¹ Yeso penzofuma mu nanda ya Mulungu, umo wa asambili wake eciti kwa eve, ''Musambizyi, ona uweme wamyala na uweme wa vomangiwa!'' ² Eciti kuli eve, '' Ko muviona vomangiwa vikulu? Paliye mwala umo uti ukasale pa uyake uti ukakano panduka!'' ³ Penze nkhezi pa lupili la Oliva yololeshana na cipupilo, Petulo, Yakobe, na Andeleya, emukuonshya mofisa, ⁴ ''Tiuzyeni, ko nilini piti vikacitike ivi? Vizeziwike tyani pati vonse vikazoyamba citika?'' ⁵ Yeso eyamba kulawila nao '' Wani celu nakuti pasapezeke umo okusovyani. ⁶ Anyinji azeawele mu zina langu na kuti, 'Nine muweme,' nipo azesovye anyinji. ⁷ Mukamvwa va nkhondo kano mbili za nkhondo musawa na malingililo; ivi vinthu vifanika vicitike, koma kusilililo kukaliyo fika. ⁸ Pakuti maiko na maiko aze ukilane, na kuti ufumu na ufumu. Kukawe vivomezi mu malo anyinji, na njala. Ivi ni ciyambi ca kuvyaluka kwa vowawa. ⁹ Wani tuni. Mukapewe kwa apinguzi, nipo mukanyatiwe mu ma sunagoge. mukaime pa menso ya apinguzi na mafumu kamba ka neo, ngani umboni kwao. ¹⁰ Koma ma lizu akapewe ku vyalo vonse. ¹¹ Pati akamukateni nomupelekani musayakuwa na nkhawa na vakuyonena. Pakuti nsita iyo, vatimukonena mukapasiwe; nimwe lini mwiti mukolawila, koma muzimu. ¹² Mukwao okotwala mukwao kuimfwa, na wisi mwana wake. Wana wakaukile avyazi nowapaya. ¹³ Mukatinkhiwe na aliyense kamba ka zina yangu. Koma uyo atiakalindile mphaka posilizyila, akapuzumushiwe. ¹⁴ Mukayo ona maloza ya mwazyisha kuima payosafanika kuima ( lekani owelenga amvwe), lekani onse ali ku Yudeya autukile kumalupili, ¹⁵ lekani uyo ali pamulu pa nanda asasike munanda kano kutola kanthu kali konse kunja kwa nanda, ¹⁶ nipo musaleke uyo ali mu munda kuwela ku nanda kuyotola mikhanjo yake. ¹⁷ Shamo kwa ao amavumo na onyosha mu masiku amene awo! ¹⁸ Lombani kuti visakacitike mu nsita ya mphepo. ¹⁹ Kamba yazawe ma siku amatamano akulu, akaliyo wapo oteto napoyamba kumo, pecilenga calo Mulungu, nalelo kumo, kano, mwiticikawele soti. ²⁰ Mphaka asukulu kucefya masiku, sembe kuliye epuzumushiwa. Koma cikomo ca osaluliwa, ecefya masiku. ²¹ Nipo aliyense onena namwe, 'loleshani, Khilisitu uyo!' kano 'loleshani, uyo wawela!' musakacetekele. ²² Pakuti Khilisitu wa wenye na muwilizi wa wenye akaonekele na kuti akape viziwisho, mwatetyo kuyepeka, kano nkololeka, na wala osankhiwa. ²³ Wani tuni! Nakuuzyani vonse vinthu panthanzi pa nsita. ²⁴ Koma pavuli pamatamano aizo nsiku, zuwa ikafifyiwe, mwezi siukawalizya, ²⁵ nthandala zikapone kufuma kumulu, na mphamvu za mululu zizenyang'anye. ²⁶ Nipo akamuone Mwana wa Munthu akuza mu makumbi na mphamvu zinyinji na ulemelelo. ²⁷ Tetyo azatume amalaika wake nakuti azeyike osaluliwa wake pamo kufuma ku nkhunda folo, kufuma ku nsilililo ya calo na nsilililo ya kumulu. ²⁸ Phunzilaponi pacimuti ca muuyu. Pamene apo cikafunya matepo, nishi mwaziwa kuti cisalo cili pafupi. ²⁹ Tetyo namwe, mukazoona ivi vucitika, muzemuziwe kuti ali pafupi, pafupi na mulyango. ³⁰ Cendi, nukuuzyani , uyu mutundu sukapita wonse mpaka ivi vonse vikacitike. ³¹ Myulu na calo vikafumyiwepo, koma ma lizu wangu sazakafumyiwapo. ³² Koma za ila nsiku na nsita, paliye oziwa, na amalaika akumulu pamo, kano Mwana, koma Wata. ³³ Pekanyani! Wani menso, cikomo sumuziwa nsita yake. ³⁴ Mapepala akale alembewa mu ci Giliki cuwelengewa: Iwani tuni! Nkhalani menso nopemphela. Cili nga ni munthu ali paulendo- osiya nanda yake noika wanchito `kulamulila nanda, aliyense na nchito yake, nipo ouzya amalonda kuwa mu menso. ³⁵ Motetyo iwani menso, pakuti sumuziwa mwine wa nanda pati akawele; mwine wa nanda mungawe mu cingulo, pakati pa usiku, kombwe akalila, kano mu mawa. ³⁶ Kano angawele mozizimusha, asakamupezeni mutulo. ³⁷ Vanunena kwanu nunena kwa aliyense: Iwani menso!''