¹ Djesu pakabhudha muthemberi uye, paifamba, afundi ake aka unya kaari kuti amupangidze zviwakwa zvo themberi. ² Asi Iyena wakadaira, otchiti: "amuwoni zviro izvi zvese ? zvirokwazvo inini ndinomuvhunza: akuna bhuwe rinozogara pamusoro pobhuwe rimweni risikazo phutsiki. ³ Atchiripo Djesu akagara padhunhu ro muworive, afundi ake akaunya Kaari kakutchibvundzisa kuti: "Tibvundze zviro izvi zvitchazoyitika rini? tchi tchinozopangidzira paku unya kwenyu uye nokupera ko nguwa iyi? ⁴ Djesu wakadhaira uye otchiti: mhore mhore kuitira kuti musa zotchengedzwa. ⁵ Nokuti wazindji atchazounya ngozina rangu, otchiti: ' inini ndini Kirisitu', uye atchazotchengedza akawanda. ⁶ Mutchazozwa kubuiwa ko uye noguku rehondo; onai, musapatike, ngokuti zvino dhikanwa kuti zviro izvi zviitike; asi akuma gumopi. ⁷ Asi dzinza ritcharwisna ne dzinza, uye Umambo utcharwisana noumambo. kutchazowoneka ndzara no tchigidigidi munbuto dzaka wanda. ⁸ Asi zviro zvese izvi ndi kutanga kokurwadziwa paku bhara. ⁹ Nokudharo mutchazopuwa matanbudziko uye mutchazourawa, uye mutchazo pa dzindza rese ngonhanya yo Zina rangu. ¹⁰ Uye akawanda atchazo tanbudzwa, uye mutcha tengesana umwe kuno umweni, uye atchazo zondana umwe ne umwe. ¹¹ , Maphorofiti akawanda atchamukira uye noku tchazo mutchengedza akawanda. etchizotchengedza wazindji. ¹³ Nokuwanda kozvitema, rudho rowaka akanda tonhora. ¹² Asi uya unochingirira dhakara kumagumo, utchazoponeswa. ¹⁴ Vangeri iri roumambo ritchaparidzwa pasi pese kuita hinga tchapupu kune dzindza rese, uye ndipo panozouguma. ¹⁵ Nokudharo, kana mawona zvinonhangadza zve kuparadzana zvakareketwa na Danieri, muphorofiti, ari panbhuto swene (unoerenga ngazwisise), ¹⁶ anya anonga ari ku djudea tizai ku matunhu, ¹⁷ aya aripadhenga musatchite kwenda kobhata zviri mumbha make, ¹⁸ Uye unonga ari kumunda ngasazopetuki hwirire kotora bhatchi rake. ¹⁹ Asi hokoyo kuno uya anonga anomimbha uye anonga otchi amwisa pazuwa awona! ²⁰ Namatai kuti kutiza kwenyu kusaite panguwa yo nbhepo, kana kuti musabhudhu. ²¹ Uye patcha woneka nyatwa huru, kuti aisati yaka mbowoneka kutanga konyika kuguma zvino, uye azvitcha zowonekizve narini. ²² Kudhai pamazuwanya asikazi kupaurwa, akuna waidha kuponeswa; asi, ngonhanya yo anya akasanangurwa, mazuwa awona atchapungurwa. ²³ Kudai, munhu hake akamunbvundza:' Aripano Kirisitu!' kana, kuti Kirisitu arikona!' Musazotende. ²⁴ Ngokuti maKiristu okunyepa ne maphorofiti okunyepa atchazo unya uye atchapangidza zvipangidziro zvikuru zvino shamisa kuti mutsotse, kunyanya wakasanangurwa. ²⁵ Ndizvo zvandiso munbvundza. ²⁶ Nokudharo, akazomubvundza,' zvino iyena arithambe,' musazobhudhe, kana, Wonai zviri mukati monyumba,' musazotende. ²⁷ Ngkuti hinga mhene inobhudha kumabvasuwa yetchisheta kuenda kumadhokera, ndizvo zvitchaitika pakunya komwana womunhu. ²⁸ Panya pano mutumbi, ipona ngwanga dzitchazo ungana. ²⁹ Uye pakupera poma tanbudziko umazuwaanya, zuwa ritchazodhoka, mwedzi auzoti venekeri, no nyeredzi dzitchazo dhonha, kubva kudhenga, uye no masimba oku dhenga atchazo zungunuzwa . ³⁰ tchipangidziro tchoMwana woMunhu tchitcha woneka kudhenga, uye dzindza rese ropanyika ritchazodheketera atchazo dheketera uye ritchazowona Mwana oMunhu etchi unya ari mumakore okudhenga, no masimba nokurumbhidzwa. ³¹ Iyena utchazotuma ngirosi dzake noku kuwa ku kuru komutoriro,uye awona atchazo unganidza waka sanangurwa pa arongomuna wo nbwepo dzo pasipano, parimwe norimweni romu dhenga. ³³ Fundirai mufanidzo muwonde: kana nhai ikadzitungira nokubhudhisa masakani, zinyai kuti nguwa wokupisa iripaduze; ³² Naizvona ,mukawona zviro zvesezvi, munodhika kutizinya kuti yena wapaduze, pomusuwo. ³⁴ Zvirokwazvo inni ndinomubvundza kuti dzinza iri arizopindi, zviro izvi zvisati zvaitika. 35 ³⁵ Denga ne nyika zvitchazopinda, Asi Masoko angu azopindi. ³⁶ Asi, paku remekedzwa ko zuwa uye nonguwa, akuna unozinya, kana ngirosi dzoku dhenga. kana mwana, asi bhabha ega. ³⁷ Hinga zvakaitika ngemazuwa a Noa, zvitchaikawo paku uyia komwana womunhu. ³⁸ Hinga pazuwa rinya kusati kwa kukurwa, awona airha uye etchimwa, etchiakana noku tchatisana, koguma pazuwa rakapinda Noa mungarawa; ³⁹ Uye azi kuzvikanda mufhungwa, kugumira kukukura kwaguma ese akatorwa- ndizvo zvitchaitika pakuwiya komwana womunhu. ⁴⁰ Nokutharo anarume airi anonga ari mumunda; umwe utchazo torwa, uye umweni utchazosara. ⁴¹ Anakadzi airi anonga otchi kwinya pagwiyo; Umwe utchatorwa, uye umweni utchasara. ⁴² nokudharo rindai, ngokuti amuzi zuwa ritcha unya Ishe wenyu. ⁴³ Asi zinyai izvi: kuthai muridzi wonyumba waizinya nguwa unya nbava,iyena waidha kuwonerera uye wanga wasikazodhi kusinya nbava iphwanye. ⁴⁴ Nokudharo, umwi mwiwo mudhika kugara makagadzirira, ngokuti Mwana wo Munhu utchazo unya panguwa inyona yamu sikadhi. ⁴⁵ Nizvona, unya mushandi wakanaka uye unoziya, kuti Ishe wake wakesinya muwonereri zvipfunyo zvake, nokuzvipasa tcho kurhinya pakungwa yaka kwana? ⁴⁶ waka komborerwa uya musendzi, utcha gumirwa na Ishe wake itchiita izvona patchazouya iyena. ⁴⁷ Zvirokazvo inini ndinomubvundza: ishe wako atchazokugadza pamusoro pevzese vzanonga anavzo. ⁴⁸ Asi kana musengzi wakatchata akabvundza mumoyo make:' Ishe wangu muriku nonoka,' ⁴⁹ Uye noku tanga kupondha amweni ake, uye etchirha nokumwa nozvidhakwa; ⁵⁰ Hino ishe wo musendzi uya utchazo uyia pa zuwa rasikarangariri, ⁵¹ Uye nenguwa yasikarangariri, utchazo muguragura kuita madhimbu atchazomukanda mugwandza rimwero nuwa sikatendi; ndipo patchawoneka uye kutchema ne kutetemera ko mazino.