¹ Ngesikhatsi Abrama aneminyaka lengemashumi layimfica nemfica budzala, Simakadze wavela ku Abrama watsi kuye, ''NginguNkulunkulu Somandla. Hamba ngentsandvo yami, uphindze ube msulwa. ² Ngitobese ngiyaciniseka ngesivumelwane emkhatsini wami nawe, ngitokwandzisa situkulwane sakho ngalokwecile.'' ³ Abrama wakhotsamisa buso bakhe emhlabatsini Nkulunkulu wakhuluma naye,atsi, ⁴ '''Lengitokwentela kona, lalela, sivumelwano sami sinawe. Utoba nguyise wetive letinyenti. ⁵ Ngeke usaba ngu Abrama, kodvwa libito lakho sekutoba ngu Abrahama- ngoba ngikubeka kutsi ube nguyise wetive letinyenti. ⁶ Ngitokwandzisa situkulwane sakho ngalokwecile, ngitokwakha tive ngawe, emakhosi atochamuka esitukulwaneni sakho. ⁷ Ngitomisa sivumelwano emkhatsi wami nawe nesitukulwane sakho emvakwakho, kusuka esitukulwaneni kuya esitukulwaneni sivumelwano sanguna phakadze, kuba nguNkulunkulu kuwe nasetitukulwaneni emvakwakho. ⁸ Ngitokuniketa wena, nesitukulwane sakho emvakwakho, lelive lohlala kulo, lonkhe live laseCanaan, njenge lifa lakho, phindze ngibe mnguNkulunkulu wabo.'' ⁹ Nkulunkulu wabese utsi ku Abrahama, ''Wena, ubogcina sivumelwano sami, wena netitukulwane takho emvakwakho kusuka esitukulwaneni kuya esitukulwaneni. ¹⁰ Lesi sivumelwano sami, lokufanele usigcine, emkhatsini wami nawe netitukulwane takho emvakwakho; Wonkhe lomdvuna nenihlala nabo abasokwe. ¹¹ Nisoke umphambili, loku kutoba luphawu lwesivumelwano emkhatsini wami nawe. ¹² Wonkhe lomdvuna lenihlala naye lonemalanga lasiphohlongo atelwe akasoke, kuto tonkhe titukulwane takho. loku kufaka ekhatsi wonkhe umfana lotelwe kakho naloyo lowatsengwa ngemali esihambini longasiyo incenye yetitukulwane takho. ¹³ Loyo lotelwe nguwe naloyo lotsengwe ngemali yakho akasokwe. Ngaleyondlela sivumelwano sami sitoba semitimbeni yenu njenge sivumelwano lesingagcini. ¹⁴ Nobe ngubani lomdvuna longakasoki umphambili wakhe utocoshwa. Usephulile siivumelwano.'' ¹⁵ Nkulunkulu watsi, ''Sarayi umkakho, ungasambiti ngaSarayi. Esikhundleni salo, libito lakhe kutoba nguSara. ¹⁶ Ngitombusisa, ngitomnika indvodzana letalwa nguye. Ngitakumbusisa, futsi abe nginina wetive letinyenti. Emakhosi ebantfu ayawuvela kuye.'' ¹⁷ Abrahama wabhekisa buso bakhe phasi emhlabatsini, wahleka, futsi watsi ngekhatsi enhlitiyweni yakhe, ''Kukhona yini umntfwana longatalwa yindvodza leneminyaka lelikhulu budzala? Sara, loneminyaka lengemashumi layimfica, atale indvodzana?'' ¹⁸ Abrahama watsi kuNkulunkulu, ''Mhlawumbe Ishmael angaphila entsandwveni yakho!'' ¹⁹ Nkulunkulu watsi, ''Cha, kodvwa Sara umkakho utokutalela indvodzana, futsi utakumetsa libito utsi ngu Isaac. Ngitomisa sivumelwano naye saphakadze lesichubekela etitukulwaneni takhe emva kwakhe. ²⁰ Mayelana na Ishimael, ngikuvile. Lalela, sengimbusisile futsi ototala ngimandzise ngalokunyenti. Utoba ngubabe wetikhulu letilishumi nakubili, futsi ngitomenta abe sive lesikhulu. ²¹ Kepha sivumelwano sami lengitosimisa na Isaac, latakutalela yena Sara ngalesikhatsi lesi emnyakeni lotako.'' ²² Ngesikhatsi sekacedzile kukhuluma naye, Nkulunkulu wenyuka wamshiya Abraham. ²³ Wabese Abrahama utsatsa Ishmael indvodzana yakhe, nabo bonkhe labo lebebatelwe kakhe, nabo bonkhe labo bebatsengwe ngemali yakhe, wonkhe lomdvuna emadvodzeni aka Abrahama, wabasoka umphambili ngalelo langa, njengoba Nkulunkulu abemtjelile. ²⁴ Abrahama bekaneminyaka lengemashumi layimfica nemfica budzala nakasoka umphambili wakhe. ²⁵ Ishmael indvodzana yakhe beyineminyaka lelishumi nakutsatfu budzala nakasoka umphambili wakhe. ²⁶ Ngalelo langa bobabili bo Abrahama nendvodzana yakhe Ishmael basokwa. ²⁷ Onkhe emadvodza akakhe asokwa naye, lokufaka ekhatsi labo labatelwe kakhe nalabo labatsengwe ngemali esihambini.