Thikurumingwa 1
1
Paghulusi, Silvanus, na Timoteghusi kungirishe dhakaTesalonika mwaNyambi gho Wihe na Fumu Jesusi Kristusi. Thinyeke no thiraro thikare nenu.
2
Atwe kehe pano kutapa ndangi kwaNyambi kukwenu mwahe pakumutoyaghura kehepano mumandapero ghetu.
3
Kuna kuvuruka kughutho waNyambi na Wihetu yirughana yenu yo matawero, yirughana yo ruhakitho, mayeyukeroghomakurupero mwaFumu Jesusi Kristusi.
4
Mwakurwange ghamuhaka Nyambi, twadimuka eshi ghamutorora mwe,
5
yoyishi mbudhi dheyire kukwenu no kadi panandongenyu, ene mumangcamu, muMupepo ghoKupongoka, no mumakurupero. Mundhira dhofotji, namwe mwadimuka eshi twanu munye twakarire mukatji kenu pamurandu wenu.
6
Mwakarire mwatemununi kukwetu no kwaFumu, apa mwawanine nando mughukukutu no ruhafo kutunda kwaMupepo gho Kupongoka.
7
Eyi yareta, wakarire ghothitamenedhi kwawahe muMacedonia na Achaia owa hatawa.
8
Kukoye nando dhaNyambi dhaNgendjungire panunda, no kadi muMacedonia na Achaia, ene matawero ghoye mwaNyambi ghakuhanyine kehekuno. Podigho kadi tunshana kughamba keheyino kuhatera kwayo.
9
Papagho pithagho kututongwera kuhatera twe eshi matambwero ghongepi twawanine mukatji kenu, nongepi di mwapiruka kwa Nyambi kutunda kuyitjwandjo mukurughanena ghomoyo no Nyambi ghoshemwa,
10
no kuna kutatera Mwanendi gho mudiwiru, oyu ghapinduthire mmwawafu-Jesusi, oyu ghatushutura kughukukutu ghuna kwiya.