¹ Uye inini ndakareketa kudhai: Izwai zwino, imimwi atungamiriri aDjakobo; andiropi bhasa renyu here kuti muziye zwiro zwakarurama? ² Imwimwi munozonda zwakanana uye mudha zwakachata; imwimwi munobha makandha eamweni, uye nyama mumakodho ayo; ³ Imwimwi ndimwi munorha nyama yeanhu angu,uye munodhusa makandha, uye munopwanya makhodo ayo; uye munodhimbura-dhimbura kakukandha mupoto, tingana nyama mukati mohari. ⁴ Nokudharo mutchadhaindza Mwari, asi ayena azomudhairi; kunza kaizwi utchaiga hope yake pamberi penyu panguwa iyona, ngokuti makaita zwakachata. ⁵ Izwi ndizwona zwirikureketa Mwari kuno maporofita anoita kuti anhu angu aite zwakachata, panotambira zwokurha anodhainzira rugare, asi anoita hondo noanhu asingaapasi zwokurha; ⁶ Nokudharo mutchaitirwa usiku ngonyaya yotchiporofita, uye dhima ngonyaya yofembera; uye zuwa ritchadhoka kunomaporofita aya, uye kutchaadhokera. ⁷ Uye anhu anowoneswa atchasweruswa, uye atchafunga muroo, ngokuti akuzowonekwi kupindura kMwari. ⁸ Nomaitire awona inini ndakadzara noMweya waMwari, uye nokutonga, uye nosimba, kuti ndibvundze dJakobho kuchaicha kake, uye kuna Iziraeri tchitema tchake. ⁹ Izwai zwinoku izwi, imwimwi atungamiriri enyumba yadJakobho, uye neatongi enyumba yaIziraeri, munoputsa kutendenka, uye muphidhimudza zwese zwakarurama; ¹⁰ Imwimwi munogadzira Siau ngongzadzi, uye nedJerusarema nokusatendeka; ¹¹ Atungamiriri enyu anotonga ngomare, mapirisita enyu akafundisa ngonyaya yomare, uye maporofiti enyu anofembera ngokudha mare; uye anodzisimbisa kuna Mwari etchiti:Mwari aripi pakati pedhu here? Akuna tchakachata tchitchauya pamusoro pedhu. ¹² Ngonyaya enyu Siau itchaparadzwa tingana munda, uye dJerusarema itchadzadzwa nomapuwe, uye gomo rokutemberi nombuto dzakakwirira dzitchaita mathuku.