¹ Djesu no wafundi ake paikwedhera paduze ne Dzerusarema aguma ku Betfage, Padhunhu romu Oiliveira. apona Djesu akatuma wafundi aka airi, ² etchi anbvundza kuti:" Pindai muguta riripaduze nokukassikissa mutchagumira mbongoyo yaka sungwa notchimbongoyo pamwepo. phudzumurai undzise Kwandiri. ³ Asi pakawoneka munhu etchimu bvundzisai pazvese izvi buyai kuti:` Ishe arikutchidha nokukassikissa tichazomu hwirindzirai". ⁴ Izvi zvakaitika kuti zvidzadzise zviya zvakareketwa nomuphorofiti, akati: " ⁵ undzai mukunda wa Siao: ona, mambo wako urikuya kauri, kudzininipisa akakwira pamussoro pe Mbongoyo, Netchinbongoyo tchimwana tcho nyama tchitwara". ⁶ ipona wafundi akaenda kuita zviya zvakatumwa na Djesu. ⁷ Awona akaundza Mbongoyo ne Tchimbongoyo, nokukandha matchirawo pamussoro pezvinyama Djesu nokukwira. ⁸ Mbunba jindji yai warira matchira mugwandza, amweni akabanha nthai dze muti etchiwarira muagwandza. ⁹ Mbunba yakapinda pamberi pa Djesu aya aimutera, etchikhuwa etchibuya:" Hosana kuna mwana waDavidi! zvakanaka ndizvia zvino uya muzita raIshe! Hosana wekudhenga!" ¹⁰ Djesu paaka pinda mudjerusarema, guta rese rakazungunuka, etchireketa:" ndiani eyena?" ¹¹ Mbumba yakadhaira:" uyu ndi Djesu, muphorofiti we Nazare wo Garirea". ¹² Ipona Djesu akapinda muthemberi akadzinguira esse aitenga etchi tengesa. Naizvo waka phutsa thafura yomare yewatchindji ne zvigariro zvoaya aitengesa ndjiwa. ¹³ Iyena wakanbvundza kuti:" Zvakatarhwa:' Nyumba yangu etchadhaindzwa, yumba yomunamato; asi imwiwi muriku yisendzesa hinga mbuto ye Mbava". ¹⁴ Maphofo ne zvigono akauya kaari Muthemberi, uye Iyena waka arapa. ¹⁵ Asi, akuru womapirisita, newanyori akawona midzaidzai dzakaita iyena awona pakazwa ana otchikhuwa muthemberi otchiti:" Hozana kumwana wa Davidi", awona akagara noshongu ¹⁶ uye akabuya ka Ari:" Iwewe urikuzvizwa here zvirikubuya anhu?" Djesu waka dhaira otchiti:" Honde! asi imwimwi amusati maerenga:' Pamuromo peana uye ne adhoko ano wamwa panobhuna kurunbidza kwakanaka"? ¹⁷ Nokudharo Djesu wakaasiya akabhudha muguta kwenda ku Betaania akagara usiku wese kweneyo. ¹⁸ Tcho matchibhese, iyena paka hwirira muguta, wanga anondzara. ¹⁹ Aka wona muwonde kudhi rogwandza, akakwedhera paduze, asi azikuhona tchiro hatcho pauri,wanga une massakani bhase, Iyena waka bvundza muti:" narini autchazo bharizve tchibhereko kauri". Panguwa imwewo muwonde wakawoma. ²⁰ wafundi pakazviwona, akapatika nazvo kakunbvundzisa kuti:" Nguei muwonde waoma tchiriporipotcho?" ²¹ Djesu akaadhaira etcheti:" zvirokwazvo ndino munbvundza: musinga kahamisiki nokutenda musika kanana, amuzoyiti bhasi nozvaizwa pamuwonde, asi mutchazobuya kuno dhunhu:' dzibviti udzikhandire mukati mo bhahari' izvi zvitcha ithwa. ²² Zvese zvamunokumbira mumunamato, mutchitenda mutchazozvimbira. ²³ Djesu paaka pinda muthemberi, akuru kuru womapirisita ne atchengenbvu wombumba akauya ka ari, iyena waifundisa akanvbundza:"nosimba ripi unoyita zviro izvi? uye ndiani wakakupassa simberi?" ²⁴ Djesu wakadhaira otchiti:" Ininiwo ndinomunbvundzisa. Asi muka ndidhaira, nomu shobho umwemo nditchamunbvundzai no simba ripi ndinoyita zviro izvi. ²⁵ Rubabatidzo ra Juau rakabvepi ? kudhenga kana kuhanhu?" Awona akareketedzana kaari awona ega, otchiti:" Isusu tikabuya: 'Woku dhenga', Iyena utchatibvundza: ' Nguei amuzozi kumutenda iyena? ²⁶ Asi , tikabuya: kuwanarumwe', isuso tinothiya mbumba, ngokuti awona ese anowona Juau hinga muphorofiti", ²⁷ Nokudharo awona akadhaira kuna Djesu akamunbvundza"Isusu atizvizi". Iyenawo akanbvundza ka ari:" Asi Ininiwo andimunbvuzi nosimba ripi ndino iyita zviro izvi. ²⁸ Kana zviri izvona munorangarirei? Umwe mwanarume wanga ano anake airi. Iyena akaenda po wokutanga kaku munbvundza mwanangu, nhamasi enda kosendza ku vinhu, ²⁹ Mwana akadhaira kuti inini andiendi!, Asi kumberi waka zocthindja marangariro ake ka kwenda. ³⁰ Uye mwanarume wakayenda pa mwana otchipiri waka buya zviro zvimwezvo. Uyu mwana waka dhaira kuti: Inini nditchaenda, ishe, nozvese azozikwenda. ³¹ Ndiupi mwana waita kudha kwabhabha ake?" Awona akadhaira kuti: " Wo kutanga". Djesu akati ka ari:" Nozvirokwazvo inini ndino munbvundza: Arongosi womusoho ne wanoponbwa atchapinda mu umanbo waMwari, imwimwi musati. ³² Naizvo Juau akauya kamuri mugwandza rakarurama, asi imwimwi amuzi kutenda kaari, naizvo warongosi womasoho ne wapombwe akamutenda. imwimwi, nozvese makazvi wona izvi, amuzi kutendeuka uye amuzi kumu ndenda. ³³ " Izwai muyezaniso umweni: panga panemwanarume, muridzi we mavu wakasima muvinha, wakagukutidza mumutcheto, wakaita mbhuto yoku kotokorera uva, akagadzira tchirindiro tchoku wonerera uye waka arugarisi nyumba kuwa rime evinha. Nozvose wakayenda kunyika imweni. ³⁴ Payaka guma nguwa yoku kotokora uva, iyena wakatuma wachandi ake kuna wawonereri woma vinha kuti atambire uva dzake. ³⁵ Asi arimi wo vinho akabhata wachandi womuridzi, akaponda umwe, akamu uranya umweni, uye nokumu fura umweni. ³⁶ Asi kotchipiri, muridzi wakatumazve achandi amweni, kupinda pokutanga. nguwa yese warimi wo vinha aka tambira nomushobho umwewo. ³⁷ Novzese izvi, muridzi wakazotuma mwanake, etchibuya:' awona atchremekedza mwana wangu'. ³⁸ Asi, warimi wo vinho paka wona mwana, akanbvundzana kaari kuti:" uyu ndimuridzi. unyai tiyende komu uranya uye titore pfuma". ³⁹ Naizvo awona akamubhata, kakumu khandira kundza ko vinha, uye aka mu uranya. ⁴⁰ Zvinopano , muridzi wo vinha akaunya, tchinyi tchatchazoyita arimi wo vinha?" ⁴¹ Anhu akanbvundza inyena kuti:" Iyena atchazoputsa anarume aya okutchata nomuchobho wakachata uye atcha arugarisi muvinha kuna arimi amweni, atchazopassa dhirake panguwa yoku kotokora". ⁴² Djesu wakabvundza kuti:" Imwimwi amusati maerenga muzvakatarhwa:' Bhuwe raka tsetwa nowa no gadzira- rakazogara bhuwe repakhona. Izvi zvakaunya kuna Ishe uye zvakanaka kumadziso edhu'? ⁴³ Nokudharo ndino munbvundza kuti: umanbo waMwari utcha bviswa kamuri uye utcha zopuwa dzindza rino bhara zvibhereko. ⁴⁴ Uye ndiani nani utchanbwera pamusoro pobhuwe iri atcha gurhwa tchidhinbu dhinbu. Asi pano uya utchanbwera pamusoro, uyu atcha dzengenhyeswa". ⁴⁵ Apo akuru womaphirisita ye ne wa tchindjebvu pakazwa miyezaniso yake, akawona kuti iyena wayi reketa pamusoro pawo. ⁴⁶ Aitkaga kumusunga, aithiya djikitira ngekuti anhu aimuwona hinga muphorofiti.