¹ Panuma yamfifintu Yesu aliilangishe nakabile panika ya tibelya. Ifi efi ailangishe umwine. ² Simoni Petelo alipo na Tomasi uwainikilwe ati Didumo, Natani ukufuma ku kena mu Galileya, umwana wakwe Sebedai, nebasambile balili abakwa Yesu. ³ Simoni Petelo kalabila kuliboati, ''Ndukuya mukwikate-sabi.'' Nabo balilabile kuli ye ati, ''Nafwebo, sombi, tulukuya namwebo.'' Balile nekwingila mubwato, sombi tabaiketepo neli limo ubushiku bonse. ⁴ Lomba, pakucaakacelo, Yesu aalimakene pamusesenga, sombi abasambile tabaishibilepo ukwebati ni Yesu. ⁵ Eli Yesu alabile kulibo ati, ''Mwebo, mulikwete ifilyo?'' Nabo kabamwasuka ati, ''Iyuu.'' ⁶ Naye alilabile kulibo ati, ''Poseni isumbo kulwine lwabwato mwakusanganamo fimo.'' Nabo baliteele nekufilwa ukukalwila mukati pabwingi bamasabi. ⁷ Eli umusambi uu Yesu atemenwe alabile kuli Petelo ati, ''Niba shikulu.'' Ulu SimoniPetelo aumfwile ati niba shikulu alifwinte umwingla (pakuti tafwitepo), nekuiposa umwine mucishiba. ⁸ Nabambi abasambile balishile mu bwato(pakuti tabalipo kutali nakumulundu, sombi koti makyubitimyanda ibili), baalukutita isumbu ilyaswile nemasabi. ⁹ Ulu aabukile kumuludu, balibwene umulilo nesabi peulu, nashinkwa. ¹⁰ Yesu alilabile kulibo ati, ''Mpeniko limbisabiili mwaikakata.'' ¹¹ SimoniPetelo alile nekukakulula isumbi kumulundu, akeswile nemasabi aakulu, umwanda umo nemakumi asano nalitatu, sombi nangabaati lyalifulilefi, isumbu talalapukilepo. ¹² Yesu alilabile kulibo ati, ''Iseni nekulya umwiikulo.'' Neli umo mubasambi uwakubepusha ati, ''Niwenani?'' Balishibe ati nibashikulu. ¹³ UluYesu aishile, alipintile shinkwa, nekuipela kulibo, nemasabi nayo. ¹⁴ Uyu wali muku wabutatu Yesu ukulilangisha umwine kubasambile panuma abuka kubafwile. ¹⁵ Panuma balya umwikulo, Yesu alilabile kuli Simoni Petelo, ''Simoni umwana wakwe Yoani, ulintemenwe ukucila bonse aba?'' Naye Petelo nekumwasuka ati, ''Ina bashikulu, namwebo mulishi ati ndimitemenwe.'' Yesu kalabila kuli yee, ''Liisha imbelele.'' ¹⁶ Naye balilbile kuliye libili, ''Simoni umwana wakwe Yoani, ulinteminwe?'' Mulishi ati ndikumutemweni.'' Yesu alilabile ati, ''Embelaimbelele.'' ¹⁷ Kalabila kuliye umuku wabu citatu, ''Simoni umwana wakwe Yoani, ulukuntemwa?'' Petelo alibele nebukali pakulukubweleshapo ukumwipusha, ''Ulintemenwe?''Alilabile kuliye, ''Mwishikulu, mulishi utuntu tonse, namwebo mulishi ati ndukumutemweni.'' Yesu kalabila kuli ye ati, ''Liisha impaanga. ¹⁸ Mucine, cine, nalabila kuliwe, ulu wali umunini walukuisunga wemwine nekulukuyanukuulukufwaya, Simbi uluwakula, ukakutambika ukuboko kobe, nemuntu umbi akamusungilila nekumusenda ukumutwala uko tamu.'' lefwayapo ukuya. ¹⁹ Lomba Yesu alukulabilamfi mukulangisha imfwa Petelo angalemeshamo balesa. Panuma alabilamfi, alimwebele Petelo ati, ''Nkonka.'' ²⁰ Petelo alipilibwike nekumona umusambi uu Yesu atemenwe alukubalonda, uyo ubashintilile bayesu ulubalukulya icilya cabushiku uwalabile ati, ''Shikulu, ninani uyo uukamulobeleni?'' ²¹ Petelo alimubwene nekulabila kuli Yesu, ''Shikulu, uyumuntu akacinteendo?'' ²² Yesu alilabile kuliye ati, kani namuleka ekale ukufika kumpindi yakubwela nebo, cikaba shani kuli mwebo? Nkonkeni.'' ²³ Pakuti umulandu uyu walisalangene pabana bankashi, ukwebaati umusambi takafwe. Sombi ati Yesu talabilepo kuli Petelo ukwebaati umbi umusambi takafwe, sombi, ''Kani namuleka ekale ukufika nakumpindi yakubwela kwangi, cilishani kuli mwebo?'' ²⁴ Uyu musambile uwashimikile fyonse fyo fintu, uwalembele namfi-fintu nafwebo tulishi ati ukushimika kwakwe kwacine. ²⁵ Ekofili nafimbifintu ifi Yesu acitile, kani fililembelwe fyonse, ndabona necalo tangakwanisha ukusunga amabuku aengalembwa.