¹ А далкестар, ковато пенас, аке о главно: Амен иси савка Първосвещеники, Ковато бешло отдясно ко престоли е Величиеске андо небеса, ² Служители е светилищеске тай е истинсконе скиниякоро, която о Дел поставингяс, а ма мануш. ³ Соскето секо първосвещеники поставинел пес те принесинел даровя, тай жертвес; далкеске, нужно си Кавка Първосвещеники те овел со принесинел. ⁴ А ако сине ки пув, Ов нанаяс те овел свещеники, соскето иси свещеникия, колато принесинен даровя според о закони; ⁵ (колато служинен околкеске, ковато си само образи тай сенкя е небесноне букиенге, саро уло заповедиме е Мойсейеске, като ка керелас и скиния; соскето: "Внимавине", пенгяс леске о Дел, "те керес всичко ко образеци, ковато уло туке сикавдо ки планина"), ⁶ но ко делос о Христос получингяс служение дики по-превъзходно, кити о завети, колеске Ов си Ходатай, си по-превъзходно, сар узакониме упрал о по-превъзходна обещания. ⁷ Соскето, ако ковка първо завети уло би недостатъкиескоро, о Дел нанай те родел тан второнеске. ⁸ А напротив, като порицавинел е израиляниен, пенел: "Аке, авен диеса, пенел о Дел, като ка сключинав е Израилевоне кереса тай е Юдовоне кереса нево завети; ⁹ ма савка завети, саво кергиом ленгере даденца андо диес, като долгиом лен таро вас, за те икалав лен тари Египетско пув; соскето он нана устоинде андо завети Моро, тай Ме муклом лен, пенел о Дел. ¹⁰ Соскето, аке о завети, ковато ка сключинав е Израилевоне кереса палал колке диесенде, пенел о Дел: ка положинав Ме закония анди годи ленге тай ка пишинав лен андо сърца ленге; Ме ка овав ленгоро Дел тай он ка овен Моро народос; ¹¹ тай нанай вече те учинен секой пе съгражданиес тай секой пе пралес, като пенен леске: Пенджар е Девлес; соскето саворе ка пенджарен Ман, таро цикно жи ко баро машкар ленде. ¹² Соскето ка покажинав милост карик о неправдес ленгере, тай о безеха ленгере (тай о беззакония ленгере) нанай те помнинав вече". ¹³ А като пенел "нево" завети, Ов обявинел о първо за пурано. А ковка, ковато овехтинел тай пуриол, си паше жи ко изчезниба.