¹ Ngalesosikhatsi Mikhayeli, inkhosana lenkhulu legadza batfu bakho, itophakama. Kutawubanesikhatsi senkinga lengatange seyibekhona kusukela ekucaleni kwanoma ngusiphi sive kute kube nguleso sikhatsi. Ngaleso sikhatsi bantfu bakho batawusindziswa, wonkhe libito lakhe lelitotfolakala libhalwe kulencwadzi. ² Labanengi balabo labalala elutfulini lwemhlaba batawukuya etulu, labanye ekuphileni lengunaphakadze nalabanye ehlazweni nekudzelela kwaphakadze. ³ Labo labahlakaniphile bayokhatimula njengekukhanya kwesibhakabhaka ngetulu, labo labagucule linyenti ekulungeni banjengetinkanyeti phakadze naphakadze. ⁴ Kodwa wena, Danyela, vala lawamaga; gcina lencwadzi ivaliwe kute kubesikhatsi sekugcina. Labaningi batogijima lana nalena, nelwati lutokwandza." ⁵ Bese mine, Danyela, ngabuka, futsi bekunalabanye lababili bemile. Munye bekeme elutsentseni kulelihlangotsi lemfula, nalomunye eme elutsentseni kulelinye lihlangotsi lemfula. ⁶ Lomunye wabo watsi kulendvodza legcoke ilineni, lona bekangenhla kulomfula, "Kutawuba sikhatsi lesinganani ekupheleni kwalemicimbi lemangalisako. ⁷ Ngeva lendvodza legcoke ilineni, lebeyingenhla kulomfula - waphakamisa sandla sakhe sesekudla nesandla sakhe sesencele kuyezulwini wafunga ngalophila phakadze kutsi kutawuba kwesikhatsi, tikhatsi, nencenye yesikhatsi. Uma emandla ebantfu labangcwele asaphukile ngalokuphelele, tonkhe letintfo titopheleliswa. ⁸ Ngeva, kodwa angicondzanga. Ngako ngabuta, "Mphatsi wami, kutawuba yini umphumela watotonkhe letintfo leti?" ⁹ Watsi, "hamba indlela yakho, Danyela, ngoba lamagama abindzile futsi avaliwe kute kubesikhatsi sekugcina. ¹⁰ Labanyenti batohloba, bahlanteke, futsi bacosakaliswe, kodwa labakhohlakele batowenta kukhohlakala. Kute labakhohlakele labatokucodza, kodvwa labo labahlakaniphile batawucodza. ¹¹ Kusukela kulesikhatsi sekushiswa kwemnikelo ngalokutayelekile kutsatfwa nalomhlolo lobanga kulahlwa lokuphelele kubekiwe, kutawuba ngemala langu 1,290. ¹² Ubusisiwe loyo lolindza kute kubelilanga lemalanga langu 1,335. ¹³ Kufaneka uhambe ngendlela yakho kute kubesekugcineni, futsi utawuphumula. Utokhuphukela endzaweni lohlelelwe yona , ekugcineni kwemalanga.