¹ Toma kuidadu pa bu ka fasi bons kusa dianti di djintis so pa e pudi odjau, pabia bo pape ku sta na seu ka na bin paga bos . ² Pabia di kila, ora ku bo na da simola, ka bo toka lata suma ku findjiduris ta fasi na kasa di djuntamentu i na rua, pa djintis pudi n`gaba elis. Na bardadi na fala bos: e risibi dja se pagamentu. ³ Ma, ora ku bu na da simola, ka bu disa bu mom skuerda sibi kusa ku mom direita na fasi, ⁴ pa bo simola sedu na segridu; asin pa bo pape, ku ta odja kusa ku ta fasidu na sigridu, pudi bin pagabos. ⁵ Tambi ora ku bo na ora, ka bo sedu findjiduris, pabia e gosta di ora firmadu na kasa di djuntamentu i na kantus di rua, pa djintis pudi odja elis. Na konta bos bardadi di kuma e risibidja se pagamentu. ⁶ Ma ora ku na ora, entra na bu kuartu, bu fitcha porta, bu ora pa bu pape ku ka ta odjadu; bo pape ku ta odja kusas na segridu, ta bin paga bos. ⁷ Si bo na ora, ka bo ripiti palabras, tchiu sin sintidu, suma kilis ku ka kunsi Deus, ku ta pensa kuma si e ripiti palbra tchiu, Deus ta kunsa obi elis. ⁸ Ka bo parsi ku elis, pabia bo pape sibi kusa ku bo misti antis di bo pidil. ⁹ El ku manda bo dibidi ora asin: ´No pape ku sta na seu pa bu nomi sedu n´gabadu. ¹⁰ Pa bu reinu bin. pa bu Vontadi fasidu na tera suma ki tata fasidu na seu. ¹¹ Patinu aos no pon di kada dia. ¹² purdanu no pekadus, suma ku ta purda kilis ku iaranu. ¹³ ka bu lebanu pa tentason, ma libranu di mal. ¹⁴ Pabia si bo purda kilis ku iara bos, bo pape ku sta na seu na purda bos tambi. ¹⁵ Ma si bo ka purda kilis ku iara bos, bo pape ku sta na seu ka na purda bos. ¹⁶ Alem di es, ora ku bo n´djundjua, ka bo mostra tristesa na bo rostu, suma ku findjiduris ta fasi, pabia e ta mostra na se rostu kuma e n´djundjua. Na bardadi na fala bos di kuma e risibe dja se pagamentu. ¹⁷ Ma abo, orabu n´djundjua, pui azeite na kabesa, bu laba bu rostu, ¹⁸ Pa bu ka mostra djintis kuma bu n´djundju, ma son bu pape ku ka ta odjadu. Bu pape, ku ta odja kusas ku fasidu na sigridu, bin pagau. ¹⁹ Ka bo djunta bo rikesa li na tera, nunde ku bitchus ku ferus ta dana tudu, i ladrons ta furta. ²⁰ Ma bo djunta bo rikesas na seu seu, nunde ku nin bitchus, nin ferus ka pudi danal, i nin ladrons ka pudi furta. ²¹ pabia nunde ku bo rikesa, sta, la tambi ku bo korson na sta nel. ²² Udju i lus di kurpu. Pabia, si bu udju sedu bon, tudu bu kurpu ta intchi di lus. ²³ Ma, si bu udjus i sedu mau, tudu bu kurpu ta di sukuru. Asinn si na bardadi lus ku sta na bos i sukuru, bo ta intchi di sukuru. ²⁴ Ninguim ka pudi tarbadja pa dus patron, pabia bu na panha raiba di un son i bu na ama utru, o bu na gosta di unson i bu dispresa kil utru. No ka pudi tarbadja pa Deus i no tarbadja pa rikesas. ²⁵ Na fala bos: ka bo perkupa ku bo vida, ku kusas ku bo na kume o bibi, o ku bo kurpu, ku ke ku bo na bisti. N´ta vida i ka mas importanti di ki kumida, kurpu ka mas importanti ki ropa? ²⁶ Bo djubi pa katchus di seu: e ka ta sumi, nim kebra nindjunta na benba, ma bo pape ku sta na seu ta da elis di kume. N´ta abos bo ka ten balur ki katchus? ²⁷ Kin na bo medadi, ku pudi kuda toki ta buri di si vida? ²⁸ Pa ke ku bo ta fadiga ku ropa? Bo djubi pa floris di matu, kuma keta kirsi: e ka ta tarbadja nin e kata kisi ropa. ²⁹ Inda asin na falabos: te Salamon ku tudo si ronku i ka ta bisti suma un di floris ³⁰ Si Deus ta bisti floris di matu, ku ta nansi aos i e kemadu amanha, ku fadin abos, omis di kuku fé? ³¹ Asin ka bo fika fadigadu, bo punta : ´ ke ku nona kume?´o,´ ke ku no na bisti?´o, ´ke ku no na bisti? ´ ³² Pabia kilis ku ka kunsi Deus ta buska tudu e kusas, ma bo pape ku sta na seu sibi kuma bo ,isti tudou es. ³³ Purmeru bo buska reinu di Deus ku si justisa i tudu e kusas bo ta bin dadu e. ³⁴ Pa kila, ka bo fadiga ku dia di amanha, pabia dia di amanha ta toma konta di si kabesa. Basta dia di aos propi mal.