse kabesa; Eli aikele panshi ne kuba sambishi. ³ Abelembeshi ne bafaliseyo kabaleta umwanakashi uyo mwanakashi alisangilwe ne mulundu wakucita ubuchende. Kabamuleta pakati kabo. ⁴ Eli balabile kuli ye, ''Mwebasa mbishi uyu mwanakashi twa musanganisha no mulandu wa bu chende. ⁵ Pano mumafunde, Mose alitukonkomeshe uwa musango ifi kumupola amabwe; Nga pa no lwe ulukulabilapo shani?'' ⁶ Ifi balabilile mukumwesha pakuti basange umulandu apa kumwikatila, sombi Yesu aineme panshi nekulukulemba umunwepanshi. ⁷ Eli ba twalilile ukumwipusha amepusho, kainu,ka nekulabila kuli bo, ''Umo pali mwebo uushakitapo icibipile, wenka uyo usha citapo icibipile wenka uyo abalilepo uku mupola ibwe.'' Eli aineme. ⁸ Nakambi kainama nekwamba ukulemba umunwe panshi. ⁹ Ili baumfwile ifyo, balitatikile ukufumapo umo, ukutatikila ku bakulu. Kukulekelesha Yesu kashala enka, ¹⁰ Yesu ashala enka ne mwanakashi. Yesu kainuka ne kulabila kuli ye ati, ''We mwanakashi balipi balya abakuletela palipo umo uukusekele?'' ¹¹ Eli alabile ati, ''Tapapo, mweshikulu.'' Yesu kalabila ''Nagu ninebo nshikusekelepo. Koya wikabifya libili.'' ¹² Nakabili Yesu kalabila kulibo, kalabila ati, ''Nebo ndi lubuto ulwamucalo; uyu onse ukankoka takende po mufishi pakuti akalukuli ne lubuto lwamweo.'' ¹³ Abafaliseyo balabile kuliye, ''Webo ulukulabila wemwine ubumboni; ubumboni bobe tepo bwacine,'' ¹⁴ Yesu alyasukile nekulabila kuli bo, ''Nangu kani nailabila ubumboni ne mwine, bumboni bwandi bwacine. Nebo ndishibile uku nafumine nekundukuya, sombi tamwishipo uku nafumine nekundukuya. ¹⁵ Mwebo mulaoingula ukulingana nakumubili; nebo nshipingulapo neli umo. ¹⁶ Nebo kani napingula, ubupingushi bwandi bwacine pakuti nebo nshilipo nenka, nebo ndi natata uwa ntumine ¹⁷ eee, kabili mumafunde yenu chalilembwa ati ubumboni bwa bantu babili bwacine. ¹⁸ Nebo nine uilabilila ubumboni nemwine, natata uwatuma ala ndabililako ubumboboni.'' ¹⁹ Kabalabila kuliye ati, ''Nga bawiso balipi?'' Yesu alwasukile ati, ''Tamwishipo neli ninebo neli nitata; nga munjishi na tata nga muli mwishi.'' ²⁰ Elyo alabile amashiwi yakwe ulo alikusambilisha mukati aka tempuli, tapalipo nabamwikete pakuti impindi yakwe tayali taingafika. ²¹ Kabili alilabilile kuli bo, ''Ndukuya; mukalema kumfwaya tamukasangapo mukafwila mufya kubifya fyenu. ²² Ukundukuya takuti mwisep.'' Abayuda kabalabila ati, '' alukufwaya ukuipaya? Emulandu ali kulabilila ati, '' Ukundu kuya tekuti mwiseko'?'' ²³ Yesu kalabila kuli bo, ''Mwebo muli bapano pacalo; nebo nafuma kwiulu. Mwebo muli bapano pa calo; nebo nshilipo wapano pano pa calo. ²⁴ Penka, ndukulabila kuli mwe ati, mwebo mukafwila mukufifya. Kano mwatetekela ati nine, mukafwila mukubifya kwenu. ²⁵ Eco kabalabila kuli ye ati, '' Niwe nani?'' Yesu kalabila kuli bo ati,''Ifi namwebele ukufuma. ²⁶ Nindi nefingi ifya kulabila ne kumipingula ne pantu, uyo uwantumine wacishinka; ne fingi ifi naufwile kuli ye, fi ifintu nalabila ku calo.'' ²⁷ Tabaufwilepo ukuti ye alelabila kuli bo pali bawishi. ²⁹ Yesu kalabila, ''Eli mwamwimya umwana wa muntu, ili mukeshiba ukuti NINE, na ukuti nshingacita akantu ne mwine. ²⁸ Ifi tata asambishe, ndabila ifi ifintu uyo uwantuma ali nanebo, na ye tashilepo nenka, pakuti ndacita ifyakusekesha ye.'' ³⁰ Ili Yesu alelabila ifi fintu, abenji kabacetekela muli ye. ³¹ Yesu alabile kuli abo bayuda abamuchetekela ye, ''Kani mwaikalilila mu fyebo fyanji, ili lomba mucine mulibasambile banji. ³² Kabili mukalukwishiba icine, nabo bucine bukamukaluleni.'' ³³ Balimwasukile, ''Fwebo tuli bufyashi bwakwe Abrahamu kabili tatwabapo abasha ku muntu nelyu umo; nga lwe ungalabila shani, ''Ukakakuluka'?'' ³⁴ Yesu alibasukile, icine, cine nalabila kuliye, umuntu onse uutala ulubembu musha wa lubembu. ³⁵ Umusha tekuti e,kalilile munanda inshiku shonse; umwana alekalila inshiku shonse. ³⁶ Ecico, kani umwana akukakulula mucine ukakakuluka. ³⁷ Ndishi ukuti bufyashi bwakwe Abrahamu; mulukufyaya ukunjipaya pakuti amashiwi wanji tayakwetepo incende mumwe. ³⁸ Ndabila ifi nabona kuli tata namwebo mucita ifi mumfwa kuli bawishinwe.'' ³⁹ Bayasukile nekutila kuliye, ''Bawishifwe ni Abrahamu .'' Yesu alilabile kulibo, ''Kani mwali abana bakwa Abrahamu, mungacita imilimo yakwa Abrahamu. ⁴⁰ Pano, lomba mulukufwaya kunjipaya, umuntu uwalabile kuli mwebo icine ico aumfwile kuli Lesa. ⁴¹ Mwe mucita imilimo yaba wishinwe, ''Kabalabila kuli ye, ''Tatwafyelwepo mubucende; tulina bawishifwe bamo ba Lesa.'' ^{42 43} Yesu kalabila, ''Kani Lesa alinishinwe, nga muli ntemenwe pakuti ndifumine kuli baLesa ili ndi pano; Eli ningesa palwanji nemwine, sombi ye katuma. ⁴⁴ Nindo tamuleumfwapo amashiwi wanji? nipamulandu wakwe bati tamulefwaya ukumfwa amashiwi wanji. ⁴⁵ Mwebop muli babawishinwe, cibanda, mufwaya ukucita ubufwayo bwaba wishinwe ali mwipaishi ukufuma kucitati temakapo muli bucine muli yee. Ulu albila ifyakubepa, alalabila ifwakwe pakuti nikabepa ewishi wakubepa. ⁴⁶ Pano, ndalabila icine tamucetekelapo. Nani pali mwe uwingashinina ukubifya? Kani nalabila icine, nindo tamutetekela? ⁴⁷ Uyo uwaba Lesa alomfwa amashiwi ayaba Lesa; tamuyomfwapo pakuti tamulipo bakwa Lesa.'' ⁴⁸ Abayuda kabasuka no kulabila kuli ye, ''Tatuulabile icine ati uli musamalia ne kukwata icibanda?'' ⁴⁹ Yesu kaasuka nshikwetepo cibanda, ''Sombi ndecindika, tata, pano mwe mulampufya, ⁵⁰ nshifwayapo ubulemi; kuli umo uufwaya ne kupingula. ⁵¹ Icine cine nalabila kuli mwebo kani umuntu asanga amashiwi anji takabonepo imfwa.'' ⁵² Abayuda kabalabila kuli ye. Pano twaishiba ati ulikwetwe cibanda. Abrahamu kasesema alifwile. Sombi webo ulelabila ati, umuntu onse uwasunga ishiwi lyanji, ta komfwapo imfwa! ⁵³ Taukulipo ukucila bawishifwe ba Abrahamu abafwila, te fye fyo ? Bakasesema nabo balifwile mba webo ulelibila ati niwe nani?'' ⁵⁴ Yesu kaasuka, ''Kani nailemya ne mwine, ubuleme bwanji bwalukoso, nibatata abandemya paliuyo uomweba ati ni Lesa wenu. ⁵⁵ Tamwishipo, sombi nebo ndimwishi. Kani na labila ati, 'nshimwishipo nkaba koti ni mwebo, ababufi nangu cibe ifyo, ndemwishi ne kusunga ishiwi lyakwe. ⁵⁶ Wishinwe alisangalele pakubona ubushiku bwanji! Alibubwene kabili alitemenwe. ⁵⁷ Abayudsa kabalabila kuli ye, ''Webo taungafika imyaka amakumi asanu pano ulibwene Abrahamu?'' ⁵⁸ Yesu kalabila kulibo, cine, cine, nalabila kuli mwebo eli tangabako Abrahamu NEBO EKO NALI. ⁵⁹ Penkapo kabatola amabwe kabafwaya ukuposa, Eli bayesu babeleme ne kufuma mwitepuli.