¹ Besekuyinyanga yesikhombisa ngaphambi kwekutsi labantfu baka Israyeli babuya emadolobheni abo, uma bahlangana kanyekanye njenge muntfu munye eJerusalema. ² Jeshua indvodzana ya Jozadak kanye nebanakabo bapristi, kanye na Zerubbabel indvodzana ya Shealtiel, kanye nebanakabo bavuka bakha i althera ya Nkulunkulu batonikela umnikelo loshile njengoba kubhaliwe emtsetfweni wa Mosi indvodza yaNkulunkulu. ³ Babese bakha leli althera endzaweni yalo, kwesaba bekukubo ngenca yalabantfu bakulomhlaba. Banikela umhlatjelo loshile ku Simakadze ekuseni nantsambama. ⁴ Baphindze bagubha lusuku lwebahlali njengoba kubhaliwe futsi banikela umnikelo loshile ngelilanga ngelilanga ngekusho kwembhalo, imisebenti yelelolanga ngalelolanga. ⁵ Ngalokunjalo, bekuneminikelo leshisiwe yemalanga onkhe kanye newenyanga futsi umnikelo yakokonkhe iminikelo yaSimakadze, kanye nayoyonkhe iminikelo yesihle. ⁶ Bacala kunikela umnikelo loshile kuSimakadze ngelilanga lekucala lenyanga yesikhombisa, noma ngabe lelithempeli belingaka tfolakali. ⁷ Manje banika lisiliva kubasebenti bematje kanye nemadvodza emsebenti wetandla, futsi banika kudla, sinatfo, kanye nemafutsa kulabantfu base Sidon neTyre, kute batoletsa sihlahla semsidari ngaselwandle kusuka e Lebanon kuya e Joppa, njenge kusho kwa Cyrus inkhosi yase Pherisiya. ⁸ Manje kulokuta kwesibili kwenyanga ngemnyaka wesibili ngaphambi kwekuta endlini yaNkulunkulu eJerusalema, Zerubbabel indvodzana ya Shealtiel, Jeshua indvodzana ya Jozadak, kanye nalalabanye ba Pristi, baLevi, nalabo lababuya ekutfunjweni eJerusalema bacala kusebenta. Batfuma ba Levi labaneminyaka lengemashumi lamabili nalabadzala kutsi babuke umsebenti wendlu ya Simakadze. ⁹ Jeshua nemadvodzana akhe nabomnakabo, kanye na Kadmiel nemadvodzana akhe, lebebatitkuluwane ta Hodaviah), nemadvodzana a Henedad kanye nemadvodzana abo kanye nabomnakabo-bonkhe beba baLevi-bahlangene bonkhe ngekugadza labo labasebenta kulendlu ya Nkulunkulu. ¹⁰ Labakhi babeka sisekelo sendlu yaSimakdze. Loku kwavumela bapristi kutsi beme etingubeni tabo nemacilongo, futsi labaLevi, indvodzana ya Asaph, kutsi idvumise Simakadze ngebukhencekhence, njengesandla saDavide, inkhosi yaka Israyeli imutfumile. ¹¹ Bahlabela ngekudvumisa nangekubonga ku Simakadze, ''Ulungile! Sivumelwano sakhe sekutsembeka ku Israyeli siyawuma kube phakadze''. Bonkhe labantfu bakhala ngekumemeta lokukhulu kwenjabulo ngedvumiso yaSimakadze ngoba lesisekelo selithempeli sasibekiwe. ¹² Kodvwa labanengi bebaPristi, baLevi, kanye nesikhulu semindeni, labo labebabadzala futsi bebayibonile lendlu yekucala, uma lesisekelo salendlu lena sibekwa phambi kwemehlo abo, bakhala kakhulu. Kodvwa labanengi balabantfu bamemeta ngekutsakasa lokwakunenjabulo kanye nemsindvo lojabulile. ¹³ Ngaloko, bantfu bebangakhoni kuhlukanisa lemisindvo yekujabula kuloyo msindvo webantfu lebebakhala, ngoba labantfu labebakhala ngekujabula lokukhulu, nalomsindvo wevakala khashane.