¹ Va Pharisees no vamwe vomatjangwa ovo vatundiro ku Jerusalem kwapongire vavo avamudingilike. ² Vavo kwamonine asi vamwe vova sisongero vendi kwalire mboroto nomawoko ghawo ghokunyanta, ghokupira kukusa. ³ (Va Pharisees no va Juda navantje kapi valyanga vahana kulikusa kumawoko ghawo,mukutwara kumpo yo vakondi vavo. ⁴ VaPharisees nokulyasi sene kunakutunda kumavango wokuulitira, ndi kukusa nkinda,vifoyo,tumuliru to ngoporo,novipundi opo vasungiranga pakulya nkwandi ana likusu mwene.) ⁵ Va Pharisees no va tjangi kwa pulire Jesus,'' Konda munke varongwa voye vadiranga kukwama mpo yovakondi, ene ngoli kulya mboroto hana kulikusa kuma woko?'' ⁶ Ene ngoli avatantere, "Isaiah kwa pumbire nawa kuhamena nwe vapukiti. Tjira mono tu pu vatjanga asi, 'Ovo vantu kwafumadeka na ngevo davo, ene ngoli dimutjima davo ure name. ⁷ Lipando lyavo lyo mavoko-voko kwande, vavo kuronga dimuragho dosintu. ⁸ Anwe kwa suvilira dimuragho dakarunga ene ngoli mbyo mwa kwata wangu mpo ya vantu." ⁹ Ghuye avatantera nka, "Weni mwaswena diimuragho dakarunga mbyo mwaka mpo yenu! ¹⁰ Moses kwatanta, fumadeka vaso navanyoko; no kehe uno gho gho kughamba nkango dodi dona kwa Vase ndi Vawina usili nga fa.' ¹¹ Ene ngoli anwe kughamba, 'Sene muntu aghamba ku Vashe ndi ku Vawina, "Kehe vi kasa nimuvatere kwa vitambura ndjo ndjambo" (Ovyo asi vatapa kwa Karunga), ¹² Ano owo makura no kumupititira si a ruwane kehe vino Vase ndi Vawina. ¹³ Anwe kurenkita nkango dakarunga dipempuke morwa mpo yenu oyo mwaturapo. No vininke vya vingi vya weno mwaruwanaga." ¹⁴ Uye ayitanka mbunga nokuyitantera, "Teyererenu ku kwande namuvantje nwe, no kuyuva. ¹⁵ Kwato nka vimweya vya pandje yamuntu vyo kuvhura kumunyateka pakungena munda yendi." ¹⁶ Mbapira dakahuroko kap dakara narumbembera 16. Yira kehe muntu kwa kara no matwi ghokuyuvita ayuve. ¹⁷ Apa atundire jesus pa mbunga aka ngene mumundi, varongwa vendi ava mupura kuhamena viswewe. ¹⁸ Jesus atanta, "Anwe nanwe simpe kapi muna kuyuva?" Kapi mwakumona asi kehe vino vya ngenango murutu kutundilira pandje kapi vya munyatekanga. ¹⁹ Mbyevi kapi vyayendanga kumutjima, ene ngoli vyavyo kuyenda mulipumba lyendi?" Nosighamba, Jesus kwa fatulire asi ndya nadintje da kusuka. ²⁰ Ghuye kwatantire "Ovyo vya rupukango mumuntu mbyo vya nyakumunyateka. ²¹ Vyokutunda mumuntu, kutunda kuntji, kupulitira maghano dona , rusonda, widi, lidipagho. ²² Kusondera pandje, ukaro dona , ufeke, lipiyagano, mfudu, liswaghu, virundo no ugova. ²³ Ovi navintje ukaro watundilirango, no kunyatekanga rutu." ²⁴ Ghuye asapuka ayende kusirongo sa Tyre no Sidon. MAkura aka ngena mumundi, ene ngoli kapi gha vhulire kulivandeka. ²⁵ Ene ngoli mbapira kapi da kara no nkango. "Mpopo tupu." Mukadi ogho a kaliro no monendi kadona ogho a kaliro na mpepo yakunyata, aya were kumpadi dendi opo uyuvire mbudi yakuhamena kwendi. ²⁶ Ngoli uno kwa kalire gho muGreek, ngoli muSyrophoenician ku Mvharerwa. Amukanderere a yitemo mpepo dona mwa monendi kadona. ²⁷ Ghuye amutantere, "Renka vanuke vavape ndya pamuhovo. Morwa kapi vyawapera kuhupa mboroto yo vanuke no kuyivhukumina kumbwa." ²⁸ Ene ngoli alimburura si, "Nhii Hompa mbwa kulya nampili vivuunyunu vya mboroto oro rwa werango munda yasitafura." ²⁹ Ghuye amutantere asi, "Morwa mbyovyo una ghamab, manguruka mukuyenda,.Mprpo dona yina tundu mwa monoye kadona." ³⁰ Mukadi ayendiko kumundi no ku kawana ko monendi kadona ana rara pa mbete, no mpepo dona yina tundumo mwendi. ³¹ Ano ayendi arupuke pandje yasirongo saTyre, aka pitire mu Sidon atambe kulifuta lya Galileee dogoro mu sirongo saDecapolis. ³² Ava muyitire muntu ogho akaliro sipuru-puru no ghuditi wo kughamba, vavo ava mukandere akambeke livoko lyendi pendi. ³³ Ano amughupu amu tware kulivango lya umbembe, a tura nyara dendi mumatwi ghendi, ano amu tipire no kukwata lirka lyendi. ³⁴ Ano a kenge muliwiru, a setereko , no kumutantera "Ephphatha" Kutanta asi "Gharuka!" ³⁵ Pasirugho ntjoso tupu matwi ghendi a gha gharuka, liraka lyendi lya kumanaga ali manguruka, no kutameka kughamab nawa. ³⁶ Jesus ava rawire vadire kutantera kehe ghuno. Ene ngoli momo ava rawilire, mo muungi vatantilire vantu. ³⁷ Vavo kwatetukire unene, ava ghamba asi "Ana ruwana nkehe vino nawa." Ana renke vipuru-puru viyuve novo vo kudira kughamba vahambe."