¹ Inkhosi Nephukhednezari yenta sithico segolide lebesingemashumi nesitfupha budze futsi singemashumi nesitfupha bubanti. Wasibeka endzaweni lengenasici yase Bhabhiloni. ² Bese Nephukhednezari watfumela imilayeto kuhlanganisa kanye kanye letisebenti tebabusi, netigodzi tebabusi, futsi bantfu bendzawo bebabusi, kanye nebeluleki, bemicebo, nebehluleli, betinkantolo, futsi nabo bonkhe labaphakeme baletindzawo kutsi bete kulomnikelo wesithico labesibekile. ³ Bese tisebenti tebabusi, babusi betigodzi, futsi nebabusi bendzawo, kanye kanye nebeluleki, bemicebo, behluleli, netikantolo, futsi nabo bonkhe labaphakeme baletindzawo bahlangene kanye kanye kulokunikelwa kwalesithico Nephukhednezari lasibekile. Bema phambi kwaso. ⁴ Bese sitfunywa senkhosi samemeta kakhulu, ''Niyayalwa, bantfu, tive, futsi netilwimi, ⁵ kutsi ngesikhatsi niva umsindvo wetimphondvo, tinfiloji, nekwezitha, nekwelire,nemahampi, futsi nemaphayiphi, futsi nalo lonkhe luhlobo lwetingoma, kumele niwephansi futsi nidvumise sithico segolide le Inkhosi Nephukhednezari lasibekile. ⁶ Nomangangubani longawi phansi futsi akhonte, ngaleso sikhatsi, uyawulahlwa esithandweni semulilo wemalangabi.'' ⁷ Ngako uma bonkhe labantfu beva lemisindvo yetimphondvo, tinfiloji, nekwezitha, nemalireri, nemahampi, futsi nemaphayiphi, futsi nato tonkhe tinhlobo tetingoma, bonkhe bantfu, netive, futsi netilwimi tawa phansi futsi tadvumisa sithico segolide le Nephukhednezari Inkhosi lasibeka. ⁸ Nyalo ngalesikhatsi emaKhaledeni efika futsi baletsa tinsolo phambi kwema Juda. ⁹ Batsi ku Nephukhednezari Inkhosi, ''phila kuze kube phakadze! ¹⁰ Wena, Nkhosi, wente umtsetfo kutsi nomangangubani lova umsindvo wetiphondvo, tinfiloji, nekwezitha, nekwelire, nemahampi, futsi nemaphayiphi, futsi nalolonkhe luhlobo lwetingoma, kumele tiwephansi futsi tidvumise sithico segolide. ¹¹ Nomangubani longawiphansi futsi advumise kumele alahlwe esithandwni semlilo wemalangabi. ¹² Nyalo kunemaJuda wena lowabekile etukwetindzawo taseBhabhiloni; emagama abo bo Shedrakhi, Meshakhi, futsi Abhed'nikho. Lawa madvodza, akakunaki. Angeke bakhonte bonkulunkulu bakho nobe badvumise sithico segolide losibekile.'' ¹³ Bese Nephukhednezari, agcwele kukwata ne ntfukutselo, wayala Shedrakhi, Meshakhi, na Abhednikho baletfwe kuye. Ngako baletsa lawa madvodza phambi kweNkhosi. ¹⁴ Nephukhednezari watsi kubo,'' Senicabangisisile yini kahle etingcodvweni tenu, Shedrakhi, Meshakhi, na Abhednikho, kutsi angeke nikhonte tithico tami nobe nibhadale inhlawulo kulesithico segolide lengisibekile? ¹⁵ Nyalo nangabe ulungele-kuva umsindvo wetimphondvo, tifiloji, nekwezitha, nelire, nemahampi, futsi nemaphayiphi, futsi nalolonkhe luhlobo lwetingoma-kutsi niwe phansi nikhonte sithico lengisentile, konkhe kutawuhamba kahle. Kepha naningangidvumisi, utawusheshwe ujikwe emlilweni wemalangabi. Ngubani lonkulunkulu lokhona kukusindzisa esandleni sami?'' ¹⁶ Shedrakhi, Meshakhi, futsi na Abhednikho waphendvula Inkhosi, ''Nephukhednezari, asidzingi kukuphendvula kulenandzaba. ¹⁷ Umangabe kunemphendvulo, kutsi Nkulunkulu wetfu lesimkhontako utawukhona kusiphephisa kulonamlilo wemalangabi, futsi utawusisindzia esandleni, sakho Nkhosi. ¹⁸ Kodvwa nangabe akwenteki, akwatiwe kuwe, Nkhosi, kutsi angeke sikhonte bonkulunkulu bakho, futsi angeke sidvumise sithico segolide losibekile.'' ¹⁹ Bese Nephukhednezari wagcwaliswa ngentfukutselo; lokubuka ebusweni bakhe kwashintja ku Shedrakhi, Meshakhi, Abhednikho. Wabayala watsi lelingabi kumele libaswe lishise emahlandla lasikhombisa kakhulu lobekushisa kona. ²⁰ Bese wayala labanye emadvodza lanemandla kakhulu kulelibutfo lakhe kukhunga Shedrakhi, Meshakhi, futsi na Abhednikho futsi bajikwe esithandweni semlilo wemalangabi. ²¹ Bebaboshwe solo bagcoke tingubo tabo, tembatfo futsi naletinye timphahla, futsi bajikwa esithandweni semlilo wemalangabi. ²² Ngobe umyalo weNkhosi wawulandzelwa ngekucophelela futsi lomlilo wawushisa kakhulu, emalangabi abulala lamadvodza latsatsa Shedrakhi, Meshakhi, Abhedniko. ²³ Lamadvodza lamatsatfu, Shedrakhi, Meshakhi, futsi na Abhednikho, bawela esthandweni semlilo ngesikhatsi bakhungiwe. ²⁴ Bese Inkhosi Nephukhednezari yamangala futsi yasukuma ngekushesha. Wabuta beluleki bakhe, ''Asikajikijeli yini emadvodza lamatsatfu labekhungiwe emlilweni?'' Baphendvula eNkhosini, ''kunjalo, Nkhosi.'' ²⁵ Watsi,'' Kepha ngibona emadvodza lamane langakakhungwa ahamba emlilweni, futsi akakalimali. Lolomunye wesine uyakhatimula njengendvodzana yabonkulunkulu.'' ²⁶ Bese Nephukhednezari weta dvute nesivalo semlilo wemalangabi wamemeta, ''Shedrakhi, Meshakhi, na Abhednikho, tisebenti taNkulunkulu lophakeme, phumani, nite lana!'' Bese Shedrakhi, Meshakhi, na Abhednikho baphuma emlilweni. ²⁷ Beluleki betindzawo, beluleki betigodzi, nalabanye beluleki, futsi nalabanye beluleki beNkhosi labebahlangene kanyekanye bawabona lawamadvodza. Lomlilo akayilimatanga imitimba yabo; lunwele etinhloko tabo aluhashukanga; tingubo tabo atilimalanga; futsi kwakute liphunga lemlilo kubo. ²⁸ Nephukhednezari watsi,'' Asidvumiseni Nkulunkulu wabo Shedrakhi, Meshakhi, futsi na Abhednikho, lowatfumela sitfunywa sakhe wasindzisa sisebenti sakhe lesetsembela kuye, futsi babeka eceleni umtsetfo weNkhosi, futsi banikela imitimba yabo ekubeni kutsi bakhonte nobe badvumise nomangangumuphi nkulunkulu ngaphandle kwaNkulunkulu wabo. ²⁹ Ngakoke ngashaya umtsetfo kutsi nomangangubani umuntfu, sive, nobe lulwimi lelikhuluma nomangayini lephambene naNkulunkulu waShedrakhi, Meshakhi, na Abhednikho kumele adzabulwe ekhatsi. futsi tindlu tabo kumele tentiwe tindvundvuma tetibi ngobe kute lomunye nkulunkulu lokhona kusindzisa kanjena.'' ³⁰ Bese Inkhosi yanika sikhunda Shedrakhi, Meshakhi, na Abhednikho endzaweni yase Bhabhiloni.