¹ Nomba peciza ku Yelusalemu, wenze kufupi na Betifaji na Betani, ku lupili lwa Oliva, nipo Yeso etuma awili a asambili wake ² nipo ewauzya, "Nkhoyani ku munzi womangizyana nase. Mukapelolowamo, mukapeze ka bulu komangiwa kakaliyo kwelewapo. Mukakapombosole nokaleta kuli neo. ³ Nipo nga kuli aliyense akalawile kuli mweo, 'Nicinji cumucitila teti?' mukalawile, 'Asukulu wasu okafuna nipo lomba pano tikakatumizye soti kuno. ⁴ Nipo weciya kutali nopeza ka bulu komangililiwa pa mlyango panja mu museu, nakuti ekamangusula. ⁵ Nipo wanthu wayakine enzepeneme potetyo nonena nao, "Mucitanji, kumangusula ako ka bulu?" ⁶ Ewauzya kulinga na Yeso mweciwauzyila, nipo wanthu ewaleka kuya njila yao. ⁷ Nipo asambili awili wewela nako kabulu kwa Yeso noyanzika minjila pali keve nakuti ekwelepo. ⁸ Wanthu anyinji eyanzika minjila yao pa museu, nipo wayakine eyanzika misambo yecitenda ku minda. ⁹ Wala eciya poyambila nawala nipo wala wemukonkha ekuwa, "Hosanna! Osukishiwa ni uyo akuza mu zina ya Sukulu. ¹⁰ Ushukishiwe ufumu wa awisi wasu Davide! Hosanna wapalulu ngako!'' ¹¹ Nipo Yeso elowa mu Yelusalemu nakuya ku cipupilo nololesha paliponse. Nomba, pakuti nsita yeciya, eciya ku betamiya pamo nao twelufu. ¹² Siku yokonkhapo penzokuya kufuma ku Betaniya, ecimvwa njala. ¹³ Kuonela patali cimuti cenze na matepo, eciyo ona kano mungawe vitwalo. pewela ku ceve, epeza muliye kanthu koma matepo, pakuti yenze lini nsita ya vitwalo. ¹⁴ Elawila naco, ''Paliye yeka umo ate akalye votwala vako soti'' Nipo asambili wake ecimvwa. ¹⁵ Ewela ku Yelusalemu, nipo elowa mu cipupilo noyamba kufumya ogulisa na ogula mu cipupilo. ¹⁶ Egadabula gadabula ma tebulo wa wala ocinga ndalama na mipando yawala ogulisa nkhunda. Aliye lolezye aliyense kutola kanthu kalikonse mu cipupilo camene cingagulisiwe. ¹⁷ Ewasambizya nonena, "Nicosalembewa, 'Nanda yangu ekoitiwa nanda ya malombelo pa mutundu yonse'? Koma mwaipanga mcembo wa kawalala." ¹⁸ Akula wa ansembe na asambizyi wamatetulo pecimvwa ivi, nipo esakila njila yakuti amupailemo. Koma enzocita naye mwezo powona kuti wanthu wonse wenzo kanganishiwa navo venzo wasambizya. ¹⁹ Nipo usiku piwewela, efumamo mumuzinda. ²⁰ Penzopita mu mawa, weona cimuti kuyuma mpaka ku mizyu. ²¹ Petulo ekumbuka nipo enena, "Musambizyi, onani! Cimuti ciweshanika cayuma." ²² Yeso ewayasuka, "Nkhalani na cicetekelo mwa Mulungu. ²³ Nukuuzyani vyendi kuti aliyense angalamule lupili iyi, 'Fuma apa nkhoya uzitaye mu cimana,' akalawila na mutima cosakaika koma ocetekelo kuti vawalawila vukuyocitika cendi, niye vakacite Mulungu. ²⁴ Nukuuzyani kuti: Mu malombelo wanu ciliconse camungasenge, cetekela kuti wapewa, nipo cikawe cako. ²⁵ Pomusenga, cotalika nikulekelela muyanu ku viyipa kano emuvyifyilani, mwatetyo kuti Wata ali kumulu amulekeleleni ku voluvya vanu. ²⁶ Mapepala oyamba a Maliko aliye ma lizu awa; koma kano sulekelela, cikanga Wata wa kumulu solekelela maluvyo wako. ²⁷ Wewela soti ku Yelusalemu. Pamene Yeso enzoyenda mu cipupilo, wa nsembe mukulu na asambizyi, na akulu akulu wewela kuli yeve. ²⁸ Wemuuzya kuti,"Ko niulamulilo wanji ucitila ivi vinthu? Nipo niwani wekupa ulamulilo wocita vamene ivi?" ²⁹ ewauzya weve, "Nikukosheni konsho imo. Niuzyeni nane nikuuzyeni ulamulilo unacitila ivi vinthu. ³⁰ Ubatizi wa Yohane, wenzofumila kumulu kano ku wanthu? Niyasukeni." ³¹ Weyamba kulawizyana paweve weka nokangana nipo eciti, "Tikanena kuti 'Kumulu,' alawile kuti, 'Nicinji kansi cumusa mukhulupilila yeve?' ³² Koma tikanena, 'Kufumila ku munthu,' wenzoyopa wanthu, pakuti aliyense enzoziwa kuti Yohane enze muwilizi. ³³ Nipo emuyasuka Yeso nonena, "Situziwa." Nipo Yeso ewauzya kuti, " Nane nikuuzyeni lini ulamulilo unucitila ivi vinthu."