¹ Wase Davide utsi, ''Nako lokuyoba khona indlu yaSimakadze uNkulunkulu, kanye neli alithari lemnikelo wekushiswa wakaIsraeli.'' ² Wase Davide uyaleta tisebenti takhe kubutsanisa bonkhe bekuhamba labe bahlala eveni lakaIsraeli. Waba nika umsebeti weba bacoti bematje, kucota titini tematje, kuze kutsi bakhe indlu yaNkulunkulu. ³ Davide wanikela ngelinani lelikhulu lensimbi yekwakha tipikili tetivalo tekuya emagedeni ekungena, nako konkhe kwekuhlanganisa emagede.Waphindze wanikela ngencumbi yelithusi lebe lingabaleki, ⁴ nencumbi yetihlahla temsidari lebetingabaleki. (emaSidoni nemaThire aletsa tigodvo letinengi temsidari kuDavide kutibala.) ⁵ Davide watsi, indvodzana yami Solomoni iseyincale futsi isete lwati lolutsiteni, kantsi indlu yaSimakadze letowakhiwa kufanele ibe ngulekhetsekile lenhle kakhulu ibe yinkhulu, kuze itoba leludvwumo lelikhulu ikhazimule kuwo onkhe emave. Ngako ke ngitawulungisa tonkhe timfanelo tekwakha.'' Ngako Davide wenta emalungiselo lamanengi kakhulu ngaphambi afe. ⁶ Wase ubita Solomoni indvodzana yakhe wamtjela kutsi akakhe indlu yaSimakadze, Nkulunkulu wemaIsraeli. ⁷ Davide watsi kuSolomoni, ''Ndvodzana yami, bekuyinhloso yami kutsi ngakhe indlu ngekwami, ngiyakhele ligama laSimakadze Nkulunkulu wami. ⁸ Kodvwa Nkulunkulu wefika kimi watsi, 'ucitse ingati leningi phindze walwa timphi letinyenti. Angeke wakhe indlu egameni lami, ngoba ucitse ingati lenengi enhlabeni embikwami. ⁹ Ngako ke, utawuba nedvodzana letoba nekuthula. Ngitomunika kuphumula kutotonkhe titsa takhe kuyoyonkhe indzayo. Ngako libito lakhe kuyoba nguSolomoni, phindze ngimunike kuthula kaIsraeli emalangeni akhe. ¹⁰ Utowakha indlu egameni lami. Utoba yindvodzana yami, phindze ngibe nguyise wakhe. Ngitawusimisa sihlalo sebukhosi bakhe kaIsrael phakade naphakade.' ¹¹ Nyalo ke, ndvodzana yami, shangatsi Simakadze angaba nawe phindze akuphumelelise. Shangatsi ungakha lendlu yaSimakadze Nkulunkulu wakho, njenge kusho kwakhe. ¹² Shangatsi Simakadze kungaba nguye kuphela longakunika kuhlakanipha nekucondza kahle, ukuze ugcine umyalo waSimakadze Nkulunkulu wakho, nakakubeka esihlalweni sebukhosi saka Israeli. ¹³ Ngako utophumelela, uma ucaphela kugcina timiso nemitsetfo Simakadze layinike Mosi macondzana neIsraeli. Cina ube nesibindzi. Ungesabi noma uphele emandla. ¹⁴ Nyalo ke, buka, ngemandla lamakhulu ngilungisele lendlu yaSimakadze 100,000 wemathalende eligolide, sigidzi sinye semathalende elisiliva, nelithusi nensimbi ngelinani lelikhulu. Ngiphindze nginikele ngetingodvo nematje. Ubo phindze wengete kuloku. ¹⁵ Unemadvodza lamaningi lasebentako nawe: bacoti bematje, bakhi, babati betingodvo, phindze nemadvodza lamaneti lasebenta ngetandla imisebenti lehlukahlukene, ¹⁶ labangasebenta ngeligolide, ngelisiliva, nelithusi, phindze lensimbi. Vukani ucale umsebenti, phindze Simakadze abe nawe. ¹⁷ Davide wase ulayala tonkhe tiphatsi mandla takaIsraeli kutsi tisite Solomoni indvodzana yakhe, watsi, ¹⁸ Simakadze Nkulunkulu wakho unawe phindze ukunike kuthula kuyoyonkhe indzawo.Unikele bonkhe bantfu bakulesigodzi etandleni takho. Lesigodzi sincotjwiwe phambi kwaSimakadze. ¹⁹ Nyalo ke funa Simakadze uNkulunkulu wakho ngenhlitiyo yakho yonkhe nangemphefumulo wakho. Sukuma wakhe indlu lencwele yaSimakadze uNkulunkulu. Lapho ke utawuletsa umphongolo wesivumelwane saSimakadze natotonkhe tintfo taNkulunkulu endlini loyakhe egameli laSimakadze