¹ О Павел тай о Тимотей, слугидес Исус Христова, жи саворенде андо Христа Исуса светиес, колато си андо Филипи, заедно е епископиенца тай е дякониенца: ² Благодат тай миритуменге таро Дел, амаро Отеци, тай таро Дел о Исуса Христа. ³ Благодаринав мере Двлеске секо дром, като даман годи туменге, ⁴ винаги анди секо мери молитва, като молинав ман саворенге туменге лошаласа, ⁵ за тумаре участиеске андо делос е благовестиескоро таро първо диес дори жи акана; ⁶ като синиом увериме именно анде далкесте, кай Кавка, Ковато почнингяс лачо делос анде туменде, ка усъвършенствинел лес жи ко диес на Исуса Христа. ⁷ Тай право си те мислинав давка саворенге туменге, понеже синиен манге ко сърцес, чука като туме саворе синиен съучастникия манца анди благодат, сарто андо оковес мере, чука анди защита тай андо утвърждение е благовестиеске. ⁸ Соскето о Дел си манге свидетели сар мислинав саворенге туменге милосърдиеса Исус Христово. ⁹ Тай далкеске молинав ман тумари любов те овел все по бут тай по бут изобилно просветиме тай всячески проницателно, ¹⁰ за те ащи различинен о лачипе, тай те овен искрена тай безупрвчна жи ко диес е Христаске, ¹¹ изпълниме е плодовенца е правдакере, колато си чрез о Исуса Христа, славаке тай хвалаке е Девлеске. ¹² А мангав те жанен, пралален, кай кавка, ковато ресло ман, помагингяс по бут е преуспяванеске е благовестиескоро, ¹³ чука кай ачило исвестно целоне преторяке тай саворенге околенге, кай синиом андо оковес е Христаске; ¹⁴ тай по бут таро прала андо Дел, одързостиме ме успехиестар андо оковес, ачиле по-смела те хоратинен о Божие словос би дараса. ¹⁵ Десаве, наистина, проповединен е Христас тари зависттай любов карик и препирня, а десаве - тари лачи воля. ¹⁶ О иек керен давка тари любов, като жанен, кай синиом поставиме те защитинав о благовестие; ¹⁷ а окола възвестинен е Христас таро съперничество, неискрено, като мислинен те прибавинен тъга карик ме оковенде*. ¹⁸ Тогава со? Само давка, кай по секакво начини, било прекердо или истинно, о Христос проповединел пес; тай далкеске ме лошанав, тай ка лошанав. ¹⁹ Соскето жанав, кай давка ка помагинел мере спасениеске чрез тумаре молитвате тай и подкрепа е Духоскири Исус Христово, ²⁰ според мо усърдно очакване тай надежда, кай нанай андо нищо те лажавкяраман, но сарто винаги, чука акана, ка възвеличинав е Христас анде ме телосте пердоне дързостяса, било чрез о животос или чрез о мериба. ²¹ Соскето за манге те живинав си о Христос, а те мерав - придобивка. ^{23 22} Но ако живинав андо телос, давка значинел те овел плодоносно мо делос; тай чука, кова те избиринав, на жанав, но синиом натясно машкар о дуи; понеже иси ман желание те жав тай те овав е Христаса, соскето давка ка овел бут по лачес; ²⁴ но те ачовав андо телос си по-нужно туменге. ²⁵ Тай като иси ман дайка увереност, жанав, кай ка ачовав так ка пребъдинав саворенца туменца за тумаре преуспяванеске тай лошали анди вяра; ²⁶ чука кай чрез мере завръщанесте машкар туменде те ащи ашал манге бут те хвалинен тумен андо Исуса Христа. ²⁷ Само живинен достойно е Христовоне благовестиеске, тай, ако авав тай дикав тумен, или па отсъствинав, те шунав за туменге, кай бешен зоралесте иеке духосте тай сражавинен тумен сар иек за е вяраке е благовестиеске ²⁸ тай кай андо нищо нана даран таро противникия; ковато си доказателство за ленгере погибелаке, а туменге - за спасениеске, и то таро Дел; ²⁹ соскето, относно о Христа, туменге си дендо ма само те верувинен анде Лесте, но те страдинен за Леске; ³⁰ като пренакен презал и също борба, презал колате ме пренаклом, тай акана шунен, кай все още си анде манде.