¹ Opahakeyire mu Yerusarema, pepi hakarire nomu kunda Bethphage na bethani pa dirundu dya Olivi, Yesusi atumine hawadi pakathishongero thendi, nona ² ambire kwao, ''muyende muma yimbo opepi netu. Opa shomuka ngene, nganyi muka wane thidongi haana ethi hathira kuthina, Muthishimbe ndani omuthirete kukwange. ³ Ngeshi kwaadi yu sha aambe nenu, Nye muna kuyitendera kemo? muaambeshi, 'Fumu anakuthi shana ndani ñanyi athi tume thihuke karo. ⁴ Hashwayirepo ndani hakawanine thidongi ana thiaanga pathero dho pa nunda mumayimbo, hathishutununine. ⁵ hamweya hemanine popo noha ambire shi, ''Yinye muna kutenda?'' ⁶ Awa tongwere dyodi awarayere Yesusi, Ene haguva awathiyire nokayenda. ⁷ Aretire thidongi kwa yesusi ndani hoha mwayere po yivata yaho, ahungumanine pamoongo watho, ⁸ wingi waguva hamwayire yitere yao mukwakwa, Ndani hamweya hamwayire muthitavura mite dhoyitondo eyi haka tjorire kumapya ao. ⁹ Owa hakutangedhire kuyenda ndani wa hakuthire hatendire muyoyo, ''Hosanna! Dhikare thiyauthi koyu akayeya mudina dya fumu nyambi. ¹⁰ Dhikare thiyauthi dhou fumu wa tate Davida! Hosanna muukuru wendi. ¹¹ Yesusi angenine mu Yerusarema ndani akangenine mungirishe kakenga muya nomuya kuyinu yoyiheya. Dhakupitire nako, Ayendire ku bethani noha guva hendi hokwoko nohawadi. ¹² Diyuwa dyokuva ko pahayendire ashwayerere mubethani, Afire ndhara. ¹³ Kwamonine koka yenda thitondo tho feiga nomahako atho, Ayendire akakengeko pamwe nganyi akawane ko mbuyo, kadiko yi akawanine ko shimengwa mahako vene, Eshine mbadi mwaka okwima mbuyo. ¹⁴ ambire kukwatho, ''kadiko yu akudya mbuyo kuthitondo thi,'' ndani haka thishongero hendi ayiyuvire. ¹⁵ Hakeyire ku Yerusarema, ndani akangenine mutempeli aka tamekire kashwayitha haurithi, hauri, momo mutempeli. Apirure matishi hoha kakutjinja masherenyi noka hunguma na po haurithire maputukuwa. ¹⁶ Kadi atawedhire keheyu shi ashimbemo yinu mutempeli endi thokauritha. ¹⁷ Awahongire noa ambire shi, ''Mbadiyidi kemo, 'Ndhuo dhange ñadha kwithiwe ndhuo dhokurapera matunga omaheya'? Mara mwadhi tendere dho kwidha hedhi.'' ¹⁸ Hapiterithi hohakuru nohakamutjangi apa hayuvire yii, Oha shanaurire ndhira dhokumu pyaa. Hamuyapire nombunga dhothi heya yoyishi mbunga dhodhiheya dhatetukire. ¹⁹ Panako dhorunguro, hashwayire mudoropa. ²⁰ Pakupita mo Mathikuthiku, hamonine thitondo tho feiga thakukuta kare kumidhi dhatho. ²¹ Pitorosi ayarire ndani nokuamba, ''Rabbi, mone! Ethi thitondo ngaukutu ngathikukuta.'' ²² Yesusi awatawire, ''Mukare nomatawero mwa Nyambi. ²³ Ushwemwa nakumutongwera keheyu akuamba kodi dirundu, 'Yende ukawere othinda mudikuruviya,' ngeshi kadi anakutamangera mumutjima wendi mara kutawa yi anakuamba shi kona yihokoke, Oyone yodiyo akutenda Nyambi. ^{24 26} Kehone kuna kumutongwera: Keheyi unakuraperera noyi unakuromba, yitawe naamboyiwane, naamboyikare yoye. ²⁵ Showimane nokurapera, wakona kuthiyerera po keheyu akuyipithera endi keheyu wayipithera, podiyoshi wihetu adi mudiwiru akona kututhiyerera po maharwero etu. ²⁷ Oheyire ku Yerusarema karo. Apa ayendaurire Yesusi Mu Tempeli, ha Puristeri ohakuru, nohakamutjangi, Nohakuru oheyire kukwendi. ²⁸ Ha aambire kukwendi, ''No ngcamu munye unakuruwanitha yi yinu, ndani yidye yu akupa ngcamu dhokuruwanitha yinu yokengeyo?'' ²⁹ Yesusi aambire kukwao, ''Ñanipure dipwero dyofotji kukwenu. Munitongwere ndani ñanimutongwere eshi nongcamu munye naruwanithanga eyi yinu. ³⁰ Diyoyero dya Yohanesi, kudiwiru dya shwayerere ndi kwa wanu? Muni huthere.'' ³¹ Ohakuyongire mukatji kao ndani ohakukananithire pakuaambanga shi, '' Opa shotuaambe shi, 'Mudiwiru, 'ñanyi aambe shi, 'Yinye nane apa twakupira kutawa mumwendi?' ³² Mara ngeshi tuaambe shi, 'Kwa wanu,'.. .'' Hayapire kwa waguva, yoyishi keheyu adimukire shi Yohanesi ne mu Porofita. ³³ Ndani ohamutawire Yesusi shi, ''Mbadi tunakudimuka.'' Ene Yesusi aambire nao, Ngambi nimutongwere shi nongcamu munye nakuruwanitha yinu.''