¹ Тай о Павел като задиклас пес андо синедриони, пенгяс: Пралален, жи калке диесесте ме живингиом англал о Дел съвършеноне чистоне съвестяса. ² А о първосвещеники о Анания заповедингяс е бешленге жи лесте те чалавен лес ко муи. ³ Тогава о Павел пенгяс леске: О Дел ка чалавел тут, стено варосана; тай ту бешлан те съдинес ман ко закони, а против о закони заповединес те чалавен ман! ⁴ А о бешле наоколо пенде: Е Девлескере първосвещеникиес ли хулинес? ⁵ Тай о Павел пенгяс: Нана жангиом, пралален, кай си първосвещеники, соскето си пишиме: " Тена злословинес началникиес те народоскоро." ⁶ А като о Павел пенджаргяс кай и иек част си садукея, а окола фарисея, пищингяс андо синедриони: Пралален, ме синиом фарисей, чаво фарисейескоро; съдинен ман поради и надежда тай о учение за е възкръсениеске е муленгоро. ⁷ Тай като пенгяс давка, възникнингяс разпра машкар о фарисея тай о садукея; тай о събрание разделисало. ⁸ Соскето о садукея пенен, кай нанай възкресение, нито ангели, нито духос; а о фарисея признавинен о дуи да. ⁹ Тай чука възникнингяс бари глъчка; тай десаве книжникия тари фарисейско риг ухтиниле, тай препириненас пес, като пенде: Нисаво зло нана аракас анде калке манушесте; тай ако хоратингяс леске духос или ангели, тена противинас амен е Девлеске. ¹⁰ Тай понеже и разпра ачили бари, о хилядники, като даралас тена разкъсинен е Павелес, заповедингяс е войникиенге те ухлен те грабинен лес, тай те ингален лес анди крепост. ¹¹ Тай презал и следващо рат о Дел зачило жи лесте, тай пенгяс: Дерзайне, соскето, сарто свидетелствингян за Манге андо Ерусалим, чука требе те свидетелствинес андо Рим. ¹² Тай като дислило, о юдея керде заговори, обвържисале совеласар тай пенде, кай нанай те хан, ни те пиен, жи кай нана мударен е Павелес. ¹³ Калка, колато керде давка заговори, сине по бут таро саранда мануша. ¹⁴ Он але ко главна свещеникия тай ко старейшинес тай пенде: Диням клетва тена вкусинас нищо, жикай на мударас е Павелес. ¹⁵ Акана туме е синедриониеса заявинен е хилядникеске те анел лес теле паш туменде, уж кай манген те изучинен по-точно лескоро делос; а аме,англал те приближинел ов,синям готова те мударас лес. ¹⁶ Но е Павелескере пенякоро чо,като заварингяс лен,шунгяс о заговори тай диняс анди крепост,тай обадингяс е Павелеске. ¹⁷ Тогава о Павел викингяс иекес таро стотникя тай пенгяс леске:Ингал калке чавес ко хилядники,соскето иси те пенел леске варесо. ¹⁸ Тай ов лилас лес,ингалгяс лес ко хилядники тай пенгяс:О задържиме Павелес викингяс ман тай помолингяс пес манге те анав калке чавес паш туте,соскето исине те пенел туке варесо. ¹⁹ А о хилядники лилас лес вастестар тай като оттеглисало ригате,пучлас лес коркоресте: Со иси те пенес манге? ²⁰ А ов пенгяс:О юдея нагласисале те замолинен тут те ингалес е Павелес тася теле андо синедриони,като че ли манген те разпучен по-точно за леске. ²¹ Но ту ма шун лен; соскето жарен лес повече таро саранда жене лендар,колато дине клетва,задължисале тена хан тай тена пиен,жи кай на мударен лес.Он още акана си готова тай жарен само те обещинес тут ленге. ²² Тай чука,о хилядники муклас е чавес те жал песке,като заръчингяс леске:Никаске тена пенес,кай обадингян манге давка. ²³ Тогава викингяс дуиен таро стотникя тай пенгяс ленге:Приготвинен дуи шел пехотинция,ефтадеш конникя тай дуи шел копиеносция те занакен за Кесария ко трето сахати презал ират. ²⁴ Приготвинен добитъки да,колесте те възкачинен е Павелес,тай те одвединен лес безопасно жи ко управители о Феликс. ²⁵ Ов пишингяс писмо да,ковато исине лес о следно съдржание: ²⁶ Таро Клавдий Лисий жи лескоро превъзходителство о управители о Феликс,поздрви. ²⁷ Кавка мануш уло уловиме таро юдея,колато ка мударенас лес;но ме пристигнингиом е войникенца тай избавингиом лес,понеже научингиом,кай уло римляни. ²⁸ Тай като манглом те ахаловав и причина, колате обвининенас лес, ингалде лес теле ко синедриони ленге; ²⁹ тай араклом, кай обвининен лес въпросиенге ленгере закониестар; нана сине обаче нисаво обвинение за варесо достойно мерибнаске или оковиенге. ³⁰ Тай понеже пендеманге, кай ка овел заговори против далке манушесте, веднага бичалгиом лес паш туте, като заръчингиол лескере обвинителенге да те изкажинен пес англал туте против лесте. Ачов с састипнаса. ³¹ Тай чука, о войникия, според и дадено заповед ленге, лиле е Павелес тай ингалде лес машкар и рат анди Антипатрида. ³² Тай ки андиавин мукле о конницес те жан леса, а он ирисале анди крепост. ³³ А о конницес като дине анди Цезарея тай връчинде о писмо е управителеске, представинде леске е Павелес да. ³⁴ А като четингяс лес, пучлас коле областиятар си ; тай като ахалило, кай си тари Киликия, пенгяс: ³⁵ Ка шунав тут, като ка авен те обвинителя. Тай заповедингяс те пазинен лес анди Иродово претория.