¹ А даже ко първо завети исине постановления богослужениескере, тай исине земно светилище. ² Соскето ули приготвиме скиния, анди първо част колате уле о светилники, и софра, тай о присъствена маре; кайка част пенел пес Светилище; ³ а палал и второ завеса ули койка част тари скиния, която пенелас пес Светая светих, ⁴ кате уле и златно кадилница тай о ковчеги е заветиескоро, секатар ковиме златоса, анде колесте сине и златно стомна, съдържащи и манна, о Аароново жезъли, ковато разцъфтингяс, тай о плочес е заветиескере; ⁵ тай упрал лесте сине о херувимия е Божие славакере, колато осениненас о умилостивилище; за коллеске нанай акана времес те хоратинас подробно. ⁶ Тай като калка букя уле чука приготвиме, анди първо част е скинияке о свещеникия денас постояно те керен о богослужение; ⁷ а анди второ иеквар андо бреш делас само о първосвещеники, тай от ма би ратескоро, ковато принесинелас песке тай е безехенге е народоскере, керде таро незнание. ⁸ Далкеса о Свято Духос покажинелас, кай о дром за ко светилище на уло аракло, жи кай бешелас още и първо част е скиниякири, ⁹ която си образи е времеске акана, презал колесте принесинен пес даровя тай жертвес, колато нанащи керен е приносителес съвършено чисто анди съвест, ¹⁰ понеже състоинен пес само андо хабе, пиибе тай разна умивания - преходна* постановления, наложиме жи ко времес на преобразование. ¹¹ Но понеже о Христос ало сар Първосвещеники е бъдещоне лачипнаске, Ов диняс презал и по-бари тай по-съвършено скиния, ма вастеса керди, демек ма таро настоящо творение. ¹² Тай ма ратеса бузниенгоро тай телциенгоро, но Пе Собственоне ратеса диняс иеквар завинаги андо светилище тай придобингяс аменге вечно изкупление. ¹³ Соскето, ако о рат таро бузня тай таро телци тай о прахос тари телица, коленца поръсвиненас пес о осквернена, освещинел очистване е телоскоро, ¹⁴ то кити по бут о рат на Христа, Ковато чрез о вечно Духос принесингяс Пес би недостатъкиескоро е Девлеске, ка очистинел тумари съвест муле деловиендар, за те служинен е живде Девлеске! ¹⁵ Тай далкеске Ов си Посредникин неве заветиеске, чука кай чрез о мериба за изкупимнаске таро престъпления, извършиме ко първо завети, о призвана те получинен о обещиме вечно наследство. ¹⁶ Соскето, кате иси завещание, необходимо си те докажинел пес о мериба е завещателескоро. ¹⁷ Соскето о завещание дел анди сила само палал о мериба, ов нисар нанай лес сила, жи кай си живдо о завещатели. ¹⁸ Далкеске о първо завети нана уло утвърдиме би ратескоро. ¹⁹ Соскето, след като о Мойсей хоратингяс секо заповед таро закони англал целоне народосте, лилас о рат е телциенгоро тай е бузниенгоро, паниеса тал лоле вълнаса, тай исопи, тай поръсингяс и самото книга, тай целоне народос, като пенел: ²⁰ "Кавка си о рат е заветиескоро, ковато заповедингяс туменге о Дел". ²¹ Паш далкесте ов ко също начини поръсингяс е ратеса и скиния, тай саворе богослужебна съдовя. ²² А според о закони почти всичко ратеса очистинелпес ; тай би проливиме ратескоро нанай опрощения. ²³ Тай чука, необходимо сине о образия е небесноне букиенгере те очиствинен пес калке жертвенца, а самото о небесна букя - жертвенца, по-лаче калкендар. ²⁴ Соскето о Христос диняс ма андо ръкотворно светилище, образи е истинсконеске, а самото андо небеса, за те явинел пес акана англал о Божие муи за аменге; ²⁵ тай ма те принесинел Пес бут дрома, саро о първосвещеники дел андо светилище секо бреш чуждоне ратеса; ²⁶ (иначе Ов требеше те страдинел бут дрома таро създаване е светоскоро), а акана, андо крайос е вековиенге, явисало иеквар завинаги, за те премахнинел и безех чрез о пожертване Песке. ²⁷ Тай сарто си определиме е манушенге иеквар те мерен, а палал далкесте ачол съдос, ²⁸ чука о Христос, като уло принесиме иеквар, за те понесинел о безеха мнозиненге, ка явинел пес второ дром, без те овел лес бути безехаса, за е спасениеске колкенге, колато жарен Лес.