¹ Nenga nga nanalome nanibweni maangaiko pae ya gongo la nyongo ya Yahwe. ² Atikunibenganga na kunisababisha twanga mulubendo kuliko mubweya. ³ Kakape anigalambulile luboko lwake zidi yango kae na kae, masoba gote. ⁴ Apangite yega yango na ngozi yango fifiya, atekwaniye yupa yango. ⁵ Asengite ifusi ya ukando panani yango, na kuniteleta na uchingu na unonopau. ⁶ Apangite niishi pandu pa lubendo, kali abo babawile samani. ⁷ Asengite kingombe kuniteleta na niwezali toloka. Apangite minyororo yango topa. ⁸ Napo kangema na lelya nsada, aimia maombi gango. ⁹ Aibite ndela yango kwa kingombe cha maliwe go chonga apangite ndela yango inyate. ¹⁰ Yahwe ni kati dubu alenda kunishambulia, imba abi yobelya. ¹¹ Agalabwile pambwegandela yango ambangite na nkeba. ¹² Apendeshike upande wake anipangite nenga kati lyengo lya nshale wake. ¹³ Aotwanie matoga gango kwa mishale ya mufuko wake. ¹⁴ Nabile na kiekeyo kwa bandu bango boti. kielelezo cha kunyondwa lisoba lizima. ¹⁵ Anitwelie kwa uchungu na kunilendendelya ninywe mase ganambaba. ¹⁶ Atekwanie mino gango kwa kokoto aninokoli pae pa namani. ¹⁷ nafasi yango ijimilwe amani, nilibalile pulaika nga namani. ¹⁸ Nyo ndabaya," vumilia kwango kuyomwike pano tumaini lyango Yahweh". ¹⁹ Ukomboki mateso gango na angaika kwango mase ganambaba na uchungu . ²⁰ Niyendelya kumbokya na ndilita nkati yango. ²¹ Lakini natiliuta ale mulunda lwango kwanyo nina matumaini. ²² Upendo wene ngupu wa Yahwe ukomali na akia yabe iyomoka li. ²³ Yayambe kilo kindae uaminifu wako nkolo. ²⁴ Yahwe ni ulisi wango" Nabaite kwa nyo nalowa kuntumaini. ²⁵ Yahwe ni mwema kwabe babandenda, na kwa jwampala. ²⁶ Inoogite lenda mbolembole wokovu wa Yahwe. ²⁷ Inoga mundu potwa nsinyo paba munehembe. ²⁸ Uneke atame kisake pautulivu, paipangambekilwe kunani yake. ²⁹ Uneke abeke nkano wake pavumbi kuweza panga bado kwi na matumaini. ³⁰ Uneke apiye ligomo lyake kwajwembe jwankombwa, na apate oni ya mbone. ³¹ Kwa mwanja Bwana alwakutukana milele. ³² Pamoja na ayeya uzuni, apanga na akia kwa kadri ya wambone wa upendo wake wakweli. ³³ Kwa mwanja aukumiwa li boka mumwoyo wake au kwatesa bana ba binadamu. ³⁴ Lebata pae ya magolo afungwa boti ba dunia. ³⁵ Kunyima aki mundu nonge ya pabile jwabile kunani. ³⁶ Kunyima mundu aki yake, Bwana apeteali ilebe kati yo. ³⁷ Nyai jwalongei no timya, manaitei bwana li?. ³⁸ Siyo boka munkano mwa jwa bile kunani gananyafa na gananoga gandaisa?. ³⁹ Mundu aweza buli lalamika kwa ukumu ya sambi yake?. ⁴⁰ Tukwilole ndela itu na kwipaya, na tunkeleboki Yahwe. ⁴¹ Na tukakatuye mioyo itu na maboko gitu kwa Yahwe mbingini. " ⁴² Tukoseite na tuasile, na unasamya li. ⁴³ Utekwiyobeka na nyongo na kutubutuya, utibulaga na unanusulu lii. ⁴⁴ Ukwiyobike na liunde lenga kane kube naliombi lolote laliweza peta. ⁴⁵ Utupangite kati uchapu na takataka nkati ya mataifa. ⁴⁶ Maadui bitu boti batitulani. ⁴⁷ Wasiwasi na lyembwa lituisilike, mafa na unyonge. ⁴⁸ Minyo gango gamiminika na mifereji ya moli kwa sababu ya bandu bango. ⁴⁹ Minyo gango gapia molibila mwisho: bila koma. ⁵⁰ Mpaka palola pae na Yahwe abona boka mbinguni. ⁵¹ Minyo gango ganisababisha uzuni mwanja bale ba mji wango. ⁵² Niwindilwe kati ijuni abo bababile maadui bango batikuniwinda bila likosa. ⁵³ Bandikwile mulembwa na kunitaikulya liwe. ⁵⁴ Namase gatejitika pana ni ya twe wango nibaye, " nikatwile kutalu. ⁵⁵ Nalikemite lina lyako, Yahwe buka kiyemo cha lyembwa. ⁵⁶ Wayowine lilobe lyango, Wayo wine lilobe lyango panabaite, "kane uwekeli lisikilo lyako kwa kilolo chango cha nsada". ⁵⁷ Waisi papipi lisoba lyanakukemite, wabaite" kaneuyogope". ⁵⁸ Bwana wateteike kesi yango, waokowite maisha gango,. ⁵⁹ Yahwe ugabweni gananyata gabambangile ukumu kesi yango. ⁶⁰ Ubweni matusi gabe mipango yabe yote kunani yango. ⁶¹ Uyowine salawa kwabe, Yahwe, na mipango yabe kuniusu. ⁶² Mikano nya abo babakatuka nchogo yango, na mashitaka gake, isaidi yango lisoba lizima. ⁶³ Ulole jinsi mwabatama no kakatuka: banisalawa na myambo yabe. ⁶⁴ Walepi, Yahwe, kwa kilengo sabapa ngite. ⁶⁵ Ulwaleka mioyo yabe bila laumiwa< itukumu yako ibe kunani yabe. ⁶⁶ Wabenganga kwa nongo na kwaalibia pae ya magolo, Yahwe.