¹ Тай коркоро ме, о Павел, молинав тумен е Христескере кротостяса тай нежностяса, ме, ковато синиом смирено, като синиом машкар туменде, а като отсъствинав, ачовав смело карик уменде, ² молинав ман туменге, като синиом паш туменде, тена принудинаман те употребинав смелост колке увереностяса, коласа мислинав те одързостинаман против декасе, колато мислинен, кай аме постъпвинас плътски. ³ Соскето, ако те живинасда анди плът, ки плът на воювинас. ⁴ Соскето о оръжия, коленца воювинас, нанай плътска, но чрез о Дел си силна пераибнаске е крепостиенге. ⁵ Понеже перавас помислес тай всичко, ковато ваздел пес учипнасте против о познание е Девлескоро, тай пленинас всеко разуми те покоринел пес е Христаске. ⁶ Тай синям готова те накажинас секакво непослушание, щом ачол пердо тумаро послушание. ⁷ Туме дикен о авруно. Ако декой си увериме анде песте, кай си Христово, то нека размислинел още иеквар анде песте, кай сарто , ов си Христово, чука амеда синям Христова. ⁸ Соскето, ако похвалинавас ман варесо по бут амаре властиаса, която о Дел диняс за тумаре назиданиеске, а ма за тумаре разорибнаске, нанай те лажав. ⁹ Обаче нека тена дикиол, кай мангав те заплашвинав тумен ме посланиенца. ¹⁰ Понеже, пенен десаве, лескере послания си паре тай силна, но лескоро лично присъствие си слабо тай лескири реч - нищожно. ¹¹ Савка нека овел лес предвид давка, кай саве синям ко словос амаре посланиенде, като синям дуре тумендар, салка синям ко делос, като синям паш туменде. ¹² Соскето на смеинас те считинас или те сравнинас амен декаса колкендар, колато препоръчвинен коркоре пес; но он, като меринен пес песа, тай като сравнинен пес песа, на постъпинен разумно. ¹³ А аме нанай те хвалинас амен далкеса, ковато си аври амаре пределендар, а ка ограничинас амен е областяса, която о Дел определингяс аменге, област, която ресел дори жи туменде. ¹⁴ Соскето аме нана жас твърде дуре е хвалбенца амаренца, като че ли на реслам жи туменде; соскето реслам жи туменде е Христаскере благовестиеса. ¹⁵ Тай на хвалинас амен далкеса, ковато си аври амаре пределендар, демек, чуждоне трудоса, но иси амен надежда, кай с нарастване тумаре вяраса, ка разширингиол и област амари за букяке машкар туменде, тай то пребут, ¹⁶ чука кай те проповединас о благовестие тумендар по-ноте. Соскето на мангас те хвалинас амен е извършиме букяса анди чуждо област. ¹⁷ А който хвалинел пес, е Девлеса нека хвалинел пес. ¹⁸ Соскето нанай одобриме кавка, ковато коркоро пес препоръчвинел, а кавка, колес о Дел препоръчвинел.