¹ Тай диклом, тай аке, о Бакро бешелас ко хълми Сион, тай Леса шел саранда тай штар хиляда, колато пиравенас Лескоро алав тай о алав Лескере Отециескоро, пишиме ко чеката ленге. ² Тай шунгиом гласос таро небес сар гласос буте паниендар тай сар гласос гръмиескоро; тай о гласос, ковато шунгиом, сине сар гласос башалненгоро, колато башаленас пе арфенца. ³ Тай гилябенас сар че ли неви гили англал о престоли тай англал о штар живде същества тай о старейшинес; тай никой нащине сиклол и гили, освен о шел саранда тай штар хиляда, колато уле изкупиме тари пув. ⁴ Он си колка, колато нана осквернисале жувленца, соскето си девствена; он си, колато следвинен е Бакрес, кате да те жал; он уле изкупиме машкар о мануша първоне плодовенге е Девлеске тай е Бакреске. ⁵ Тай андо муи ленге нана араклило хохаиба; он си непорочна. ⁶ Тай диклом авер ангели те урял машкар о небес, като сине лес о вечно благовестие, ковато те прогласинел е обитаващоненге ки пув тай секоне родиеске тай племеске, чиб тай народи. ⁷ Тай пенгяс силноне гласоса: Даран таро Дел, тай възден Леске слава, соскето ачило о сахати Лескере съдоске; тай поклонинен тумен Колкеске, Ковато кергяс о небес тай и пув, о морес тай о водна изворя. ⁸ Тай иек авер ангели, второ следвинелас лес тай пенелас: Пело, пело о велико Вавилон, ковато напоингяс саворе народос тари мол пере разтарде блудствоса. ⁹ Тай авер, трето ангели пирелас палал ленде тай пенелас силноне гласоса: Ако декой кланинел пес е звероске тай лескере образиеске, тай приеминел белеги пе чекатесте или пе вастесте, ¹⁰ ов ка пиел тари мол е Божие гневиескири, която си приготвиме шужи анди чаша Лескере гневиескири; тай ка овел мъчиме ягаса тай сяраса англал о свята ангела тай англал о Бакро. ¹¹ Тай о тув ленгере мъчениестар ка ваздел пес жи ко вечна вековя; тай колка, колато кланинен пес е звероске тай лескере образиеске, нанай те овел лен отдихи ни о диес, ни ират, нито декой, ковато приеминел о белеги лескере алавескоро. ¹² Ате си нужно о устояване е светиенгоро, калкенге, колато пазинен о Божия заповедя тай и вяра андо Исуса. ¹³ Тай шунгиом гласос таро небес, ковато пенелас: Пишине: Блажена от акана наоте о муле, колато мерен андо Дел. Ва, пенел о Духос, за те почивинен песке пе трудовиендар; соскето ленгере дела следвинен палал ленде. ¹⁴ Тай диклом, так аке парно облаки, тай ко облаки бешелас Иек, Ковато препелас е Човешконе Чавесте, тай сине Лес ко шеро златно венеци тай андо вас Леске остро сърпи. ¹⁵ Тай авер ангели иклило таро храми тай пищинелас силноне гласоса Калкеске, Ковато бешелас ко облаки: Прострине То сърпи тай жънине; соскето ачило о сахати те жънинес, понеже е пувякири жътва си презряло. ¹⁶ Тай Ковка, Ковато бешелас ко облаки, чигяс По сърпи ки пув; тай и пув ули пожъниме. ¹⁷ Тай авер ангели иклило таро храми, ковато си андо небес, като икерелас овда остро сърпи. ¹⁸ Още аверда ангели, колес сине власт упрал и яг, иклило таро олтари тай пищингяс силноне гласоса калкеске, ковато икерелас о остро сърпи; тай пенгяс: Прострине то остро сърпи тай оберине о драка е пувякере лозескоро, соскето лескере драка си вече узряла. ¹⁹ Тай о ангели чигяс по сърпи ки пув, оберингяс е пувякири дракин тай чикяс о кидиме андо баро лини е Божие гневиеске. ²⁰ Тай о лини уло изтъпкано авери таро градос, тай рат затавдингяс таро лини жи ко юзди е грастенгере ко разстояние таро иек миля тай шовшел стадиес.