¹ A Falisi na ayake alembi efumila ku Yelusalemu ekumana pamo nomuzenguluka. ^{2 3 4} eona kuti ayake wa asambili wake ecilya mukate na manja yalunsa, yosasamba.(pakuti afalisi nipo onse ayuda okulya lini cosasambika manja yao, ndawa wosunga cisambizyo ca makolo wao. wenzokulya lini akaliyo samba kumanja, nipo 3wenzokuwana vinthu venzopokela, ngani nthumo, namanthalo naviya vyamukuwa, naviyake vecilya.) ⁵ afalisi na alembi emukonsha yeso, " nicinji asambili wako wokonha lini cisililano ca makolo, koma akulya mukate wawo na manja afipa?" ^{6 7} koma eciti nawo, "yesaya elosya cendi ngako pali mweo wolipezya. mwacilili mu malemba awa wanthu omvwililana. milomo yao, koma mitima zao zili patali nane. ofumyamo muombelo unupasiwa, nosambizyiwa matetulo a wanthu na myambo. ⁸ Mwesiya matetulo wa Mulungu noyamba kusunga myambo ya wanthu.'' ⁹ Enena soti kuli weve, " cilipaweme tyani kukana matetulo wa mulungu kuti musunge myambo yanu! ¹⁰ Pakuti mose eciti. cinzika auso na anyoko; nipo wala wolawila viipa pali awisi kano anyina akokufwa.' ¹¹ Koma ukuti, 'Kano munthu olawila kuli awisi kano anyina, "Vilivyonse vingafumile kuli neo ni Kobani,"' ( Kuyaluzya kuti, 'Copasiwa kwa Mulungu)- ¹² nipo mumulesha kucita cintu ciliconse cha awisi kano anyina. ¹³ Mupanga ma lizu wa Mulungu kunkhala watyala na myambo imwakonkha. Na vinyinji volingana vumucita." ¹⁴ Eita soti liumba noiuzya, " Nimvwileni neo, monse, nipo mvwishishani. ¹⁵ Paliye cintu cakunja kwa munthu cingamuifye cikalowa muli eve. ¹⁶ Cofuma mu munthu niye cumuifya." ¹⁷ Lomba Yeso esiya liumba ya wanthu nipo elowa mu nanda, asambili wake emukonshya pali malinganizyo. ¹⁸ Yeso eciti, "Mukali osamvwa? Simuona kuti culowa mu munhtu kufuma kunja sicingamuifye, ¹⁹ cikomo cingalowelini mu mutima mwake, koma culowa mu mala nofuma mu cimbuzi?'' Mu ma lizu aya Yeso elawila kuti vonse vakulya nivituwa. ²⁰ Eciti, " Nicala cufuma mu munthu niye cumuifya. ²¹ Pakuti mukati mwa munthu, mukati mwa mutima, mupitilizyiwa malingalilo aipa, macitilo aciwelewele, yaukawalala, kupaya, ²² aucende, cinamo, lunkumbwa, ciwepeko,kandekundeku, lukumbwasi musikila, kulimvwa, mupikishano. ²³ Vonse ivi vufuma muli mweo, nipo niye vuifya munnthu." ²⁴ Eima efumako na kuya ku citwa ca Tiya na Sidoni. Eciya ku nanda nipo aliofune aliyense kuti aziwe kuenze, koma cekanga kuti afisame. ²⁵ Koma pamene apo, mucembele enze na mwana waviwanda valunsa, ecimvwa za eve, eciza, nolala pa mendo pake. ²⁶ Nauyo mucembele enze mu Giliki, mu Silofonike mu cimvwikilo. Esenga kumufumyila viwanda mu mwana wake. ²⁷ Enena naye, " Cotatika lyeshani wana. Nicosawamila kutola cinkwa ca wana nopozela imbwa." ²⁸ Koma eyasuka nonena naye, ''Cendi, Ambuya wasu, cukanga imbwa munyansi mwa thebulo zikulya vimbala va wana." ²⁹ Emuuzya, "Pa cikomo walawila tetyo, ungamangusuke nakuya. Ciwanda cafuma muli mwana wako munakazi." ³⁰ Eciya ku nanda kwake efwanga mwana enze lele pa malili, na ciwanda cecoka kale. ³¹ Efuma soti ku citwa ca Tiya, nipo eyenda eciya kupitilila Sidoni ku cimana ca Galileya na ku citwa ca Dekapoli. ³² Nipo emuletela munthu osamvwa nipo enzolawila lini wino, emusenga kuika manja yake pali eve. ³³ Emutwala pa mbali kufuma pa winji wa wanthu kusei, eika vikumo vake mu matu mwake, nipo etila mata nokata lulimi lake. ³⁴ Elolesha kumulu, noyankha noyankha mwau, nomuuzya, "Efufata," kunena kuti, "zula!" ³⁵ Pamene apo matu wake ezulika, na lulimi yake yemangusuka noyambolawila paweme. ³⁶ Yeso ewalamula kuti asauzye aliyense. Koma mweciwelezyela soti kuwauzya ni mwecisengelela. ³⁷ Akakanganishiwe, kunena, '' Acita vinthu vyonse paweme. Opanga ambulamatu kumvwa nawala osalawila kulawila."