¹ Ene Yesusi atamekire kuwahonga Mathaano. Aambire shi, ''Mukafumu akunine dipya dyo veine, nokudishashera, athimine dikwina dyo veine.ayakire tawara nokupaka mudipya dyo hanjimi ho veine. Podiyo hayendire muruyendo. ² Moro ruvedhe, atumine mupikendi kwawa njimi ho veine eshi haka shimbeko mbuyo dho veine edhi hawanine. ³ Mara hamushimbire, nokumupuma, nokumutuma ayende nyara nyara. ⁴ Ahukurukire kutuma ko umweya mupikendi, ndani hakamuremekire mumutwi ndani noha kamufithire honyi mukatji kao. ⁵ Atumineko karao umweya, oyune hamupayire. Aka nyandithire amweya dyodi ha tendire kwa hamweya, hoha pumurire hamweya ndani hamweya nokuwapaa. ⁶ Akarire ko yumweya yu akonine kutuma, mwanendi yu ahaka thikuma. Akarire youhura kowa hatumine waheya. Aambire shi, 'ñanyi hakakuteke mwanange.' ⁷ ''Mara hadimi ho veine hakuyongire pofotji, 'eshi oyune yomukakupinga. Mwiye notumupaye, ngwa ushwii naamboukare wetu.' ⁸ Ohamukwatire, nohamupayire, nokumuvukuma panunda dhodipyaa dyo veine. ⁹ Ene, nye eyi akona kutenda mukadipyaa dyo veine? ñanyi akwiye kokunapaa hakuni hoveine ndani nokunatapa dipya dyo veine kwa wa mweya. ¹⁰ Mbadi mwatoya ethi thitjangwa? 'Diwe di hashwenine hayaki dya pirukire diwe dyokudishonga. ¹¹ Oyine kwatundera kwa Fumu Nyambi, Ene thiwa shemwa mumeho etu.''' ¹² Kushwapo hakuru homajuda ha shanine ndhira dhokuaanga Yesusi yoyishi hayuvire shi Yesusi aambire mathaano okuhamena mukatji kao. Mara hayapire mbunga. Podiyo hamuthiire nokuhuka. ¹³ Hoha tumine ha Farisi nohaka Herodesi shi hakamukwate komaywi endi. ¹⁴ Apa heyire, ohana aambire kukwendi, ''Muruti, Tunayidimuka shi mbadi watokota payiayara yamunu. nokuningashi mbadi wanedhanga kutorora mukatji kawanu. Owene kuhonga ñando dha nyambi muushemwa. Kwatawedhiwa kufuta mutero kwa caesar ndi ngepi? Kona tufute endi ngepi? ¹⁵ Mara Yesusi adimukire umbudhi wao nokuamba kukwao, ''Nye pa munakuniyereka? Muniretere sherenyi omutero nimumone.'' ¹⁶ Hoharetire yo fotji kwa Jesusi. aambire kwao, ''Yihima yadye ndani yitenda yadye yii?'' Oha aambire, ''Caesar'' ¹⁷ Yesusi aambire, ''Tape kwa Caesar yoyiheya yinu yaku hamena kwa Caesar ndani tape kwa Nyambi yoyiheya yinuyakuhamena kwa Nyambi.'' Oha hafere kuyi aamba yendi. ¹⁸ Ndani ha Saduki, owahaambire shi mbadiko mavumbukero, hakeyire kukwendi. oha mwipure, hambire shi, ¹⁹ ''Muruti, Mushe atutjangere, 'Ngeshi mukurwa munu anafu nokuthiya munu wendi munyima dhendi, no mbadiko mwana, mina munu akona kuyeka mundambo wa mukurwa munu, no hamuwanithe hana hamukurwendi.' ²⁰ Hakaukurwa wa hakarire kwoko nohawadi; okutanga ashimbire munu wendi ene afire, nombadi athiyire nanda. ²¹ Ouwadi ashimbire munu wendi ene afire, nombadi athiyire nanda, ndani noouhatu kemo. ²² Okwoko noyiwadi afire nombadi athiyire nanda. Kuma pwero ao, Mukuru omukadi afire naye. ²³ Pamuvumbukero, opa hakupinduka karo, Mundambo wadye akukara? Waheya hakaukurwa wa hokwoko noyiwadi mundambo wao akarire.'' ²⁴ Yesusi aambire, ''Othine mbadi thothitambo una kuyipitheranga, Yoyishi mbadi wadimuka thitjangwa ndi ngcamu dha Nyambi? ²⁵ Ruvedhe munye mbohavumbuka muyifa yao, Mbadi kwakukara noyiyeka ndi mbadi akuwa yekitha, Mara hakara yira ha engeli ho mudiwiru. ²⁶ Mara kuhamena nohakakufa owa havumbuka, mbadi watoya mumbapira dha Mushe, Muruvedhe ru ahamene mumuthitu, Edi aambire nendi Nyambi ene aambire shi, 'Yame Nyambi wa Abrahama na Nyambi wa Isaka ndani nyambi wa Yakopusi'? ²⁷ Mbadi Nyambi wakakufa, ene wakakupara. Muna kwiri shemwa.'' ²⁸ Kamutjangi ofotji akeyire kuna terera kumakuyongo ao; amonine shi Yesusi ana watawa thiwana. Amwipurire, ''Murao munye omudyopo thikuma ko ouheya?'' ²⁹ Yesusi ahuthire, ''Murao omudyo ne, 'Muyuve, Mwaka Isaere, Nyambi Fumu wenu, Nyambi wenu ofotji. ³⁰ Hake Fumu Nyambi oye nomutjima oye ouheya, Nomoyo oye ouheya, Noyiayara yoye yoyiheya, ndani no ngcamu dhoye dhodhiheya.' ³¹ Murao ouwadi ne ou, 'Hake mukamusinda oye thika dyodyi wakuhaka we.' Mbadiko murao oukuru okupita u.'' ³² Kamutjangi aambire, ''Uwa, Muruti! Watutongwere ushemwa eshi Nyambi ne ofotji, ene kadiko umweya shimengwa yodiye. ³³ Kumuhaka nomutjima ouheya no kuyuvithitha kokuheya ndani no ngcamu dhodhiheya, ndani nokuhaka hamusinda thikadyodi wakuhaka othinda kupita muyambo noyitapa.'' ³⁴ Opa amonine Yesusi shine anatapa mahuthero omawa, aambire kukwendi, ''Mbadi udi kayenda nokushwii wa Nyambi.'' Kushwaa po, Mbadiko yu akonine kwipura Yesusi mepwero omengi. ³⁵ Mukuhonga kwendi Yesusi Mutempeli, Aambire, ''Yinye hakakutjanga pa hanakuamba shi kristusi mwana Dafita? ³⁶ Dafita yithinda, mumupepo okupongoka, aambire, 'Fumu Nyambi aambire kwa Fumu Nyambi wange, ''Hungumane kudyoko dyange dyorudyo katepa mbonitendera wahakunyenga madjatero oye.''' ³⁷ Dafita yithinda kumwitha shi 'Fumu,' ngepi dyokukona akare kristusi mwana Dafita? ''Mbunga dhodhingi dhaterere kukwendi. ³⁸ Muthihonga thendi Yesusi aambire shi, ''Mutakamithe hakakutjanga, hokuhaka kuyenda mumandhira nokushana kumororiwa mumisika, ³⁹ nokukara payipura yodikuto shemwa mumasinagoge nomuyiko yodikuto mumikiti. ⁴⁰ Hangenine karo nomayuo awa kamadi hafera handambo wao, nokurapera mandapero omare neshi ha needhe haguva. Owa haguva ne nambo hana nyathiwa thikumenena.'' ⁴¹ Yesusi ahungumanine pepi nothitere thokunewera masherenyi mu tempeli; akarire pakukengera haguva pakutura masherenyi muthikesha thohatungi wahe haturire manyinga omengi. ⁴² Mukakufitha omuhepwe akeyire noana turire sherenyi omupu. ^{43 44} Oethire haka thishongero thendi ana ambire nao, ''Ushemwa nakumutongwera, oyu mukakufitha omukamadi omuhepwe ana shwayitha kupitakana owa heya mukatji kenu. owa heya hana tapa kowingi. Mara yu mukakufitha omukamadi omuhepwe, aturire masherenyi oma heya oa aroyere kukuparitha.''