¹ ''Nalabilae ififintu kulimwepo pakwebati mwikawapo. ² Bakamuposenikuse ya masunagonge. Sombi impindi ili kwisa ili umuntu oonse ukalukumwipayeni mwilangushi lyakwe akalukubona ati apepe cabupe kuli Lesa. ³ Bakalucitafyo pamulandu wakwe bati tabeshibilepo tata nanebo. ⁴ Nalabila ififintu kuli mwebo pakwe bati impindi yabo icikesa, mukalukwishibile limo ukwabati nalimwebele limo. ⁵ Sombi ndukubwelela kuli uyo uwantumine, pano nshilukufwaya neli umo uwakunjipusha. ⁶ Uwakunjipusha ulukuya kwisa? sombi nalabila limo ififintu kuli mwebo ukubombomana kwaisula kale mumitima. ⁷ Sombi cine namweni, cawama kuli mwebo nga naya-pakwebati nganshilepo kafwawenu takesapo kuli mwebo, sombi kani nkaye nkamutuma kuli mweboo. ⁸ Iliakesaa, kafwa akashinikisha ukwebati isonde lili lubene kukubifya, ku wamya nakubopingushi- ⁹ pakubifya pakuti tabansuminepo; ¹⁰ pakuwamya, pakuti ndukubwelelamo kuli tata, tmukambonapo libili; ¹¹ palwabupingushi, pakuti kateka walilino isonde apingulwa kale. ¹² Ndikwete fintu ifingi ifyakumubuleni, sombi tekutimufikumanishepo luno. ¹³ Sombi ulo mupashi wacishimka, akeesa, euka mucingilileni, muli bucishika bwenu bonse. Pakuti akalukuililabila umwine. Sombi akalukulabila ifyo umfwile, nipapo nakambi akamubuleni ifikesa kuntangile. ¹⁴ Akancindika nebo, pakuti akasenda ifyandi efyo akeesa mukumubuleni. ¹⁵ Pakuti fyonse fyakwatata fyangi . Eci, namwebeleni ukwebati umupashi ukapinta ifingi ekwisa mumubuleni. ¹⁶ Mumpindi inini tamukamonapo. nakambi mumpindi inini mukamona.'' ¹⁷ Eli abasambile balabile umo ne mubyakwe, ''Bushe ici noco cindo icalabila kuli fwebo.'' Icakwebati mumpindi inini tamukambonapo. Nakambi kumpindi inini tamukambonapo, 'pakuti, ndukuya kuli tata'?'' ¹⁸ Eli balabile ukwebati, ''Mbecinaco icakwebati, 'impindi inini? fwebo icicintu tatucumfwilepo.'' ¹⁹ Eli Yesu abwene ukwebati balukufwaya kwipusha eli abebele ukwebati ndumfwile uuko muleilishanya pafyo nalabile; ukwebati mumpindi mukabona? ²⁰ Icine cine, namwebeni, mukalila ne kulosha, sombi isonde lyena likasangalala. Mukesulamo ne kubombomana, sombi ukubombomana kwenu kukamuleteleni ukusekelela. ²¹ Ulu mwanakashi alepapa alabombona pakuti impindi yafikile , sombi kani apapa tebukishapo ne kusomenwa pakuti asekelela umuntu afyalwa mulili sonde. ²² Pakuti muli bombomene inompindi, sombi nkamumuboneni na kambi nemitima yenu ikasekelela, takukabapo uli onse uukamupoka ukusangalala. ²³ Pali bubobushiku takulipo uukangipusha iciconse, icinecine na mwebeni ukwebati conse icimuka lomba kuli tata mwina lyangi akamupeleni. ²⁴ Pali ino mpindi tamungalomba icintu icili conse mwishina lyangi. Lombeni ne kupokelela, pakwebati ukusalala kwenu kufikishiwepo. ²⁵ ''Nalabila ififintu kulimwebo mufipimfya. Sombi impindi ilukwisa ili nshakalabilepo kuli mwebo mufipimfya, sombi nkalabila apatubile pa mulandu wabatata. ²⁶ Pali bubo bushiku mukepusha mwishi lyandi pan shilabilepo ukwebati nkatembela kuli tata palwamwebo. ²⁷ Pali cico tata amutemenweni mwebo pakwebati muli ntemenwe nekwebati muli ntekeleukwebati nalifumine kuli Lesa. ²⁸ Nalifumine kui tata, nekwisa pesonde . Epapo ndukusha isonde nekubwelela kuli tata.'' ²⁹ Abasambile kabalabila, ''Bona lomba watampaukulabila apaswetele waleka ukulabila mufipimfya. ³⁰ Pano twaishiba ukwebati ulishi fyonse, ecitau lukufwailapo uli oonse ukwipusha ameposho, pamulandu wacici twasumina ukwebati walifumine kuli Lesa.'' ³¹ Yesu alibankwile bonse, ''Ukwebati mwasumina lomba. ³² Boneni, impindi yafika, ee, necine yafika monse mulukupashika, cila muntu alukuyakwabo, necacine mulukunsha neeka. pakuti nshilipo neka tata ali nanebo. ³³ Nalabile fintu fi kuli mwebo pakwebati mu kwate umutende muli nebo. Mwasonde muline ubucushi, panokoseni, pakuti mwishibe ukwebati nacimfya isonde.''