¹ Belshazzar inkhosi wenta lidzili lelikhulu lenkulungwane entela lamadvodza lamcoka kuye, wase unatsa liwayini embikwabo bobonkhe labayinkhulungwane. ² Njengobe Belshazzar aseva liwayi, wase ubacela kutsi baletse tindzebe letakhiwe ngeligolide nome lisiliva laNebuchadnezzar uyise lalitsatsa ethempelini eJerusalem, kusukela kuye, emasekela akhe ngaye nebafati bakhe nabomasihllisane nabo banatsa. ³ Tisebenti taletsa tinkhomishi teligolinde lebetitsatfe ethempelini, endlini yaNkulunkulu, eJerusalem. Inkhosi, emasekela akhe, kanye nebafafi bakhe ngaye nabomasihlalisane banatsa kubo. ⁴ Banatsa liwayini base badvumisa tithico tabo lebetakiwe ngeligolide ngaye nelisiliva, ngelitfusi, ngensimbi ngelugodvo nganye nelitje. ⁵ Ngemzuzwana imino yesandla semuntfu savela embikwesibane sasesibhala kulelibondza lelihuciwe ngekhatsi esigondlweni senkhosi. ⁶ Inkhosi yakhona kubona incenye yalesandla sisabhala. Base buso benkhosi buyantjitja nemicabango yakhe yametfusa; imilente yakhe yehluleka kumetfwalayena, futsi nemandvolo akhe bekashayisana. ⁷ Inkhosi yamemeta umyalo kutsi baletse labo labatsi bakhuluma nalabafile, emadvodza lahlakaniphile, netangoma. Inkhosi yatsi kulabo labatiwa ngehlakanipho wabo eBabylon, ''Loyo longachaza lombhalo kanye nenchazelo yawo utawumbatsiswa ngebukwebetelani bese uba nekwekugaba kweligolide entsanyeni yakhe. Utaba sishayamutsetfo esikhundleni sesitatfu lesiphakame kulombuso.'' ⁸ Ase onkhe emadvodza enkhosi latiwa ngehlakanipho angena, kepha abakhonanga kufundza lobekubhaliwe nobe kuchaza kutsi lombhalo utsini kulenkhosi. ⁹ Ngako inkhosi Balshazzar, yakwata kakhulu nebuso bayo bantjitja. Beluleki bakhe bakatsateka. ¹⁰ Yase indlovukati igena kulendlu yesidlo ngenca yaloko inkhosi kanye nebeluleki bayo bakushito. Kepha indlovukati yatsi, '' Nkhosi, phila phakade! ungavumeli imicabango yakho ikukhatsate. Ungavumeli buso bakho buntjintje. ¹¹ Kunendvodza embusweni wakho labanemoya logcwele wabonkulunkulwana. Emalangeni ayihlo benu, kukhanya nekucondzisisa nganye nenhlakanipho njengenhlakanipho yabonkulunkulwana batfolakala kuye. Inkhosi Nebuchadnezzar, uyihlo, inkhosi, yamenta sikhulu sebemulingo, njengobe natsi sitikhulu talabo labakhuluma nalabafile,lamadvodza labehlakaniphile, ngaye netangoma. ¹² Umoya lomuhle, lwati, kucodza, kuhhushwa kwemaphupho, kuchaza lokungakacondzi nekucatulula tinkinga - tonkhe letitfo tatfolakala kulendvodza lenguDaniel, lena inkhosi yametsa Belteshazzar. Nyalo bitani Daniel futsi utanitjela inchazelo yaloku lokubhaliwe. ¹³ Ngako Daniel waletfwa emmbikwenkhosi. Inkhosi yatsi kuye, ''Ungulo Daniel , ungulomunye webantfu lababuya kaJudah, labo babe wami inkhosi labakhipha kaJudah. ¹⁴ Mine ngivile ngawe, kutsi lomoya walabonkulunkulwane bakuwe, futsi kukhanya nekucodza nenhlakanipho lecondzile itfolakala kuwe. ¹⁵ Kulomzuzu emadvodza lanemhlakanipho nalabo labatitjela kutsi bayakwti kukhuluma nalabafile balatfa emmbikwami betewufundza lombhalo bente kutsi mine ngicodze kutsi itsini, kepha abangentanga mine kutsi ngati kutsi itsini. Mine ngivile kutsi unganginika inchazelo bese ucatulula letinkinga ¹⁶ Nyalo nawutakhona kufundza lokubhaliwe bese ungitjela lokutsi kusho kutsini, utawugcokiswa lokuliphuti nekwekugaba kweligolide ifaswe entsanyeni yakhe, Utawuba nemagunya esihlelwweni sesitsatfu kulomboso. ¹⁷ Ngako Daniel waphendvwula embikwenkhosi, '' Tipho takho tigcine ngakuwe, futsi uhlomelo wunikeni lomunye umuntfu. Kodvwa ke, mine ngitakufudzela lombhalo, nkhosi, ngitawubese ngikutjela lechazelo. ¹⁸ Ngenca yakho, nkhosi ,Nkulunkulu lophakeme waniketa Nebuchadnezzar uyihlo lombuso, bukhulu, kuhlonipheka, nebukhosi. ¹⁹ Ngenca yebukhulu baNkulunkulu lamnika bona, bonkhe bantfu, tive netilwimi tatfutfumela futsi tamesaba. Abebulala labo labekafuna kutsi bafe, kepha yena bekabagcina labo lafisa kutsi baphile. Wavusa labo lebekabafuna, futsi atfobele labo labafiselako. ²⁰ Kepha ngesikhatsi inhlitiyo yakhe ilukhuni nemoya wakhe ulukhuni ngako yena bekenta lokuphambene, yena wase uyehliswa kulesihla sakhe sebuhkosi, base batsatsa bukhosi bakhe. ²¹ Yena wase uyasuswa kubantfu, yena wase uba nengcodvwo yebulwane, yena wase uhlala netimbongolo tasendle. Yena wase udla tjani njenge tinkhomo. Umtimba wakhe bewumanti unematolo lavela emazulwimi waze wafundza kutsi Nkulunkulu lophakeme ubusa etukwemibuso yebantfu futsi ubeka etukwabo kunomanga ngangubani lofisako. ²² Wena ndvodzana yakhe, Belshazzar, awukase uyitfobise inhlitiyo yakho, nome ukwati konkhe loku. ²³ Wena utiphakamise waba ngetulu kwenkhosi yasezulwini. Kulendlu yakhe bakuletsele tidzebe kutsi wena, emasekela akho, bafati bakho nabomasihlalisane bakho banatsa liwani kuyo, futsi ukhonta tithico letakhiwe ngelisiliva neligolide, litfusi, insimbi,sigodzwo, ngaye nematje - tithico letingaboni, ativa,futsi atati lutfo. Wena awukase umhloniphe Nkulunkulu lophetse umphefumulo wakho ngetandla takhe futsi lowati tonkhe tindlela takho. ²⁴ Ngako Nkulunkulu watfumela sandla sakhe kusuka ebukoneni bakhe nekubhala kwenteka. ²⁵ Lona ngumbhalo lowabhalwa: 'Mene, Mene, Tekel, nePharsin.' Leti tichazelo tawo: ²⁶ 'Mene,' Nkulunkulu sewubalile umbuso wakho wase uwuletsa emaphetselweni. ²⁷ 'Tekel' sewunkaliwe wabekwa esinkali wawutfola ushoda.' ²⁸ Peres,' umbuso wakho uhlukanisiwe wase unikwa emaMedes ngaye nemaPersians.''' ²⁹ Ngako Belshazzar wakhokha umtsetfo, base bagcokisa Daniel ngetiphahla letibukwebeleti. Wase umgabisa kwekugaba lobekwakhiwe ngeligolile entsanyeni yakhe, Inkhosi yakufakazela ngaye kutsi yena sewutaba nemagunya ekubusa sikhudla sesitsatfu kulombuso. ³⁰ Ngalobo busuku Belshazzar, inkhosi yaseBabylon, yabulawa, ³¹ ngako Darius lokuMede wase sewemukela lombuso abeseneminyaka lengemashumi lasitfupha nakubili budzala.