¹ Ekucaleni, Nkulunkulu wadala emazulu nemhlaba. ² Umhlaba wawungenalutfo. Bumnyama bebungetulu kwemanti. Umoya waNkulunkulu wawuhamba ngekutulu kwemanti. ³ Nkulunkulu watsi akube nekukhanya kwavele kwaba nekukhanya. ⁴ Nkulunkulu wabona lokukhanya, kutsi kwakukahle. Wehlukanisa kukhanya ebunyameni. ⁵ Nkulunkulu wetsa kukhanya ''lilanga'' waphindze wetsa bumnyama ''busuku.'' Lokutsi kwaba yintsambama nekusa, lilanga lekucala. ⁶ Nkulunkulu watsi, ''Akube nekuhlukana emkhatsini walamanti, kwehlukanise emanti emantini.'' ⁷ Nkulunkulu wakha umkhatsi futsi wahlukanisa lamanti labekangephasi kwalomkhatsi ngephasi kwemkhatsi kusukela kulamanti labekangetulu kwalomkhatsi. Kwaba njalo. ⁸ Nkulunkulu wetsa lomkhatsi ''sibhakabhaka.'' Loku kwaba yintsamba nekusa, lilanga lesibili. ⁹ Nkulunkulu watsi, Emanti langephasi kwesibhakabhaka akabutsane ndzawonye, futsi kuvele indzawo leyomile.'' Kwaba njalo. ¹⁰ Nkulunkulu wetsa indzawo leyomile ''ngumhlaba'' nemanti labutsene ndzawonye ''lwandle.'' Wakubona kutsi bekukahle. ¹¹ Nkulunkulu watsi, ''Umhlaba awuhlume imvelo; titfombo letihluma tinhlanyelo futsi netihlahla tetitselo letitsela titselo inhlanyelo yayo leku lesitselo, ngayinye ngayinye ifane neluhlobo lwesihlahla lephume kuso.'' Bekunjalo. ¹² Umhlaba wakhichita imvelo, titfombo tikhichita inhlanyelo lenjengayo, futsi tihlahla letikhichita titselo inhlanyelo yato beyingekhatsi kuyo, lefana nesihlahla sayo. Nkulunkulu wakubona loku kukahle. ¹³ Loku bekuyintsambama nekusa, lilanga lesitsatfu. ¹⁴ Nkulunkulu watsi; '' Akube nekukhanya esibhakabhakeni kuhlukanisa lilanga nebususku futsi bente babe tibonakaliso, ngetikhatsi, emalanga neminyaka. ¹⁵ Bente babe kukhanya esibhakabhakeni kunika kukhanya ngetulu kwemhlaba.'' Kwaba njalo. ¹⁶ Nkulunkulu wenta kukhanya lokubili lokukhulu, kukhanya lokhulu kubusa lilanga, futsi imisebe yekukhanya kutobusa bususku. Wenta tinkhanyeti futsi. ¹⁷ Nkulunkulu watibeka esibhakabhakeni kunika kukhanya tukwe emhlabeni, ¹⁸ kutobusa imini nebususku, futsi yehlukanise kukhanya ebumnyameni. Nkulunkulu wakubona kukahle loku, ¹⁹ Lena bekuyintsambama nekusa ngelilanga lesitsatfu. ²⁰ Nkulunkulu watsi, ''Emanti akagcwaliswe ngetinombolo letinkhulu tetilwane letiphilako, netinyoni atindize ngetulu kwemhlaba emkhatsini wesibhakabhaka.'' ²¹ Nkulunkulu wadala tilwane taselwandle letinkhulu, kanye nayoyonkhe indalo lephila ngemva kwendalo yayo lehambako futsi legcwalisa emanti kuyoyonkhe indzawo, nayoyonkhe inyoni lenemaphiko ngemva kwendalo yayo. Nkulunkulu wakubona loku kukahle. ²² Nkulunkulu wababusisa, atsi, '' Talanani nandze, nigcwalise emanti elwandle. Tinyoni atandze emhlabeni. '' ²³ Lena bekuyintsambama nekusa, ngelilanga lesitsatfu. ²⁴ Nkulunkulu watsi, ''Umhlaba awukhichite tindalo letiphilako, ngayinye ngayinye ngeluhlwa lwayo, imfuyo, tintfo letinyonyobako, futsi netilwane tasendle temhlaba, ngeluhlwa lwendalo yayo.'' Kwaba njalo. ²⁵ Nkulunkulu wenta tilwane tasendle ngemva kwendalo yayo yemhlaba, imfuyo ngemva kwendalo yayo, futsi yonkhe intfo lenyonyoba ngetulu kwemhlaba ngemuva kwendalo yayo. Wakubona loko kukahle. ²⁶ Nkulunkulu watsi, '' Asente umuntfu abe njengemfanakiso wetfu, ngekutsandza kwetfu. Asibe nemagunya tukwe tihlanti taselwandle, tukwe tinyoni tesibhakabhaka, ngetulu kwemfuyo, ngetulu kwemhlaba wonkhe, futsi ngetulu kwako konkhe lokunyonyobako emhlabeni. ²⁷ Nkulunkulu wadala umuntfu ngemfanekiso wakhe wamdala. Lomdvuna nalomsikati wabadala. ²⁸ Nkulunkulu wababusisa watsi kibo, ''Talanani, futsi nandze. Gcwalisani umhlaba, futsi niwuphatse. Busani tinhlanti telwandle, tinyoni tesibhakabhaka, nakukonkhe lokuhamba etikwemhlabatsi.'' ²⁹ Nkulunkulu watsi, ''Buka, ngikunikete tonkhe titfombo letitsela tinhlanyelo letisemhlabeni wonkhe, nasososnkhe sihlahla lesitsela sitselo lesinenhlanyelo ekhatsi. Titoba kudla kuwe. ³⁰ Kuto tonkhe tilwane temhlaba, kuto tonkhe tinyoni telizulu, nakuko konkhe lokuhamba emhlabeni, nakuto tonkhe tidalwa letinemphefumulu lophilako nginike tonkhe tilimo letiluhlata kutsi tidliwe.'' Kwaba njalo. ³¹ Nkulunkulu wabana konkhe labekudalile. Ecinisweni, kwakukuhle kakhulu. Kwaba busuku nekuseni, elangeni lesitsatfu.