1
Далкеске, любезна тай бут желана мере прала, мери лошали тай моро венеци, бешен зоралесте андо Дел, любезна мере.
2
Молинав е Еводияс, молинав е Синтихияс, те овен единомислена андо Дел.
3
Ва, тай тут молинав, искрено моро сътрудничес, помагине калке ромниенге, соскето трудисале андо делос е благовестиескоро заедно манца тай е Климентиеса, тай околе мере съработникиенца, коленгере алава си анди книга е животоскири.
4
Лошанен всякога андо Дел! Пак ка пенав: Лошанен!
5
Тумаро самовъздържание те овел пенджардо саворе манушенге; о Дел си паше.
6
Ма безпокойнен тумен нисоске, но относно всеко варесо, молитваса тай молбаса пенен тумаре искания е Девлеске благодарениеса;
7
тай о Божие мири, ковато нисави годи нащи схванинел, ка пазинел стража упрал тумаре сърценде тай тумаре мисленде андо Христа Исуса.
8
Най-после, пралален, всичко, ковато си истинно, ковато си почтено, ковато си праведно, ковато си чисто, ковато си любезно, ковато си благодатно, - ако иси варесо добродетелно, тай ако иси варесо похвално, - давка зачитинен.
9
Давка, ковато сиклилен, тай приемингиен, тай шунгиен, тай диклен анде манде, лес керен; тай о Дел е мириескоро ка овел туменца.
10
Ме бут лошанав андо Дел, кай акана най-после кергиен те процъфтинел наново тумари грижа за манге; за колеске наистина сине тумен грижа, но нана сине тумен благовремие.
11
На пенав давка ашал и оскъдност; соскето сиклилом те овав доволно андо саво да състояние те аракловав.
12
Жанав анди оскъдностда, жанав андо изобилиеда те живинав; андо секо нещо тай андо саворе обстоятелства сиклилом и тайна те овав чало, тай те овав бокало, те живинав андо изобилие или анди оскъдност.
13
За всичконаске иси ман сила чрез Колкесте, Ковато подкрепинел ман.
14
Но кергиен о лачипе, тай лилен участие анди скръб мери.
15
А тумеда, филипияня, жанен, кай като иклилом тари Македония тай почнингиом о делос е благовестиескоро, нито иек кангери, освен единствено туме, на диняс андо отношение ни те дел ни те лел манца;
16
соскето андо Солун иек-дуи дрома бичалгиен манге за ме нуждаке.
17
Ма кай мангав о подаръки, но мангав о плоди, ковато умножингиол тумаре сметкаке.
18
Но получингиом всичко тай иси ман изобилие, чаларгиоман, као получингиом таро Епафродит о бичалдо тумендар, благоуханно миризма, жертва приятно, благоугодно е Девлеске.
19
А моро Дел ка снабдинел всеко тумари нужда според Пере барвалипнасте анди слава андо Христа Исуса.
20
А амаре Девлеске тай Отециеске те овел слава жи ко вечна векове. Амин.
21
Поздравинен секоне светияс андо Христа Исуса, Поздравинен тумен о прала, колато си манца.
22
Поздравинен тумен саворе светиес, а особено калка, колато си таро кесарево кер.
23
И благодат е Девлескири о Исуса Христа те овел тумаре духоса. Амин.