¹ Baletsa ngekhatsi lelibhokisi laNkulunkulu balibeka emkhatsini walelithende Davide labekalilungiselele kona. Babese banikela uminikelo loshisiwe kanye nemnikelo webudlelwane kuNkulunkulu. ² Ngesikhatsi Davide acedza kunikela lomnikelo loshisiwe nemnikelo wekuhlanganyela, wababusisa labantfu ngeligama laSimakadze. ³ Wanentisa kuyo yonkhe idvodza yaka Israyeli, kubo bonkhe nemadvodza nebafati, sinkhwa lesiphelele, nelicatsa lenyama, nelikhekhe lema gelebisi lomisiwe. ⁴ Davide wabeka Umlevi lotsite atokhonta embikwe libhokisi laSimakadze, atewujabula, abonge, phindze advumise Simakadze, loNkulunkulu waka Israyeli. ⁵ Lama Levi lawa bekungu Asafu umholi, futsi wesibili kuZakhariya, Jaziyeli, Shemiramothi, Jehiyeli, Mathithiya, Eliyabe, Bhenaya, Obedi Edomu, naJehiyeli. Loba bekumele badlale ngemalire nemahabhu. Asafi bekumele adlale umsindvo wemasimbali, lokhale kakhulu. ⁶ Bhenayiya na Jahaziyeli labaphristi bekufuneka bafutse emacilongo njalonjalo, embikwa lelibhokisi lesivumelwano saNkulunkulu. ⁷ Ngalelolanga Davide wacala ngekugcoma Asafi nabomnakabo kutsi bahlabele lengoma yekubonga kuSimakadze. ⁸ Letsani kubonga kuSimakadze, bitani libito lakhe; yenta kwatiwe tento takhe etiveni. ⁹ Hlabelelani idvumiso kuye; khulumani ngayo yonkhe imisebenti yakhe lemihle. ¹⁰ Nitikhukhumete ngelibito lakhe lelingcwele; kwangatsi tinhlitiyo talabo labafuna Simakadze tingajabula. ¹¹ Funani Simakadze nemandla akhe; funani bukhona bakhe njalonjalo. ¹² Khumbula letintfo letinhle latentile, imimangaliso kanye netetsembiso letisuka emlonyeni wakhe, ¹³ nine titukulwane taka Israyeli sisebenti sakhe, nani bantfu baJakobe, labakhetsiwe. ¹⁴ UnguSimakadze, Nkulunkulu wetfu. Tetsembiso takhe tikuwo wonkhe lomhlaba. ¹⁵ Gcinani sivumelwano sakhe etingcodvweni phakadze, lelivi lalilayetela etitukulwaneni letiyinkhulungwane. ¹⁶ Wabita kukhumbula sivumelwane lasenta na Abrahamu, nesifungo ku Isaka. ¹⁷ Nguloko lokwabasiciniseko kuJakobe lokwaba ngumtsetfo, nakuma Israyeli njengesivumelwano saphakadze. ¹⁸ Watsi, ''Ngitaninika lelive lase Khenani njengencenye yelifa lenu.'' ¹⁹ Ngesikhatsi babancane ngenobholo, ngako labancane kakhulu, futsi bebatihambi kulendzawo, ²⁰ bayaluka kusukela esiveni kuya esiveni, kusukela ebukhosini bunye kuya kulobunye. ²¹ Akavumelanga umuntfu abacindzetele; wajeziza emakhosi ngenca yawo. ²² watsi, ''Ningabatsintsi labagcotjiwe bami, futsi ningabalimati baphrofethi bami.'' ²³ Hlabelelani kuSimakadze, umhlaba wonkhe; memetelani insindziso yakhe lusuku ngelusuku. ²⁴ Shanoni ikhatimulo yakhe emkhatsisini wetive, tento takhe letinhle emkhatsisini wato tonkhe letive. ²⁵ Ngoba Simakadze mkhulu phindze ufanelwe kubongwa kakhulu, futsi ufanelwe kwesatjwa ngetulu kwabonkhe labanye bonkulunkulu. ²⁶ Ngobe bonkhe bonkulunkulu betive tithico, kepha nguye Simakadze lowenta emazulu. ²⁷ Buhle kanye nebukhosi busebukhoneni bakhe. Emandla nenjabulo kusendzaweni yakhe. ²⁸ Dvumisani Simakadze, nine lusedvo lwebantfu, dvumisani Simakadze nenkhatimulo kanye nemandla! ²⁹ Dvumisani Simakadze ngeludvumo libito lwakhe lifanelwe. Letsani umnikelo bese nita phambi kwakhe. Khotsamani kuSimakadze kuloludvumo ngebuhle lobuyingcwele . ³⁰ Besaba phambi kwakhe, nemhlaba wonkhe. Nalelive lasimama; angeke litanyatanyiswe. ³¹ Akwente emazulu atfokote, kanye nemhlaba ajabule; bayekeleni basho emkhatsini waletive, ''Simakadze uyabusa.'' ³² Yekelani lolwandle lubhodle, ngaloko kuligcwalisa kutsi limemete ngenjabulo. Yekelani lamadlelo atfokote, nako konkhe lokukuwo. ³³ Bese niyekela netihlahla ehlatsini timemetele intfokoto phambi kwaSimakadze, ngobe uyeta kutowehlulela umhlaba. ³⁴ Letsani kubonga kuSimakadze, ngobe ulungile, ngobe sivumelwano nekwetsebheka kwakhe kume phakadze. ³⁵ Wase utsi, ''Sisindzise, Nkulunkulu wensindziso yetfu. Sihlanganise kanye kanye bese uyasikhulula kuleletinye tive, khona sitoniketa kubonga ebitweni lakho lelingcwele nekhatimulo ekukubongeni kwakho.'' ³⁶ Shengatsi Simakadze, loNkulunkulu waka Israyeli, akabongwe kusukela phakadze kuya phakadze. Bonkhe bantfu batsi, ''Ameni'' bese babonga Simakadze. ³⁷ Ngako Davide washiya Asafi nabomnakabo phambi kwalelibhokisi lesivumelwano laSimakadze, kukhonta njalonjalo phambi kwalelibhokisi, njengekwenta umsebenti wemalanga onkhe. ³⁸ Obedi Edomu kanye naleto tihlobo letingemashumi lasitfupha nasiphohlongo tangentwa. Obedi Edomu idvondzana yaJeduthuni, kanye naHosah, bekumele babebogadzi beligete. ³⁹ Zadoki lomphristi kanye nalomphristi labekasenenta naye bekumele phambi kwalelithabanekeli laSimakadze endzaweni lephakeme eGibeyoni. ⁴⁰ Bekufanele banikele umnikelo loshisiwe kuSimakadze e alitharini ngobe unmikelo loshisiwe onkhe malanga ekuseni phindze nentsambama, ngoba ngedlela yakokonkhe lokubhaliwe kolomtsetfo waSimakandze, lowaninika njengemyaleto ku Israyeli. ⁴¹ Hemani naJeduthini bekanabo, kanye nalabo lebebakhetfwe ngelibito, kunika kubonga kuSimakadze, ngobe sivumelwano sakhe setsebhekile nguna phakadze. ⁴² Hemani naJeduthuni bebaphetse labo labadlala emacilongo, emasimbali, naletinye tigubhu letenta umculo longcwele. Lamadvodzana aJeduthuni bagadza ligete. ⁴³ Babese bonkhe labantfu babuyela emakhaya abo, naDavide wabuyela kuyobusisa indlu yakhe.