¹ Dipus di kusas, Jesus bai pa Galiliea, i ka mistiba ianda pa Judeia, pabia Judeus mistiba matal. ² Festa di Judeus pertuba dja. ³ Ermons, di Jesus falal:"Sai di li bu bai pa Judeia, asim pa bu disipulus pudi odja kusas ku bu ta fasi; ⁴ pabia kin ku misti pa djintis kunsil tudu ladu i kata fasi kusa sugundidu. Fasi e kusas, bu mostra pa tudu mundu. ⁵ pabia nim si ermons ka fia Nel. ⁶ Jesus, fala elis:"Nha ora ka tchiga inda, ma di bos tudu ora sta bon. ⁷ Djintis di mundu ka pudi fastia bos, ma ami e fastian, pabia nta konta elis sempri kuma e ta fasi mal. ⁸ Bo bai pa festa. Ami nkana bai pabia nha ora ka tchiga: ⁹ Dipus ki kaba papia e kusas i fika na Galileia ¹⁰ Otcha si ermons bai pa festa, El tambi i bai, ma sugundidu. ¹¹ Judeus na buskalba na festa, e na punta:"nunde ki sta?". ¹² Manga di djintis, ku staba la kunsa na ghunighuniaserka di Jesus. Utrus na fala:"I sedu bon omi"; utrus na fala:"Não i ta ngana djintis". ¹³ mesmu asin, ninguin ka osaba papia ku forsa aserka di El, pabia e medi Judeus. ¹⁴ Otcha festa staba dja kuas na metadi, Jesus sibi na kasa di djuntamentu i kunsa na nsina. ¹⁵ Judeus fika dimiradu, e punta:"Kuma sibi tchiu asin sin i ka sinadu?". ¹⁶ Jesus ruspundi elis:"Nha nsinamentu i ka di mi, ma kil ku mandan. ¹⁷ Si alguin misti fasi si vontadi, i na aserka di si nsinamentu di si nsinus, si i bin di Deus o si nta papia di mesmu. ¹⁸ Kin ku ta papia di sil i ta buska si propri gloria, ma kil ku na buska gloria di kil ku mandal, es ki di bardadi, falsidadi kasta nel. ¹⁹ I ka Moisés ku da bos lei? ma nim un son di bos kata kumpril. Pabia ku bo na buska matan?". ²⁰ Ki djintis ruspundil:" Bu tene dimoniu. Kin ku misti matau?". ²¹ Jesus ruspundi i fala elis: nfasi un milagre, abos tudu bo dimira ku es. ²² Moisés da bos sirkunsisoni ka kuma i kunsa na Moisés, ma desdi no papes antigus, na dia di diskansu bo ta sirkusisa un rapas. ²³ Si un rapas sirkunsidadu na dia di diskansu, pa lei di Moisés ka kebradu pabia ku bo raiba kontra mi pabia nkura um omi na dia di diskansu? ²⁴ Ka bo julga son na parsensa di fora, ma bo julga diritu. ²⁵ Algus djintis di Jelusalem punta:" I ka es ke na buska mata? ²⁶ Ali i na papia na metadi di djintis, e ka falal nada. Nta garandis ka rapara kuma na bardadi el i kristu?" ²⁷ No sibi di nunde ki bin, ma ora ku kristu bin, no kana sibi di nunde ki sai". ²⁸ Otcha, i na nsina na kasa di djuntamentu, i lantanda fala ku forsa i fala: bo kunsin bo si ami i di nunde; nka bin di mi mesmu, ma di kil ku mandan El i di bardadi, abos bo ka kusil. ²⁹ Ami nkunsil pabia nbin di El i El ku mandan. ³⁰ E mistiba prindil, ma ninguin ka pui mon riba del pabia si ora ka tchigaba inda. ³¹ Manga di djintis, ku fiaba nel. E punta: ora ku krisyu bin, i na fasi inda sinal mas di kil ku e omi fasi?". ³² Suma Fariseus obi multidon na ghunighuni e kusa aserka di Jesus, garandis di Saserdotis ku Fariseus manda guardas pa bai prindil. ³³ Jesus fala elis:"Um nbokadu di tempu na sta ku bos, Dipus na bai pa kil ku mandan. ³⁴ Bo na buskan ma bo ka odjan; pa nunde ku na bai, bo ka pudi bai la". ³⁵ Judeus obi ki palavra, e fala anti delis: pa nunde ki e omi na bai, ku no kana pudi odjal? i na bai pa Judeus ku padjiga na metadi di grgus pa bai nsina elis? ³⁶ Es i kal koldadi di palavra ki na fala:' bo na buskan ma bo kana odjan; i pa nunde ki sta nel anos no ka pudi bai' lá?". ³⁷ I tchiga ultimu dia, ku sedu dia mas garandi di festa, Jesus lantanda fala ku forsa i fala elis:" Kin ku tene sedi pa i bin bibi na mi. ³⁸ Kin ku fia na mi, suma ku skritura fala, dentru del i na nansi riud di iagu bibu". ³⁹ Jesus falaba aserka di spiritu Santu ku tudu djintis ku fiaba nel na bin risibi; spiritu ka dadu inda, pabia Jesus ka glorifikaduba inda. ⁴⁰ Na metadi di ki multidon, ocha e obi es palavras, e fala:" na bardadi es i anunsidur". ⁴¹ Utrus fala:"Es i Mesias". Ma alguns na fala tambi: anta Mesias na bin di Galileia? ⁴² Skritura ka fala kuma Mesias na bin na djorson di David, na Belem tabanka ku David moraba nel?. ⁴³ Asin i bin ten divison na metadi di ki multidon pabia di Jesus. ⁴⁴ Utrus misti prindil ma ninguin ka pul mon. ⁴⁵ Guardas di kasa di djuntamentu bai pa saserdotis ku fariseus, kilas punta elis:"pabia ku bo ka tisil?". ⁴⁶ Guardas ruspundi elis:"Nunka ninguin ka papia suma ki omi". ⁴⁷ Asim, fariseus punta elis:"Abos tambi bo seta nganadu? ⁴⁸ Alguin na metadi di sefis o di fariseus fia Nel? ⁴⁹ Ma multidon, ku ka kunsi lei, e maldisuadu". ⁵⁰ Nikodemus, un di ki fariseus ku tchiga di bai nunde Jesus, punta elis: ⁵¹ "Anta no lei ta kondena un omi sin i obidu purmeru oa sibi ke ki fasi?" ⁵² E ruspundi e puntal:" Abo tambi i galileu? Buska bu na odja kuma nim un profeta kana sai na Galileia". ⁵³ I elis tudu e riba pa se kasa.