¹ Zwadharo, Koree, mwana wa Izari, mwana wa Koate, mwana wa Revi, pamwepo na Dataa uye na Abirao, ana a Eriabe, na Omi, mwana wa Perete, ana a Ruben, akaunganidza amwe anarume. ² Woenda korwa na Mozesi, pamwepo ne anarume amweni e anhu eIziraeri, mazana mairi ne makumashanu eatungamiriri esangano, ndyengo dzaikudzwa pakati pe anhu. ³ Akabhatana pakurwa na Mozesi na Aroni. Akawati: "Zwakwana! izswi zwanyanya. Sangano rese riswene, annhu ese aswene uye Yahweh uri pakati pawo. Ngei imwimwi muri kusimudzira hafu resangano ra Yahweh bhasi". ⁴ Mozesi paakazwa zwirozwo, wakafugamira tchiso pasi. ⁵ Wobuya na Koree uye ne tchikwata tchake tchese etchiti: "Tchematchibhesi, Yahweh utchapangidza kuti ndiani wake uye ndiani muswene, uyu Iyena utchamuundzisa kwari. Wiya wanenge asanangura, Iyena utchamuundzisa paduze pake. ⁶ Itai izwi, Kore uye ne tchikwata tchake tchese. Torai zwibhara utsi ⁷ mangwana uye mukanda muriro ne zwibhara utsi pamberi pa Yahweh. Mwanarume unenge asanangurwa, utchadzodzwa kuna Yahweh. Imwimwi maenda kure zwakanyanya, dzindza ra Revi". ⁸ Wopetukazwe, Mozesi wobuya kuna Koree etchiti: "Zwino purutanai, imwi ana a Revi, ⁹ zwidhoko here zwamunosoitirwa na Mwari we Iziraeri pakukusianisai ne anhu ese eIziraeri, kuitira kuti mugare duze naye, kuti muite mabhasa emutyemberi, uye muwe pamberi pe anhu pakuasendzera. ¹⁰ Iyena wakuundzisai paduze, waundzisa weukama wenyu wese, ana a Revi nemwi, uye murikudhazwe hupirisita! ¹¹ Ngedaya yezwenezwi imwimwi pamwepo ne tchikwata tchenyu muri kudha kundirwisa. Zwadharo, ngei murikunyunyutira Aroni, unoterera Yahweh". ¹² Zwadharo, Mozesi, wodhaindza Dataa na Abirao, ana a Eriabe, asi akamudhaira etchiti: "Atiwiye. ¹³ Zwidhoko here, kutivisa muimwe nyika inobhara mukaka ne utchi, kuti utiuraye mumurendje. Zwino, uri kudha kuzwiita mutungamiriri kwatiri! ¹⁴ Saka, Iwewe auna kutiundzisa kuimwe nyika inobhara mukaka ne utchi, kana kutipasa minda kana minda yemizambiringa se ndhaka. Zwino uri kudha kutiita mabhofo ne wimbiso dzisina zwiro. Isusu atiwiyi kwauri". ¹⁵ Mozesi wakapatika nazwo uye wotsa kuna Yahweh: "Musatambire zwipo zwawo. Inini andina kotora kewari kana gwayana rimwe haro, kana kuaita tchimwe tchiro tchakashata". ¹⁶ Zwadharo, Mozesi wotsa kuna Koree: "Mangwana, imwimwi mwese wiyai kuna Yahweh, iwewe, iwona na Aroni. ¹⁷ Umwe ne umwe wenyu, unofanira kuundzisa zwibhara utsi uye mokanda moto. Zwadharoko, umwe na umwe utchatora, pamberi pa Yahweh, tchibhara utsi tchake, mazana mairi ne makumashanu ezwibhara utsi kubhatanidza zwese. Iwewe na Aroni motorawo zswibhara utsi zwenyu". ¹⁸ Zwadharo, umwe na umwe wakatora tchibhara utsi tchake, wotchibhatidza, uye wogara pamusuwo we tendi yerusangano na Mozesi na Aroni. ¹⁹ Koree wounganidza sangano rese kurwira Mozesi na Aroni pamusuwo we tendi yerusangano, uye mbiri ya Yahweh yowiya kune sangano rese. ²⁰ Zwadharo, Yahweh wobuya kuna Mozesi uye na Aroni: ²¹ "Kwedyerai kure kwe sanganoro, kuti Inini ndiaparadze zwino uno". ²² Wogwadhama pasi, Mozesi na Aroni, uye woti: "Mwari, Mwari we mwiya uye ne we anhu ese, kana umwe munhu akashaisha, munofanira here Imwimwi kunyangadzirwa sangano rese". ²³ Yahweh wodhaira kuna Mozesi, etchiti: ²⁴ "Buya kune sangano, wetchiti: 'Bhudhai paduze pezwitumba zwa Koree, Dataa na Abirao"'. ²⁵ Zwadharo, Mozesi wopurumuka uye woenda kuna Dataa na Abirao; akuru akuru eIziraeri omutera. ²⁶ Uye wotsa kune sangano: "Bhudhai muzswitumba zwe anarume aya akashata mwoyo, musabhate kana kutchimwe tchiro tchawo, mukasadharo mutchaparadzwa nekudha kwekushaisha kwawo". ²⁷ Zwadharo, anhu ese ainge ari kudhii ra Koree, Dataa na Abirao wobhuda, woasiya. Dataa na Abirao wobhudha uye wogara pamusuwo we zwitumba zwawo, ne akadzi awo ne ana. ²⁸ Zwadharo, Mozesi wotsa: "Saka, mutchazwiziya kuti Yahweh wakandituma kuti ndingoita zwiro zwese izwi, nekuti inini andina kuzwiita nekudha kwangu. ²⁹ Kana anarume aya akafa nekumwe kufa ketchidjairo, se zwagara zwakaitika, zswikadharo Yahweh hana kundituma. ³⁰ Asi, kana Yahweh akafungunura ivu, roamedza neumwe muromo mukuru, pamwepo ne zwese zwawo, uye kana iwona akaenda ane ndaramo ku Sheor, zwikadharo, ndipo pamutchawona kuti anarume aya anyodza Yahweh". ³¹ Mozesi pakandopedza kubuya mazwi aya, ivu rakafungunuka pasi pawo. ³² Ivu rakafungunura muromo waro uye roamedza, ukama wawo wese, uye ne anhu awo ese , uye ne zwiro zwawo zwese. ³³ Iwona uye ne anhu ese eukama wawo, wakadzika pasi ane ndaramo kwenda ku Sheor. Ivu rikafunga, uye woparara pamberi pe sangano. ³⁴ Uye Iziraeri yese yainga iripo, ikatiza nekukuwa. Yetchidhaindzira: "Ivu ringatimedzawo!". ³⁵ Zwadharoko, kwakabhaka moto kuva kuna Yahweh, uye wopisa mazana mairi ne makumashanu eanarume ainge aisawo zwibhara utsi zwawo. ³⁶ Wopetukazwe, Yahweh wobuya kuna Mozesi, etchiti: ³⁷ "Buya na Ereazar, mwana wa mupirisita Aroni, kuti avise zwkibhara utsi pamoto, uye woparadzira kure marasha, nekuti aizwirwa Inini. ³⁸ Tora zwibhara utsi zwe aya afa nekudha kwe kushaisha kwawo, kuti zwizwe marata kuitira kufukidza aritari. Anarume aya azwipasa Inini, saka, iwona azwipasa Inini. Iwona atchawe tchimwe tchipangidziro tche uwapo wangu kune anhu eIziraeri. ³⁹ Ereazar, mupirisita, wotora zwibhara utsi zwe ndarama zwainge zwasendzeswa ne anarume ainge apiswa. Iyena wozwiponda ponda kuita zwimarata kuitira kufurira aritari, ⁴⁰ maererano ne zwainge zwabhuiwa na Yahweh nekudha kwa Mozesi, kjuti zwiwe muedzuriro kune anhu eIziraeri, kuitira kuti pasawoneke umwe munhu asiripi we dzindza ra Aroni utchawiya kopisa zwipiriso pamberi pa Yahweh. Nemushobho uyu, apana munhu waizodha kuita se Koree pamwepo ne tchikwata tchake, semu semu se matongero ainge aizwa na Yahweh pamusoro pa Mozesi. ⁴¹ Asi, patsiku yetchipiri nematchibhesi, anhu ese eIziraeri, akatanga kunyunyutira Mozesi na Aroni etchiti: "Imwimwi mauraya anhu a Yahweh". ⁴² Zwadharoko, zwakaitika kuti anhu akaunganidzana pamusoro pa Mozesi na Aroni, woringira kudhii re Tendi Yerusangano, uye wowona kuti makuta ainge afukidza tendi. Mbiri ya Yahweh yainge yawiya. ⁴³ Mozesi na Aroni woenda pamberi pe Tendi Yerusangano. ⁴⁴ Zwadharo, Yahweh wotsa kuna Mozesi: ⁴⁵ "Bhudha pakati pe anhuwo kuti Inini ndiaparadze zwino uno". Zwadharo, Mozesi na Aroni wogwadhama pasi. ⁴⁶ Mozesi wotsa kuna Aroni: "Tora tchipisiro, wobhatidza pamberi pe aritari, wokanda zwibhara utsi, wotwara nekukasika kwenda kune anhu, uye woita tchipiriso kuitira iwona, nekuti kunyangadzwa kwa Yahweh kuri kuwiya. Dhambudziko rotanga". ⁴⁷ Zwadharo, Aroni woita maererano ne zwainge zwabuiwa na Moesi. Wogogoma kwenda kwainge kune anhu. Dhambudziko rototanga tchiriporipotcho uye retchibhararika muanhu, zwadharo, wakanda zwibhara utsi uye woita tchipiriso kuitira anhu. ⁴⁸ Aroni wowikanda pakati pe rufu ne ndaramo; nakizwona, dhambudziko romira. ⁴⁹ Ainge afa nekudha kwe dhambudzikoro, aiguma pamutengo we mazana marongomuna emazwuru ne mazana manomwe, kuvisa ainge afa nekushaisha kwa Koree. ⁵⁰ Aroni wopetuka kuna Mozesi pamusuwo we Tendi Yerusangano, uye dhambudziko rikapera.