¹ Iwewe wakarungama, mudhiwa wangu; wakarungama! Madziso ako urimumbure wakatingana ndjiya. bvudzi rako rakatingana dhanka renbudzi riri kubva kuGomo roGiriadhi. ² Mazino ako akatingana bhoka romaMwai rirkubva kovheurwa retchibva kosukwa. Umwe naumwe uno matwinzi ake ukuna pakati pawo usina mbeu. ³ Muromo wako wakaita tingana mutcheka wakaswuka, muromo wako wakanakisisa. Matama ako urimumbure akatingana dhimbu redhamba. ⁴ Mutsipa wako wakatingana chongwe raDavidhi, rakagadzirwa tingana mbuto yokukandira pfuti, mukatimo makaturikwa chiuru tchedhoo, dzese dzomasodja. ⁵ Mazamu ako akatingana anamatwinzi edzoma etchiucha pakati pomaruwa. ⁶ Kusati kaedza uye bvute risati ratiza, inini nditchaenda mugomo remira uye mbuto yokupisira tchibairo. ⁷ Iwewe wakarungamisa, mudhiwa wangu, kauri apana tchakachata. ⁸ Ngatiende tese kuRibhanoni, mhamdwe yangu! ngatiende tese kuRibhanoni; dzika nopamusoro-soro poAmana, pamuso poSeniri uye nopamusoro peHermon, murindi momhondoro, mugomo rembanda. ⁹ Iwewe wabha mwoyo wangu, hama yangu, mwenga wangu; iwewe wabha mwoyo wangu, nokundiringisa kamwe, nobhuwe rimwe rinodura. ¹⁰ Rudho rako rakarungamisa, hama yangu, mwenga yangu! Rudho rako rakakocha tingana vinyu! Uye anumwirire aunoita anoita anopinda zwese zwinonuwirira! ¹¹ Muromo wako, mwenga yangu, unoerera utchi; utchi nomukaka uripasi porirumi rako, kunyetukira komatchira ako akatingana kunyetukira koRibhano. ¹² Hama yangu, mwenga wangu, wakaita tingana bindhu rakafungwa, tingana tsime yakafungwa. ¹³ Miti yako yakaita tingana muti womatamba, nomuti imweni inonaka; yomaruwa ehena uye nenaridhi, ¹⁴ naridhi uye nesafuroni, karausi nesinamoni, nomuti yese inogadzirwa zwinonuwira zwanyasa kunaka. ¹⁵ Uri tchitubu tchomumunda womafurori, tchimbo tchonbvura inotondhora, zwikohora zwetchidzara kubva kuRibhano". Jaha retchireketera mudiwa waro ¹⁶ "Muka mhempo yokumosoro, uya yokumadhokera; furidza mumunda wangu womafurori, kuitira kuti kunuwira kuparazwe. Kuitira kuti mudhiwa wangu apinde mumunda womafurori uye kuti araire zwaketerwa"