¹ Otcha Jesus ria di monti, manga di djintis pega si tras. ² N´ton i bin un leprosu i finka djudju si dianti i falal: "senhor, si abo bu misti, bu pudi kuran". ³ Jesus distindi si mon i tokal i fala: "Nmisti, san djanan". ki ora djanan i kuradu di si lepra. ⁴ Jesus falal. "Djubi kabu konta ninguin nada. Bai bu kaminhu bu mostra pa sacerdoti i bu da oferta ku Moisés manda, suma testemunha pa elis". ⁵ Otcha Jesus entra na kafarnaum, un kumandanti bin pa el i n´gabal: ⁶ "senhor, nha tarbadjdur sta ditadu na kasa paralisaduku sufrimentu garandi". ⁷ Jesus falal: "Ami na bai kural". ⁸ Kumandanti duspudil: "senhor, ami n´ka meresi pa bu entra na nha kasa, ma papia son un palabra nha tarbadjur na san, ⁹ Pabia ami tambi n´sedu u omi bas di autoridadi i n´tene tropas bas di mi. N´ta fala elis es: "bai" e ta bai i pa utru: "bin" i ta bin, i pa nha tarbadjadur:" fasi es"i ta fasil" ¹⁰ Otcha Jesus obi kila, i fika adimiradu i fala pa kilis kuna siguil ba: na bardadi na konta bos kuma nin na Israel n´ka kontra ku alguin ku es tipu di fé. ¹¹ Na konta bos: manga delis na bin di saida ku kaida di sol e na sinta na mesa ku Abron, Isaki ku Jacó, na renu di seu. ¹² Ma fidjus di renu na fertchadu na sukuru fora, numde ki na ten tchur ku nheme dinti." ¹³ Jesus fala kumandanti: "bai! suma ku bu fia sin, asin ki na fasidu pabo". Tarbadjadur kuradu naki mesmu ora. ¹⁴ Otcha Jesus entra na kasa di pedro i odja mame di si mindjer dita ku febri. ¹⁵ Jesus toka si mom, febri largal; n´ton i lanta i kunsa na sirbil. ¹⁶ Otcha sol na noti, djintis tisi nunde Jesus manga delis ku demonios na kontrola, I serka ki spiritu so ku un palabra,i kura tudu ku staba duenti. ¹⁷ Di es manera, kil ku profeta Isaias fala i sedu. I toma riba del no duesas i karga no dur. ¹⁸ Otcha Jesus odja manga di djinti na si volta, i manda pa e bai pa utru ladu di mr di Galileia. ¹⁹ N´ton un skirbidur bin nunde el i falal:"pursor, kualker lugar ku bu bai na pega bu tras". ²⁰ Jesus: falal:"Tinbas tene se kobas, katchus di seu te se ninhus, ma fidju di omi ka tene nunde ke na diskansa si kabesa". ²¹ Utru disipulus falal: "sinhor disan purmeru pa n´bai n´tera nha pape". ²² Ma Jesus falal." siguin, disa mortus n´tera se morti propi". ²³ Kontra ku Jesus entra na un barku, si disipulus pega si tras. ²⁴ N´ton i bin garandi turbada na mar to ku moron na kubri Barku; ku kila tudu Jesus na durmi ba. ²⁵ Disipulus bin nunde el e kordal, e fala;"salbanu sinhor; no pertu muri!" ²⁶ Jesus fala elis: pabia ku bo medi? Bo fé pikininu? N´ton i lanta,i papia risu ku mar, kau kalma tudu. ²⁷ omis adimira e fala: "kal koldadi di omi i es, ku te mar ku bentu ta obidisil? ²⁸ Kontra Jesus na tchiga utru ladu, na region di gadarenus, dus omis ku dimonius kontrola ba kontra ku el. E na binba di siminteru e sedu ba brabu, toku ninguin kata pasaba na ki kaminhu. ²⁹ N´ton e girta e fala; " ke ku no ten ku bo, fidju di Deus? Bu bin li pa bin kastiganu antis di tempu ku markadu?". ³⁰ pertu di la, i staba un koral di purkus kuna kume. ³¹ Dimonius n´goda Jesus e fala: " si bu serkanu, maandanu pa ki koral di purkus." ³² Jesus fala elis:" bo bai " dimonius sai e bai pa purkus; n´ton tudu koral kuri na riada pa mar, purkus muri na mar. ³³ Omis ku na bakia ba purkus kuri, kontrae tchiga prasa e konta tudu ku sedu, tambi ke ku sedu ku kilis ku tene ba dimoniu. ³⁴ N´ton tudu djintis bin pa kontra ku Jesus. Otcha ku e obil, e pidil pa i disa se region.