¹ Inini ndakubvunzai zviri izvi kuti mutsa mbwere. ² Aona atchamudzingirai mumasinagogi. Zvirokwazvo, iriku guma yokuti wese atchamurayai atchafunga kuti ari kuitira bhasa Mwari. ³ Aona atchaita izvona nokuti azi Bhabha uye kana Inini, ⁴ Inini ndakubvunzai zviro izvi kuitira kuti, kana nguwa yaguma, murangarire kuti Inini ndakazvibuya kare zvirozvo. Inini andizi kubvibuya kare nokuti Inini ndanga Nditchiri nemwi. ⁵ Pazvese, Inini zvino ndakwenda kuna Uya wakandituma; uye akuna umwe wenyu anobvunzisa: Murikwendepi? ⁶ Asi ngokuti Inini ndabuya zviro izvi, mwoyo dzenyu dzadzara nokutsukwara. ⁷ Pazvese, Inini ndinokubvunzai tchokwadhi: zvakakunakirai kuti Inini ndiende; nokuti Inini ndikasaenda, Munyaradzi azoui kwamuri, asi Inini ndikaenda, ndinomutuma Munyaradzi kwamuri. ⁸ Munyaradzi akauya, utchakuti anhu agare nopfungwa pamusoro pe tchitadzo, kururama uye kutongwa. ⁹ Tchitadzo ngokuti aona atendi Inini; ¹⁰ kururama, ngokuti Inini ndiri kwenda kuna Bhabha Angu, uye imwimwi amutchazondionizve; ¹¹ uye kutongwa, ngokuti mukuru wenyika ino wato tongwa. ¹² Nditchine zviro zvakawanda kuti ndikubvunzei; asi zvino amuzvibhati. ¹³ Pazvese, Kana Yena, Mweya weTchokwadhi, akauya, Yena atchakusesedzai mutchokwadhi tchese; nokuti abuyi ngeZvake; asi Yena atchabuya zvese zvanozuwa, uye atchakubvunzai zviro zvitchadha kuitika. ¹⁴ Yena atchaNdikudza, nokuti atchatambira zvinobva Kwandiri uye atchakubvunzai. ¹⁵ Zvese zvina Bhabha nge Zvangu; ndizvo zvaita kuti ndibuye; kuti Mweya utchatambira zvangu Inini, uye atchakubvunzai. ¹⁶ Mukati monguwa idhoko, Imwimwi amundioni; uye kupera kwe nguwa imweni, mutchandionazve Inini". ¹⁷ Hino, awme afundi ake akati kune umwe ne amweni: " Zvii zvona zvairikubuya Yena: `munguwa idhoko aMundione´, uye munguwazve idhoko Mutchandiona`, uye, ` Ngokuti Inini ndirikwenda kuna Bhabha`?". ¹⁸ Ngondaya yazvo akati: zvizvona zvaarikureketa Yena: ` Munguwa idhoko`? Isusu atizvizi kuti Yena arikubuyei". ¹⁹ Djeso wakaona kuti aidha kuMubvunzisa, uye wakaati: " Murikubvunzisana mwega ngendaya ye zvandabuya: mukati munguwa ishoma aMutchandioni, uyezve kupera nkwenguya idhoko Mutchandiona`? ²⁰ Zvirokwazvo, zvirokwazvo, ndinokubvunzai, imwimwi munotchema uye nokutsukwara kukuru, asi nyika yetchipfara; asi imwimwi meitchena, asi misodzi yenyu atchaitase mupfaro. ²¹ Mwanakadzi unotsukwara kana anemarwadzo ekudha kubhara ngokuti nguwa yake yokubhara inanga yakwana, asi akapedza kubhara atcharangaririzve marwadzo aya, ngondaya yemupfaro wokuti ndauanza mwana munyika. ²² Naizvozvo, imwimwi makatsukwara zvino, asi Inini nditchakuonaizve; uye mwoyo utchadzara nemupfaro, uye akuna atchabvisa mupfaro wenyu. ²³ Patsiko Iya, imwimwi amutchazondibvise tchiro. Zvirokwazvo, zvirokwazvo,, ndinokubvunzai, mukumbira tchiro tchipo hatcho kuna Bhabha muZina. ²⁴ Kudzamara zvino amusati maNdikumbira tchiro muZina Rangu; kumbirai uye munopuwa, kuitira kuti mapfaro wenyu udzadziswe. ²⁵ Inini ndakubvunzai zviro izvi kubhudhikidza nemufananidzo; asi iri kuguma yokuti anditchabui nemufanidzo, asi patchena ndinanga ndebuya ngozvaBhabha. ²⁶ Patsiko iya, imwimwi mutchakumbira muZina Rangu, uye Inini andikubvunzi kuti nditchakumbirirai kuna Bhabha; ²⁷ nokuti aona Bhabha anokudhai, ngokuti Makandidha uye makanditenda kuti Inini ndakabva kuna Bhabha. ²⁸ Inini ndakabva kuna Bhabha kuya kunyika; zvekare, Inini ndirikusiya nyika uye ndirikwendazve kuna Bhabha". ²⁹ Afundi ake akati: " Zvino murikubuya patchena; uye amuripi kusenza mufananidzo. ³⁰ Zvino tinoziya kuti Imwimwi munoziya zviro zvese, uye kuti aMuimuri munhu akubvunzisei. Ngondaya yazvo, tinotenda kuti makabva kunaBhabha. ³¹ Djeso wakadhaira:" Zvino, munotenda?. ³² Iri kuya nguwa, uye yatoguma, mutchaparadzwa kadhamunhu kumba kwake, uye Mutchandisiya ndega, Asi andiripi ndega, Nokuti Bhabha arineni. ³³ Inini ndakuabvunzai zviro izvi kuitira kuti mwandiri muwe nerugare. Panyika mutchawe nematambudziko, asi shingirirai; Inini ndakunda nyika".