¹ "Mwileka imitima yenu uku bombomana. Cetekeleni muli ba Lesa, cetekeleni na muli ne. ² Mu nanda muli ba tata muli apa kwikala apengi. aatakupo ifyo, nga nshilabilepo kuli mwe, ndu kuya muku pekanya icifulo cenu. ³ Nga naya muku pekanya icifulo cenu, ndu kubwela umuku waku lenga bubili ne kwisa kumu sendeni uko na lukili na mwebo mwakuba. ⁴ Ndi bwene ati muli shibile inshila ndu kuyamo." ⁵ Tomasi ka labila kuli Yesu ati, "Shikulu, ta twishibilepo uku mu lukuya, tungeshiba shani inshila?" ⁶ Ba Yesu bali labile kuli ye ati, "Ndi shila, ne cishika eli ne mweo; takulipo ukesa kuli batata ukwakuba ukupitila muli ne. ⁷ Kani mwaishiba ne, eli ninshi mwishiba na tata ukufupa muli mwishibile tata kabili muli mu bwene." ⁸ Filipo kalabila ati, "Shikulu tulangeniko wishi nwe, eli cingaba icangukileko kuli fwebo." ⁹ Ba Yesu bali labile kuli bo ati, 'Naikele naimwe imyaka iyakuti ubwingi eli munga njipusha ishina lyanji, Filipo? Uyo uwabona tata ninshi abona nande. Nindo muluku labilile ati, 'tulangeni shifwe'? ¹⁰ Kani tamu cetekelepo ati nebo naba muli Tata naba Tata baba muli ne? Ne mashiwi ayo nduku labila kuli mwe ati shilu ku labilapo ukufuma mu nsambu shanji, kano ba Tata abekele muli ne ebacita ifya mokasa fyonse. ¹¹ Cetekeleni ndi muli Tata na Tata muli ne, mu cetekele na pa milimo iyo balu kucita. ¹² Icacine, icacine, ndelabila kuli mwabo, uyo ucetekele muli nebo aka bomba umulimo uwo ndukucita, eli akacilapo uku bomba pakuti ndukuya kuli tata. ¹³ Conse ico mwalu kwipusha pe shina lyanji, cili neku citwa pakuti ba wishi bakancindamina mu mwana. ¹⁴ Kani mwaipusha ukupitila mwi shina lyandi icili conse, naco cikacitwa. ¹⁵ Kani muli temenwe, musunge ama funde yanji, ¹⁶ eli nande nkalomba kuli ba Tata, bali neku mupelapo nafimbipo eli nemu palombishi uyo mwalu kwikala nakwe umuyayaya ne muyayaya. ¹⁷ Umupashi wacishinka isonde tekuti limu pokelele pakuti tali bonapo neli uku mwishiba. Kani muli mwishi, akakela nenu namwe mukaba abakwe. ¹⁸ Tekuti mushepo mweka lukoso, nji mukubwela ne kabili, ¹⁹ mu mpind iyinini lukoso naba pesonde tabakambonepo, kano mwe mukabona. Pakuti nebo ndine mweo. ²⁰ Pali bushiku eli mukeshiba ati naba muli Tata, nemwe muli ne nine muli mwe. ²¹ Uyo onse ulu kusunga amafunde yandi ne kuya lama yonse eu temenwe, neli untemenwe ninshi atemwa naba Tata, nande ndi mutemenwe ne ukuilanga kuli ye. ²² Yuda (talipo ni sikalyoti) kalabila kuli ba Yesu, "Shikulu nindo wailangisha kuli fwe ukutila ku calo?" ²³ Ba Yesu kabasuka ku;i bo ati, "Kani kuli imwe untemenwe, alasunga bwino icne ebo candi. Naba Tata bali neku mutemwa, nokwisa kuli ye neku kukula inanda pamo na ye. ²⁴ Kani kuliko utatemenwe ne kukana sunga ama shiwi yandi. Ama shiwi mishimikila tayafumapo kuli ne yafuma kuli Tata uwantumine. ²⁵ Nalabila kuli mwe ili ndu kwikala namwe. ²⁶ Sombi uwakusangalashi ku mupashi uyo ba Tata batumine ukupitila mwishina lyandi. Ulu ne kumifunda ifya ne kumibukisheni fyonse nali kumyeba. ²⁷ Ndemisha umuteleslwe; ndemishileni umutende. Ndi neku mupela ifyo icalo tekuti cimupepo. Tekwesha imitima yenu ukupenshiwa, tekwesha neku kwatapo umwenso. ²⁸ Mwalyumfwile ifyo na labile, ndi mukuya, kabili ndi mubwela na kabili kuli mwe. Kani muli temenwe, mwalo kuli basakelela pantu ndu kuya kuli Tata, pantu Tata mukulile ukucila nebo. ²⁹ Ndu kumwebela libela ili tatila citwa, ulo cili ku citwa mukasekelele. ³⁰ Shikwetepo impindi iyitali iyaku labila na mwebo, ab embeshi pe sonde bali mukwisa. Tabakwetepo amakosa ukucila pali ne, ³¹ neba pe sonde balishi ati nditemenwe ba Tata. Nda cita ifyo Tata anjeba. Natwimine ne kufuma kuli ino cende."