¹ Ili Yesu alabile ifi fintu, aininwe amenso ne kulolesha mwiulu ne kulabila, ''Tata impindi yafika, ncindikeni umwana wenu na mwebo ² amucindikeni-ngefyo mwamupele amakosa pa bantu pakuti aye akapele umweo wa muyayaya kuli bonse babo mwamu pele. ³ Uyu emweo wa muyayaya ukuti ba mwishibe, Lesa enka uwa cime naye uwu mwatumine, Yesu Kilistu. ⁴ Namilemya pa calo, ndipwishishishe umuliom uuwo mwampeele ukucita. ⁵ Pano, Tata, ndemyeni pamo namwebo ne bukuta ubo nali nabo ili calo tacinga pangwa. ⁶ Nali fisulula ishina lyenu ku bantu abo mwampele pa calo bali benu, kabili mwabapele kuli ne, bali sungile amashiwi yenu. ⁷ Nomba balishi ukuti fyonse mwampele fyafumine kuli mwebo, pakuti naba pele onse amashiwi awo mwampele. ⁸ Pakuti benu bali yapokele ne cine balishibile ukuti nebo nafumine kuli mwebo kabili balicetekelo ukweba ati nimwebo mwantumine. ⁹ Naba pepela nshilu ku pepelapo icalo sombi pali babo mwampele, pakuti benu. ¹⁰ Fyonse ifyandi fyenu, ne fyenu fyanji, pakuti nacindinkilwa muli bo. ¹¹ Nebo nomba nebo nshilipo mu calo aba bantu bali pa calo, pano ndeisa kuli mwebo. Tata umuswetele ba lameni mwishina lyenu ili mwampele pakuti babe umo, ngefi naifwe kuli umo. ¹² Ili nali nabo, nali ba lamine mwishina lyenu, eli mwapele nali ba cingile, tapalipo nelwo umo umwaonaikile, kano enka umwana wabonaushi, pakuti amalemboafikilishiwepo. ¹³ Pano nkoisa kuli mwe, sombi ndelabila ifi fintu muno calo pakuti bakabe noku angalala ukwiswelemo muli bo abene. ¹⁴ Na bapele amashiwi enu, ne ne calo cili bapatile pantu tabapo bapano calo ngefi nebo nshili wapano calo. ¹⁵ Nshilemwipusheni ati mubafumye mu calo, sombi mwebo uku balama bwino ukufuma kumu bipile. ¹⁶ Tabapo bapa calo, ifyo na nebo nshipo wapa calo. ¹⁷ Mubabike pambali mu cine cenu. amashiwi yenu yacine. ¹⁸ Koti fintu mwantumine mu calo efi na nebonab tuma mu calo. ¹⁹ Pa mulandu wabo naipatula, pakweba ati nabo abene baka ipatule mu cine. ²⁰ Nshile pepelapo benka aba, sombi nabo bonse aba kacetekela ukupitila mu mashiwi yabo. ²¹ Pakweba ati bonse babe umo, koti imwe, Tata, muli nebo, kabili nebo mulifwe pakuti icalo cikacetele ukweba ati muli ntumine. ²² Ubu leme ubu mwampele, ndi bapele, ukweba ati babe umo, ngefi nafwe tuli umo: ²³ Nebo muli bo, namwe-muline pakuti pabe ukwikatan, ukufikilepo, pakweba ati icalo cishibe ati mwe mwantuma ne kweba ati muli bantemenwe koti fintu muntemenwe. ²⁴ Tata, ndukufwaya bonse abo mwampele ukuba bonse abo mwampele ukuba nande kuntu ndi, ne kubona ubuleme bwandi, ubuleme mwampele pakweba ati mwacintemenwe ili ne calo tacingabako. ²⁵ Batata balungeme, icalo tacimwishipo, sombi nebo ndi mwishi, kabili nabo balishi ukweba ati muli ntumine. ²⁶ Ndilengele ishina lyenu ukwishibwa kuli bo, kabili nkalilebga ukwishibwa pakuti ukutemwa uku mwantemenwe ku kabe mulibo nane bo nkabe muli bo."