¹ Daluyasi bekayindvodzana ya Ahasulasi, situtuku seMedesi. Kwakungu Ahasulasi lobekentiwe inkhosi endzaweni yema Bhabhiloni. ² Nyalo emnyakeni waDalusi wekucala wekubusa, Danyela, bekafundza incwadzi lecuketse livi la Simakadze, livi lebelite kuJeremaya umpholofethi. Nganaka kutsi kutoba neminyaka lengemashumi lasikhombisa solo kushiywa kweJerusalema kungengci. ³ Ngabhekisa emehlo ami enkhosini Simakadze, kutomufuna ngemuthantazo nangeticelo, ngekuzila, kugcoka tembatfo temasaka, nekuhlala emilotseni. ⁴ Ngathantaza ku Simakadze Nkulunkulu wami, ngabese ngivuma tolo tetfu. Ngatsi, "Ngiyacela, Nkhosi-UnguNkulunkulu lomkhulu nalomangalisako-nguwe logcina tivumelwano futsi utsembekile kutsandza labo labakutsandzako futsi bagcine nemitsetfo yakho. ⁵ Sonile futsi senta lokukabi. Sente ngenkhohlakalo saphindze sangakhuteki, sajikela imitsetfo nemigomo yakho. ⁶ Asikatilaleli tisebenti takho bapholofethi labebakhuluma egameni lakho emakhosini etfu, baholi betfu, bokhokhomkhulu, nakubobonkhe bantfu balomhlaba. ⁷ Kuwe, Nkhosi, kunebungcwele. Kitsi lamuhla, kepha ke, kuneluhlazo ebusweni bami-ngoba bantfu baseJuda nalabo baseJerusalema, naku Izrayeli wonkhe. Loku kufaka ekhatsi labo labasedvute nalabo labakhashane emhlabeni wonkhe lapho wabasakatela khona. Loku kungenca yalokukujikela lesikwentile kuwe. ⁸ Kitsi, Simakadze, kunekuhlazeka ebusweni betfu-emakhosini etfu, kubaholi betfu, nakubokhokhomkhulu betfu-ngoba sonile kuwe. ⁹ Enkhosini Nkulunkulu kuneluvelo nekucolela, ngoba sike samuvukela. ¹⁰ Asikalilaleli liphimbo laSimakadze Nkulunkulu wetfu ngekuhamba emitsetfweni yakhe lasinika yona ngetisebenti takhe bapholofethi. ¹¹ Izrayeli wonkhe uyephulile imitsetfo yakho wayibeka eceleni, bala kulalela liphimbo lakho. Lesicalekiso nesifungo lokubhalwe emtsetfweni waMose, sisebenti saNkulunkulu, lesitselwe kitsi, ngoba sona kuNkulunkulu. ¹² Simakadze sowavumile lamagama lawakhuluma ngatsi nangebaholi betfu, ngekuletsa kitsi imbhubhiso lenkhulu. Ngoba ngephansi kwemazulu onkhe akukase kwewntiwe lutfo lolungalinganiswa naloku lokwentelwe iJerusalema. ¹³ Njengoba kubhaliwe emtsetfweni waMose, yonkhe lembhubhiso seyifikile kitsi, kepha sisengakancengi kucolelwa kuSimakadze Nkulunkulu wetfu ngekusuka ebubini nekunaka liciniso lakho. ¹⁴ Ngako Simakadze sogcine imbhubhiso ikhona wase uyayiletsa kitsi, Ngoba Simakadze Nkulunkulu wetfu wetsembekile kutotonkhe tintfo latentako, kepha asikalilaleli liphimbo lakwe. ¹⁵ Nyalo, Inkhosi Simakadzwe wetfu, ubakhiphile bantfu bakho endzaweni yaseGibhithe ngesandla lesimatima, wase utentela ligama, ngalelilanga leli. kepha sichubekile sona; sente tintfo letikhohlakele. ¹⁶ Nkhosi ngatotonkhe tintfo takho letingwele lotentako, yenta kutfukutsela kwakho lelulaka lwakho lesuke edolobheni lakho iJerusalema, intsaba yakho lengcwele. Ngenca yetono tetfu, nangenca yekona kwabokhokhomkhulu betfu, iJerusalema nebatfu bakho sebabe yintfo yenhlekisa kubobonkhe labanatsi. ¹⁷ Nyalo, Nkulunkulu wetfu, lalela umthantazo wesisebenti sakho kanye neticelo takhe temusa; utentele wena, Nkhosi, Yenta buso bakho bukhanye endzaweni yakho lencwele lengenabantfu. ¹⁸ Nkulunkulu wami, vula tindlebe ulalele; vula emehlo akho ubone. Sesidlibilile; buka lelidolobha lelibitwa ngeligama lakho. Asiceli lusito lwakho ngenca yebungcwele betfu, kepha ngenca yemusa wakho lomkhulu. ¹⁹ Nkhosi, Lalela! Nkhosi, Colela! Nkhosi, sinake wente! wentele lidolobha lakho kanye nebantfu bakho babitwa ngeligama lakho.'' ²⁰ Ngisakhuluma-thantaza uvume tono tami kanye netono tebantfu bami baka Izrayeli, bese ngimelela ticelo tami ku Simakadze Nkulunkulu wami egameni lentsabeni lengcwele yaNkulunkulu- ²¹ ngisathantaza, lendvodza Gabrayeli, lebengimubone embonweni akucaleni, wandiza weta kimi ngematibane, ngesikhatsi semhlatjelo wasentsambama. ²² Wanginika kucondza watsi kimi, "Danyela, nyalo ngitele kutokunika kubonisisa nekucondza. ²³ Nawucala kucela umusa, leligama lakhishwa ngako sengite kutokunika imphendvulo, ngoba utsandziwe kakhulu. Ngakoke naka lelivi bese uvisisa lesambulo. ²⁴ Emashumi lasikhombisa lasikhombisa bakhetselwe bantfu bakho nelidolobha lakho kutsi bacedze lokutisola baphindze bacedze nekona, kutotilungiselela inkhohlakalo, kuletsa bungcwele baphakadze, kwenta lombono kanye nesipholofetho, nekutogcoba indzawo yakho lengcwele kakhulu. ²⁵ Yati futsi ucondze kutsi kusukela kwakhishwa leligama lekutsi kubuyiselwe phindze kwakhiwe kabusha iJerusalema ekuteni kwalogcotjiwe, (lotoba ngumholi), kutoba ne netikhombisa letisikhombisa nemashumi lasitfupha nakubili lasikhombisa. IJerusalema itowakhiwa ngetitaladi nemusele wemanti logegeletele, nomangabe kutikhatsi letimatima. ²⁶ Emvakwaletikhombisa letingemashumi lasitfupha nakubili, lologcotjiwe utobhubhiswa futsi abetelutfo. Imphi yeNkhosi letako itobhubhisa lelidolobha kanye nendzawo lengcwele. Kuphela kwayo kutofika ngesikhukhula, kutoba nemphi nasekugcineni. Dushiywa sekumemetelwe. ²⁷ Utocinisekisa sivumelwano nalabanyenti iminyaka lesikhombisa. Ekhatsi naleminyaka lesikhombisa utogcina lokwentiwa kwemihlatjelo kanye nalokunikela. Ephikweni letitico kutokuta loyo lotobhubhisa. Kubhubhisa nekubhidlita kutotselwa kuloyo lowatibeka khona."