¹ Wanokitjivenle onari n'himaaka, waamwohoyaka nanumwanaka. Vano wuphuanyessaka ota, kaahala wuupetjari, ni khaavo akela okitanyifu. ² Kanaahala oweettihera ni kanaahala wuukusa mpaani wanumwanaka, ni wee waanahala okinthutjiha. Kanawuuvaha evinyu yootjiva wiira ovurye ni esuko yo roma tjaka''. Mwanthiyana ole ulumaka veekha: ³ ''Ntatana moono weethiyana niri m'muruwaka ni ntatana moono welopwana okikapatte''. Nthiyana ulumaka wa athiyana akhuaawe: ⁴ ''Mi kimpheela wiira nlaphele, asaana alopuana oo Jerusalem, wiira n'hinikhottihere nifento nihu mpaka wam'malaaya''. Athiyana o Jerusalem yuulumaka: ⁵ Tipani yooyo nowa n'wa muuthakini, itjooromela wa wan'nyawe!''. Mwaavno nthiyana ulumaka wa wan'nyawe: ''Mi kuuvusale vathi wo maceera; vale anumwana phurupanlyaaya; vale ayena phuyaralyaaya, ayena ahuuwaana. ⁶ Okihele ni lutto naa wanrimani waa, toko nlutto wa moononi waa, kontha nifento n'no nuulupale toko nookhua. Otjiveliya ori wohivilelya toko ovithiya; ottetheruwa wo mooro, malimi omooro, malimi ooviha tjinene woovikana mooro nkina. ⁷ Anakhala maatji mentji khayaalamuliya ottipiha nifento, wala otjara wo maatji khayaahala nitjamiha. Nlopwana yooyo wo mihakhu tjawe tjo wapuwani wo nifento, tjovaha tjawe yaakela ohipihiya ethu''. Asirokorawe wa nthiyana yoole yuulumaka yaayoru: ⁸ Hi nihaana nrokorihu muankaani, ni yena khanaaya okhalana mapele. Nipakekeni wa nrokorihu ole nihuku kinkelawe waapuleliya wiira atheliye! ⁹ Akhala wiira yena esiri, ninaahala oteka etorre yo prata. Wakhala wiira yena nkhora, nin'hala onreerihela ni ethaapwa tjo cedro''. Mwavano ole itjuulumaka: ¹⁰ Mi kaari esiri, mapele aka ayo ari toko etoore tjolipihera, vano kihottokotha wa menthoni winyu''. Mwavano ole itjulumaka: ¹¹ ''Salomao ahaana ematta o Baal-Hamom. Yena ahowaatjimela ematta ale yakela okhalihera. Wakula nthu ahaana owaana ekiilo khuumi na piili tjo prata wo mihokorokho tjaya. ¹² Ematta aka yawaka paasi, ekiilo khuumi na piili tjo prata tjaawa, mun'naka Salomao, ekiilo piili n'nuusu tjaawaya yaale ankhalihera mihokorokho tjaya''. Mwettiaawe ulumaka wa yena: ¹³ ''Nyu n'nokhala njadim, asikhuaaka aneera yin'waka ntjuuna; okihiye kikhale owin'wa''. Nthiyana ole awuulumanaka amwettia awe: ¹⁴ ''Waakuve, mun'naka, okhale toko egazela wala