¹ Apa ashwayire Yesusi mutempeli, mukathishongero thendi ofotji aambire kukwendi, ''Muruti, Mone mawe omawa ndani nomiyao dhodhiwa!'' ² Aambire kukwao, ''Emumona dhi miyaho dhodhikuru shemwa? Nodyo fotji temba diwe dya kukwata padiwe dimweya odi dyakupira kuwera pamuve.'' ³ Opa akarire pa dirundu dyo Olivi munyima dho tempeli, Peturusa, Jemusi, Yohanesi, ndani na Andiriasi hamwipurire koudhindo, ⁴ ''Tutongwere, Diyuwa munye yakuhokoka yii yinu? Yi needha munye yakukara opa yakutanga kuhokoka yo yinu?'' ⁵ Yesusi atamekire kuwa tongwera, ''Mutakamithe mbadiko yu akona kumu yongaritha. ⁶ Hengi mboha heya mudina dyange ndani ñanyi mboha ambe eshi, 'yame,' ñamboha hongaure haguva nokuwa yongaritha. ^{7 8} Opa mbomuyuva yita ndani no ñumbu dhoyita, mwakutokota; Oyi yinu ne yakona kuhokoka, mara uhurane shime. Matunga ñanyi mboakurwithe noma tunga matunga, ⁹ Mukutakamithe, Naamboha mupe murao dhokuyenditha, ndani naambo mupumiwe muma Sinagoge. naambo hamu tware pautho tho hayendithi no mafumu mukareta hashupi kukwao. ¹⁰ Mara ñando ne dha kona kushwayera pautho muditunga dyodyi heya. ¹¹ Opa hakukuanga nokukutwara, mbadi wakutokote noyiwakaamba. Moro ruvedhe, naambo upiwe yi wakona kaamba kuutho dhao; ene mbadi yowe mbo aamba, ene nyambi naambo akupe mupepo okupongoka ouwakona kuruwana mumoye. ¹² Mukurwa nomukaukurwa naambo hakunyenge kate kuwatwara kuyifa, ndani wiha kwa mwanendi. Hanuke nganyi mboha rwithe hakuru wao ndani wingi wao nganyi mboha paye hakuruwao. ¹³ Naambo akunyenge keheyu mudina dyange. Mara keheyu akakumitha thiruwana thange kuuhura, oyo muguva ne naambo apare mudyoko dyange. ¹⁴ Opa mbomumona uyi una kwiya pa wa pira kuroyera kwiya, ''(Oyu anakutoya ayuve),'' Muthiye wa hadi mujudia hatukere kuma rundu, ¹⁵ Muthiye yu adi pawiru dho ndhuo mbadi angene mwishi endi ashimbe thinu mukatji kondhuo, ¹⁶ Oyu adi mumapya ne mbadi ahuke kudimbo shi haka shimbe nguo wendi. ¹⁷ Ene ñanyi mbohakare nodihudhi owahadi nohanuke mumara ndani owa hanakunyatitha moa mayua! ¹⁸ murapere shi mbadi yakwiye munako dho kufu. ¹⁹ Oo! mayuwa ne ñanyi akukare mayuwa omayerekero thikumenena, thika dyodyi yapirire kukara pamatamekero, opa atendire Nyambi ditunga, kate popano, ngambishi nganyi yakukumemo karo. ²⁰ Shimengwa nyambi akufupipithe mayuwa, mbadiko thirama thakukungiwa. Mara muku torora, owa hatororiwire, ñanyi akuwa fupipithere mayuwa ao. ²¹ Ngeshi kwaadi yu ana amba noye, 'Mone, oyune Kiristus!' kapa 'Mone, oya paya!' mbadi unakuyitawa. ²² Ha kiriste ombudhi noha Porofita ombudhi ñanyi hakumoneke noku needha yitenda yao noyi tetukitha yao yo mbudhi, muushemwa, ngambinga nohatorori. ²³ Mukukunge thikuma shemwa! namutongwere yoyiheya yi munako dhodhiheya. ²⁴ Mara kushwaa muma yerekero oaya mayuwa anakapita, 'diyuwa ñanyi dyakukare mumakokore, ²⁵ kaonda nako mbadi kakusheenya thishe, tutumwedhi naambo tuwe pamuve kushwayera kudiwiru, ndani ngcamu edhi dhidi mudiwiru ñanyi dhakunyanganye.' ²⁶ no ñanyi hakumone mwana munu akeya mumavuyi no ngcamu dhodhikuru shemwa ndani thihemo. ²⁷ naambo atume ha engeli hendi eshi hature pofotji wa hatorore mumipepo dhine, kuuhura oditunga nouhura odi wiru. ²⁸ Mukuhongere thitamenedhi pothi thitondo tho feiga. Omu thina kukurera mite dhatho nomu thina kuhokera mahako, mudimuke shi nako dho nvura dhi neya. ²⁹ Karo, Ngeshi muna mono yinu yokengeyo yakuhokoka, dimuke shi pepi adi, pepi shemwa nomuvero. ³⁰ Ushemwa nakumutongwera, Ou uparo mbadi wakupitakana shimengwa yakuhokoke yi yinu. ³¹ Diwiru no Ditunga ñanyi dyakupitakane. Mara ñando dhange mbadi mbodhi pwa. ³² Mara muku konekera modyo diyuwa, nomodho nako, mbadiko yu anakuyidimuka, ngambi hodiyo ha engeli mudiwiru, ngambi mwana, shime ngwa Nyambi. ³³ Munyanyame! Omukenge muya, yoyishi mbadi muna dimuka shi ruvedhe munye yakuhokoka. ³⁴ Yira murume anakuyenda muruyendo nokuthiya ndhuo dhendi noku thiyera umweya ndhuo dhendi adhi kunge, keheyu nothiruwana thendi, nokutongwera mukungi avakare. ³⁵ Keho ne mukare munakuroithera yoyishi mbadi muna kudimuka shi nako munye akwiya yithinda sha ndhuo kudimbo; Yakona kukara shi runguro, ndi pakatji kouthiku, ndi pakwiya ngondovoro, ndi mathikuthiku. ³⁶ Ngeshi aneya wangu, mbadi akuna kuwane shime wararera. ³⁷ Oyi nakukutongwera keheyu nakuyitongwera: Eshi mutakamithe!''