¹ Ukomboki, Yahwe, gagatupitile na ubone oni iyu. ² Ulisi witu ugalambulilwe kwa ageni, nyumba itu kwa ageni. ³ Tupangite yatima, bila tate, na akina mao bitu kati aweletwa. ⁴ Lazima tulepe ela kwa mase gatunywa, na tulepe ela pata mbao itu. ⁵ Abo baisa kwitu baegelile nchogo itu, tuchokite na tuweza li pata mapomolyo. ⁶ Tutikwipia kwa Misri na kwa Assiria tupate chakulya cha lengana. ⁷ Akina tate bitu bapangite sambi, na babileli kae na tupotule masambi gabe,. ⁸ Atumwa batitutawala, na ntopo jwa kutulopwa na maboko gabe. ⁹ Tupata likati litu palo patuatalisha maisha gitu kwa sababu ya lipanga la nyikali. ¹⁰ Yega itu ipangite na mwoto kati lijiko kwa sababu ya lyoto lya njala. ¹¹ Alwawa bandabakwa Sayuni, na aenja pa mji wa Yuda. ¹² Bana ba mfalme batinyongelwa na maboko gabe, na ntopo eshima yaiboneka kwa apendo. ¹³ Alalome anchembe balazimishilwa saga mbeyu kwa liwe losagya, na anchembe bakobala pae ya makenda ga anju. ¹⁴ Apendo balekite milyango ya mji na anchembe balekite miziki. ¹⁵ Pulaika kwa mwongo wikite kumwisho no ina kwitu kugalamwike kilelo. ¹⁶ Taji litombwike mumitwe itu, Ole witu kwa mwanja tupangite sambi. ¹⁷ Kwa mwanja mwogo witu ubile undaminya, na moli gitu gandafifia, kwa ilebe aye minyo gitu gandafifia. ¹⁸ Maana kitombe Sayuni kitami ukeba, mbwa bamumi taa bang'anda kunani yabe. ¹⁹ Lakini wenga Yahwe, utawala milele,na ulwatama pa kitengo sako sa enzi vizazi na vizazi. ²⁰ kwa mwanja kele utulibalya milele?. Mwanja namani utuleka masoba ga mbone?. ²¹ Utukeleboye kwako, Yahwe, na twenga tulwakeleboka. ²² Upange upya masoba gitu kati mwagabile apo zamani. Kwale upange utekana na ubile na nyongo kwitu peta kiasi.