¹ Amadus, es i segundu karta ku n'skirbi bos, na tudu dus n'buska disperta bos ku lembransa na bo pensamentu puru, ² pa bo lembra di palavras ku papiadu pa santus profetas, i ka mandamentus di sinhor i salvadur ku n'sinadu pa bo apostulus. ³ Purmeru, bo dibi di sibi kuma na ultinus dias i na bin gozaduris, ku na goza bos, e na ianda kunformi se desidjus, ⁴ e na ba ta punta:"nde ki sta ki promesa di si vinda? pabia disna ku djintis antigu muri, tudu kusas sta suma disna di kunsada di kriason. ⁵ Elis intensionalmente e diskisi ku na manga di tempu, i tem seu ku tera, i através di palavra di Deus iagu tem , ⁶ ku si palavra mundu di ki tempu kabadu ku el ku iagu. ⁷ Pa mesmu palavra di tera guardadu pa fugu, i guardadu pa dia di juizo i pa kaba ku kilis ku ka kunsi Deus. ⁸ Amadus, ka bo dispresa, um dia pa sinhor i suma mil anus, mil anus i suma i suma um dia. ⁹ Sinhor ka ta tarda pa kupri kil ki pirmiti, suma ku utrus ta pensa; ma El i pasanseru pa nos, i ka didja pa ninguim pirdi, ma pa tudu aripindi. ¹⁰ Ma dia di sinhor na bin suma ladron. Seu na dizaparsi ku garandi barudju.[Tudu kusas na danadu ku fugu, tera ku tudu kusas ku sta nel e na kemadu.] ¹¹ Un bias ki, di e manera, tudu kusas na sedu danadu, kal tipu di djintis ku bo dibidi sedu? Bo dibi di vivi na santidadi ku amor, ¹² bo pera ku asiedadi vinda di dia Deus, ora ku seu na danadu ku fugu, tudu kusas na ribi. ¹³ Suma ku El i pirmiti, no na pera nobu seu ku nobu rera,nde ki i mora justisa. ¹⁴ Asim, amadus suma ku bo pera e kusas, bo mpenha pa bo pudi odjadu El, sim mantcha, sim kulpa ma ku paz. ¹⁵ Bo considera pasensa di no sinhor i pa no salvason, Asim, suma ku no amadu ermon Paulo skribi bos ku ki sabedoria ki dadu. ¹⁶ Paulo papia di e kusas na tudu si karta, na elis i tene sertu kusas difisil ntindi, entre elis, omis di ntindimentu o ku ka sedu firmi, e ta tursil, suma ke ta fasi tambi ku manga di skrituras, pa dana se vida propi. ¹⁷ Pa kabanta, amadus, un bias ku bo sibi e kusas, bo guarda bo kabesas pa ka bo rastadu pa eru di djintis ku ka kunsi lei, pa ka bo pirdi bo propi firmeza; ¹⁸ mas bo kirsi na grasa ku kunhisimentu di no sinhor i salvadur Jesus kristu. Glória i pa El, aos i pa sempre.Amém!