¹ Leti titukulwane ta Esawu (lebetibitwa nga Edom). ² Esawu watsatsa bafati bakhe kuma khenani. Laba bekufati bakhe; Ada indvodzakati ya-Eloni umuHethi; Oholibama indvodzakati yaAnah, umtukulu waSibeyoni umHivi; ³ naBhasemati, indvodzakati ya-ishmayeli, sisi waNebaioth. ⁴ Ada watala Elifazi kuEsawu, naBhasemathi watala Reuel. ⁵ Oholibama watala Jewushe, Jalamu, naKora. Laba bekumadvodzana aEsawu labatalelwa yena endzaweni yase Khenani. ⁶ Esawu watsatsa bafati bakhe, nemadvodzana akhe, nemadvodzakati akhe, nawo onkhe emalunga endlu yakhe, imfuyo yakhe, kanye nako konkhe labenako, labekakutsetse eveni lasekhenani, wase uyahamba uya eveni lalikhashane kumnakaboJakobe. ⁷ Wakwenta loko ngobe impahla yayinyenti kutsi bangahlala ndzawonye. Lendzawo bebahlala kuyo ayibangalungelanga kahle ngenca yemfuyo yabo. ⁸ Ngako Esawu, lowatiwa ngaEdomu, wahlala etintsabeni taseveni laseSeriyi. ⁹ Lesi situkulwane saEsawu, lidloti leseEdomu entsabeni yelive lase Seyiri. ¹⁰ Lawa ngemabito emadvodzana a-Esawu; Elifazi indvodzana yaAda, umfati wa-Esawu; Rehuweli indvodzana yaBhasemathi, umfati waEsawu. ¹¹ Emandvodzana aElifazi bekungu Themani, Omari, Sefo, Gatamu, naKhenazi. ¹² Thimna, umfati waElifazi, indvodzana yaEsawu, watala Amaleki. Laba bekubatukulu baAda, liphovela waEsawu. ¹³ Lawa bekungemadvodzana aRehuweli; Nahathi, Zera, Shama, naMiza. Laba bekungebatukulu baBhasemathi, umfati waEsawu. ¹⁴ Lawa bekungemadvodzana a-Oholibama, umfati waEsawu labekuyindvodzakati ya-Ana nemtukulu waSibeyoni. Watala Esawu kuJewushe, Jalamu, naKora. ¹⁵ Bekune bekunelusendvo emkhatsini wentalolwano yaEsawu; Lesitukulwane saElifazi, litubulo laEsawu; Themna, Omari, saSefo, Khenazi, ¹⁶ Kora, Gatamu, na-Amaleki. Ngito titukulwane letadzabuka kuElifazi eveni laseEdom. Bekubatukulu ba-Ada. ¹⁷ Lesi bekulisendvo laRehuweli, indvodzana yaEsawu; Nahathi, Sera, Shama, Miza. Leli bekulusendvo lesidzabuka eRehuweli eveni lase Edom. Bekubatukulu baBhasemathi, umfati wa-Esawu. ¹⁸ Bekusitukulwane saOholibama, umfati wa-Esawu; Jewushe, Jalamu, Korah. Leli lusendvo lelidzabuka kuEsawu, umfati wa-Oholibama, umtukulu wa-Ana. ¹⁹ Lawa bekungemadvodzana a-Esawu (labewatiwa ngekutsi ngu-Edom), bekutikhulu tabo. ²⁰ Lawa ngemadvodzana aSeyiri umHori takhamiti takulelo live; Lotani, Shobali, naSibeyoni, Ana, ²¹ Dishoni, Ezer, naDishani. Leli bekulisendvo laHori lelidzabuka kuSeri eveni laseEdom. ²² Emadvodzana aLotani bekungu Hori naHemani naThimna ndzadzewaboLotani. ²³ Emadvodzana aShobali; Alvani, Manahati, Ebali, Shefo, na-Onamu. ²⁴ Emadvodzana aSibeyoni; Aya na-Ana. Lona nguAna lowatfola siyalu lesishisako enhlane, asaluse timbongolo tababe wakhe Sibayoni. ²⁵ Laba bantfwana ba-Ana; Dishoni naOholibama ,indvodzakati ya-Ana. ²⁶ Lawa madvodzana aDishoni; Hemdani, Eshbani, Ithran, naKeran. ²⁷ Lawa kwakumadvodzana aEzer; Bilhani, Zavani, na-Akhani. ²⁸ Lawa kwakumadvodzana aDishani; Uz na Arani. ²⁹ Leli lusendvo laHori; Lotani,shabali, Sibeyoni, na-Ana, ³⁰ Dishoni, Eseri, Dishani; Leli kwakulusendvo laHori, ngekweluhla kwalelusendvo lolusendzaweni laseSeriyi. ³¹ Lawa kwakungemakhosi labusa eveni lase-Edom ngaphambi kwekubusa kweNkhosi kumadvodzana aka-Israel; ³² Bela indvodzana yaBheyori, yabusa eEdom , nalelidolobha lalibitwa ngekutsi yiDinihabha. ³³ Uma Bela afa, wase Jobabi indvodzana yaZera wase Bhozra, wabusa edzaweni yakhe. ³⁴ Uma Jobabi afa, Hushamu labekaseveni lase Themani, wabusa endzaweni yakhe. ³⁵ Watsi Hushamu nakafa, Hadadi indvodzana ya-Bedadi lowehlula emaMadiyani eveni laka Mowabi, wabusa endzaweni yakhe. Libito lalelodobha kwakuyi-Avithi. ³⁶ Watsi Hadad nasekafile, Samla wase Masreka ubusa endzaweni yakhe. ³⁷ Watsi Semla sekafile, wase Shawula wase Rehoboth ngasemfuleni ubusa endzaweni yakhe. ³⁸ Watsi Shaul nasekafile, wase Bhali-Hanani indvodzana ya-Akbori ubusa endzawei yakhe. ³⁹ Watsi Bhali-Hanani indvodzana ya-Akbor, nakafa, wase Hadar ubusa endzaweni yakhe. Libito lelidolobha lakhe bekuyi Phawu. Umfati wakhe libito lakhe bekungu Mehethabeli, indvodzakati ya-Matredi, umntukulu wa- Me Zahabe. ⁴⁰ Lawa bekungemabito etinhloko temindeni yelusendvo ya-Esau, ngekwemindeni, netigodzi, ngekwemabito abo; Thimna, Alva, Jethethi, ⁴¹ Oholibama, Elah, Pin, ⁴² Khenazi, Themani, Mibsari, ⁴³ Magdiyeli na-Iram. Leti bekutinhloko telisendvo-yase Edom, ngekwekuhlala kwabo endzaweni lebebayitsetse. Lona bekungu Esawu, babe wema-Edom.