¹ Палал о утихване е размирицакоро о Павел викингяс е ученикиен тай като диняс лен наставление простингяс пес ленца, тай гело анди Македония. ² Тай като накло презал колке таненде тай увещингяс е ученикиен буте думенца, ало анди Гърция. ³ Тай като побешло оте трин масек, понеже о юдея керде заговори против лесте ко време като тръгнингяс анди Сирия, ов решингяс те иринел пес презал и Македония. ⁴ Тай придружинде лес жи ки Азия о беряни о Сопатър Пиров тай таро солунция о Аристарх тай Секунд; тай още о Гай тари Дервия тай о Тимотей, а тари Азия о Тихик тай о Трофим. ⁵ А калка геле сас по-нангле тай жаренас амен андо Троада; ⁶ тай аме отплавингям таро Филипи палал о диеса е безквасноне маренгере, тай пандже диесенге алам паш ленде анди Троада, кате бешлам ефта диеса. ⁷ Тай ко първо диес е куркеске, като улам кидиме за о разчупване е мареске, о Павел бешелас ленца, понеже ка отпътувинелас андиавин; тай продължингяс по словос жи машкар и рат. ⁸ Тай исине бут светила ки упруни стая, кате улам кидиме. ⁹ Тай иек чо ко алав Евтих, ковато бешелас ко жами, засутосас дълбоко, тай като о Павел беседвинелас още по-надълго, като сине обладиме соибнастар, пело теле таро трето етажи; тай ваздинде лес муло. ¹⁰ Но о Павел ухлило тай като пело упрал лесте, гушингяс лес тай пенгяс: Ма безпокойнен тумен, соскето лескоро животос си анде лесте. ¹¹ Палал далкесте ов качисало упре, пагляс о маро , тай халяс тай приказвингяс пак надълго до зори, тай чука тръгнингяс. ¹² А е чес анде живдо, тай бут утешисале. ¹³ А аме тръгнингям по-нангле е корабиеске тай отплувингям за Асос, кате ка прибиринасас е Павелес; понеже чука поръчингясас, като ка жалас пеша. ¹⁴ Тай като кидисало аменца андо Асос, прибирингям лес тай алам андо Митилин. ¹⁵ Тай отар, като отплувингиям околе диесесте алам мамуял о Хиос, а околесте-пристигнингям андо Самос; тай като побешлам андо Трогилия ко следващо диес алам андо Милит. ¹⁶ Соскето о Павел решингясас те отнакел о Ефес, за тена бавинел пес анди Азия; понеже сигярелас, ако сине леске възможно, те араклол андо Ерусалим за е диесеске на Петдесетница. ¹⁷ А таро Милит бичалгяс андо Ефес те викинен е кангериенгере презвитериен. ¹⁸ Тай като але паш лесте, пенгяс ленге: Туме жанен по саво начини, таро първо диес, като стъпингиом анди Азия, прекарингиом саворо време машкар туменде ¹⁹ андо служение е Девлеске с пердо смиреномъдрие, асвенца тай напастиенца, колато сполетинде ман таро заговоря е юдеиенге; ²⁰ сар на въздържингиоман те изявинав туменге всичко, ковато сине полезно,тай те поучинав тумен публично таро кера, ²¹ като проповединавас юдеиенгеда, гърциенгеда покаяние спрямо о Дел тай вяра спрямо амаро Дел о Исус Христос. ²² Тай аке акана, заставиме духом, жав андо Ерусалим, без те жанав со ка сполетинел ман оте, ²³ освен кай о Свято Духос заявинел манге анде секоне градосте, като пенел, кай оковес тай скърбес жарен ман. ²⁴ Но нана скъпинаман ме животоске тай нана свидинел пес манге за леске, стига само те икалав мо дром тай мо служение, ковато приемингиом таро Дел о Исус, те проповединав о благовестие е Девлескере благодаттаке. ²⁵ Тай аке акана, ме жанав, кай ни иек тумендар, машкар коленде наклом тай проповедингиом о Божие тагарипе, нанай вече ти дикел мо муи. ²⁶ Далкеске заявинав туменге калке диесесте, кай ме синиом чисто таро рат саворенге; ²⁷ соскето нана въздържингиоман те изявинав туменге савори Божие воля. ²⁸ Овен бдителна туменге тай целоне стадоске, анде колесте о Свято Духос поставингяс туменге епископия, те пасинен и кангереи е Девлескири, която Ов придобингяс Пе собственоне ратеса. ²⁹ Ме жанав, кай палал мере занакибнасте ка ден машкар туменде свирепа вълция, колато нанай те жалинен о стадос; ³⁰ тай тумендар ка вазден пес мануша, колато ка хоратинен изопачиме тай ка отвлечинен е ученикиен палал песте. ³¹ Далкеске бдинен тай помнинен, кай трин бреш,о диес тай ират, нана престанингиом те поучинав асвенца всеконе иекес тумендар. ³² Тай акана, препоръчинав тумен е Девлеске тай е словоске Лескири благодат, ковато ащи те назидавинел тумен тай те дел тумен наследство машкар саворе осветеноненде. ³³ Никаскоро сребро или златос, или о шехя нана манглом. ³⁴ Туме коркоре жанен, кай калка мере васта послужинде мере нужденге тай е нужденге колкенге, колато уле манца. ³⁵ Всичконасте покажингиом туменге, кай чука трудеща требва те помагинен е немощноненге, тай те помнинен о думес е Девлескере о Исус, саро Ов пенгяс: По-блажено си те дел о мануш, отколкото те приеминел. ³⁶ Като пенгяс давка, коленичингяс тай помолисало саворенца. ³⁷ Тай саворе руне бут; тай пеле ки мен е Павелеске, тай чумиденас лес, ³⁸ наскърбиме най-бут е думенге, колато пенгяс, кай нанай вече те дикен о муи лескоро. Тай изпратинде лес жи ко кораби.