¹ Eli pilate apinta Yesu nekumupoula. ² Abashilikani kabaposa umutinga wa myunga balibikile pamutwi wakwe Yesu nekumufwika umwingila uuka shikile. ³ Balishile kuli ye nekulabila ati, ''Owe, we mfumu ysaba Yuda!'' nekumupumya. ⁴ Kabili Pilate kaya panse nakabili nekulabila kulibo. ''Boneni, mde muleta panse kuli mwebo pahuti mukeshibe ati, ''Nshisangilepo umulandu muli ye.'' ⁵ Pano Yesu kafuma panse, umwafwalile umuntinya uwamyunga pa mutwe nefyakufwala ifikashikile. Pilete ka labila kulibo, ''Boneni kuno ekuli umuntu!'' ⁶ Ilifyenkefyo bacipupila abakulu nefilolo babwene Yesu, balibiolikishe nekulabila ati, ''Mutanikeni, mutanikeni!'' Pilate kalabila kulibo, ''Mupinteni mwebene, pakuti nshibwenemo mulandu muliye.'' ⁷ Aba Yuda bali mwasukile, ''Fwebo tulinefunde, kabili ukulingana nefunde lyo alili ngile ukufwa pakuti alukulyeba ati, mwana wakwe Lesa.'' ⁸ Ili Pilate aumfwile ukulabiloko, alicililepo ukumfwomwenso, ⁹ kabili kaingila mwilabililo nakabili nekulabila kuli Yesu , ''Nikwisa ufumine?'' sombi Yesu tamwasukilepo. ¹⁰ Kabili pilate kalabila kuli ye, ''Taulukwasuka kulinebo? Tawishipo ati ndikwete amkosa aakukukakula, nemakosa aakukutanika?'' ¹¹ Yesu ka mwasuka. ''Taukwetepo amakosa ukuncila sombi pafintu ifipelwe kuli webo ukufuma kwiulu. Efifyo uyo uwampele kuli webo alinecibipile icikulu.'' ¹² Pakwasuka ukulifi, Plate kaesha ukumukakula, sombi aba Yuda kababilikisha ukulabila ati, ''Kani ukakule uyu muntu, webo taulipo mulundu wakwe kaisala. Uuli onse uulipanga ukuba imfumu tamulabililapo bwino kaisa.'' ¹³ Ili Pilate aumfwile aya amashiwi, kaleta Yesu panse nekwikala mucipuna cesolololo mumupunda uwitwa ''Gabata, muci Ebeya.'' ¹⁴ Pano ubu bwali bushiku bwakuteyanishisha umuciluko, pakapindi akafisanu na kamo. Pilate kalabila kuba Yuda, ''Boneni, imfumu ye nwiyi!'' ¹⁵ Kababilikisha mufumyeni apa, mufumyeni apa, mutanikeni!'' Pilate kalabila kuli bo, ''Kani nebo ningatanika imfumu yenu?'' Bacipupipala abakulu kabasuka. ''Tatukwetepo imfumu sombi kaisala.'' ¹⁶ Pano pilate kasunkila Yesu kulibo kukumutanika. ¹⁷ Kabilika pinta Yesu, kafuma panse, iyapintile umutaliko umwine kumupunda uwitwa ''Icifulo ca kabwangala.'' Ico muci Ebeya ati ni Gologota.'' ¹⁸ Balitanikile Yesu uko, pamonaye abalalume babili, umbii kucipiko umbi naye kulwine naye Yesu pakati. ¹⁹ Pilate kalemba icishibilo kacibika pa mutaliko. Palya calilembelwepo ati: YESU UWAKUNASALETI, IMFUMU YABA YUDA. ²⁰ Abengi aba ba Yuda balipendele ici icishibisho pakuti icifulo ici Yesu atanikilwepo cali apepi ne mushi. Icishibisho calilembelwe muci Ebeya muci latini(Muciloma na muci Ela). ²¹ Pano bacipupila abakulu aba ba Yuda kabalabila kuli pilate, ''Wilemba, imfumu yaba Yuda. Sombi ati, Uyu alilabile ati, ''Ndi mfumu yaba Yuda.'''''' ²² Pilate kaasuka, Ifyo ifi nalemba nalemba.'' ²³ Ilya bashilikalebata nikile Yesu, balipintile ifyakufwala fyakwe, kabafyabana mufiputulwafine, cimo kuli umo umo ne mwingila. Sombi umwinjila tawakwete umulundo, walibililwe ukufuma panshi na kwiulu. ²⁴ Eli balabile kuli umo ne mubyakwe, twi ukwamuna, sombi ngatuteye icipa pakuti tubone uulepinta.''Ici calicitikilwe pakuti amalembo afikilishiwe aalelbila ati, ''Balyabene ifyakufwala fyanji abene na bene nekuteya ifipa pamwinjila wanji.'' Ifi efyo abashilikale bacitile. ²⁵ Pano pakabeya kamutaliko wakwa Yesu palimakene ba nyina, nenkashi yaba nyina, Maliya umukashi wakwa Klopasi, na Maliya Magadalena ²⁶ Ili Yesu abwene banyina nemusambi uyo uu atemenwe balimakene apapi, kalabila kuli ba nyina, ''Wemwanaka, bona, umwana obe!'' ²⁷ Eli alabile kumusambi, ''Bona, banoko!'' Ukufuma pakapindi kenka ako umusambi alipintile kunganda yakwe. ²⁸ Panu,a yafifi, ukuleishibite ati, fyonse pano fya konshiwa nemelembo afikilishiwa, Yesu kalabila, ''Naumfwe cilaka.'' ²⁹ Umusashi uwiswilemo waini uusashile ali sumtwile muneshiponji umu babikile balisuntwile peulu kukanwa kakwe. ³⁰ Ili Yesu anwinemo muli waini uusashile, kalabila. ''Chashila, ''Kainamikane mutwi wakwene mupashi wakwekaufuma. ³¹ Pano aba Yuda pakuti bwali bushiku ubwakulibambila, ukweba ati imibili ya ba fwile tekuti ishale pamutaliko ukufika na mwisabata (Pakuti isabata lyali il cindeme), kabepusha Pilate ukukonala amolu yabo nekuba fu myapo. ³² Pano abasilikale balishile kabakonala amoluwakutanga newacibili abo abatanikilwe na Yesu. ³³ Ili bafikile pali Yesu, kababona ati afwakale, panotaba konwene amoluakwe. ³⁴ Nangu cibe fi, umo uwapabasilikale kamulasa mukabeya kakwe nefumo, penkapo kalubula nemenshi fyalifumine, ³⁵ uyo uwabwene ifi alishininkishe nekupela bukamboni ubwacine. Alishibile ati ifi alabile fyacine ukweba ati mucetekele. ³⁶ Ifi fyonse fya licitikilwe ukweba ati amalembo akesushiwe, ''Tapakabapo ifupa nelilimo ilikakoneka. ³⁷ Nakabili amalembo ambi alabila ati, ''Bakatontomeka pali ye uyo uubalashile.'' ³⁸ Panuma yafifi fintu, Yosefu waku olimateya, pakuti ali musambile wakwe Yesu (Sombi mubunfishi mukutina aba Yadu), Kaipusha Pilate kani angafumya umubili wakwa Yesu. Pilate ali musuminishe, apo Josefu naye kaisa mukupinto umubili wakwe. ³⁹ Necodemas na kaisa, uyo uwaishile kuli Yesu pakutanga ubushiku. Aliletele amafuta aapatankene aanunkile bwino, apepi ne mwanda umo wali lita. ⁴⁰ Ifyo efi bapintile umubili wakwa Yesu neku upomba munguboshamba futa koti mubelo waba Yada uwakushi kilamo imibili. ⁴¹ Pano mu mupunda uu atinikilwemo kwali ne bala, namwibala mwalinemanda umo umuntu nangu umoto shikilwemo. ⁴² Pakuti bwali bushiku ubwa kulibambila aba Yuda pakuti imanda yali apepi pepi, balishikile Yesu umo.